ملی مصالحه کینگشی باشلیغی عبدالله عبدالله نینگ ایچکی ایشلر سابق وزیری مسعود اندرابی نینگ چیکلنتیریلیشیگه قرشی ایتیشیچه، اونینگ چیکلنتیریلیشی سیاسی شرطنامهگه قرشی دیر.
بوگون “شنبه” ملی مصالحه کینگشی باشلیغی نینگ بیر اعلامیه آرقهلی ایتیشیچه، اوشبو قرار خصوصیده او بیلن مصلحت قیلینمهگن و ایکی تامان آرهسیده امضالنگن سیاسی شرطنامهگه قرشی دیر.
تشقی ایشلر وزیرلیگی مسکو ده «کینگ ترویکای» ییغینی اداغی نینگ قوشمه اعلامیهسینی خوش قرشیلب و اونینگ اهالی نی ایستهگی اساسیدهگی تینچلیککه ایریشیش اوچون جدی سوزلشوولر باشلهنیشی گه آلغه بیر اَدیم دیگن.
مسکو ده آمریکا، روسیه، چین و پاکستان نمایندهلری ییغین اداغی نینگ قوشمه اعلامیهسیده کیلیشیچه، مذکور مملکتلر اسلامی امارت قیته قوریلیشی گه قرشیلیک کورسهتگن.
ملی خوفسیزلیک کینگش دفتری نینگ اعلام قیلیشیچه، جمهوررئیس غنی نینگ اَیری بویروغلری اساسیده، قندهار سابق حاکمی حیاتالله حیات ایچکی ایشلر وزیرلیگی سرپرستی و محلی ارگانلر سابق اورینباسری ایوب سالنگی نینگ مذکور وزیرلیک بیرینچی اورینباسری صفتیده تعیین قیلگن.
فاریاب محلی منبعلری نینگ ایتیشلریچه، طالبان اوتگن کیچه مذکور ولایت نینگ گرزیوان تومنیده بیر آنه و قیز و ایکی ایناغه شامل ۵ کیشی نی اوققه توتیب اولدیرگن.
محلی بیر منبع نینگ سلاموطندارگه ایتیشیچه، طالبان پنجشنبه کیچه گرزیوان تومنی نینگ «سرچکان» منطقهسیده، ایکی ایناغه نی بیر باغ نینگ ایچیده اوققه توتیب اولدیرگن.
مدافعه وزیرلیگی بوگون (پنجشنبه ۲۸- حوت) بیر خبرنامه ترقهتیب ایتیشیچه، اوتگن کیچه ۷۷۷ لوا گه تیگیشلی می – ۱۷ هلیکوپتری میدان وردک ولایتی نینگ بهسود تومنی ده قوللب توشگن.
بوگون (پنجشنبه ۲۸- حوت) کابل پولیس قومندانلیگی نینگ ایتیشیچه، کابل شهریده دولت ایشلاوچیلری مینیلگن کاستر تیپلی بیر موترده یوزبیرگن پارتلش ده ۴ کیشی هلاک و باشقه ۱۱ کیشی ایسه یرهلنگن.
مذکور پارتلش بوگون ایرتهلب ساعت ۷:۲۰ اطرافیده کابل شهری نینگ ۱۷- خوفسیزلیک حوزهسیگه تیگیشلی کوتل خیرخانه منطقهسیده یوزبیرگن.
نمایندهلر کینگشی نینگ بوگونگی عمومی ییغینیده، مذکور کینگش اعضالریدن قطاری معلومات و احصائیه ادارهسی نینگ ینگی قراری گه قرشی عکسالعمل کورسهتیب ایتیشلریچه، ۵۴ قوم برقی کیملیک رویخطی گه کیریتیلیشی غیر مسلکی بیر ایش دیر و بو افغانستان اهالیسی نینگ فایدهسیگه ایمس.
بوگون ۲۷- حوت خبرچیلر ملی کونی دیر. بو کون ییتیب کیلیشی بیلن خبرچیلر و رسانهلردن حمایت قیلووچی نهادلر قویاش ۱۳۹۹- ییل نی خبرچیلر و رسانهلرگه قرشی قیین بیر ییل دییشگن. اولرگه کوره، خبرچیلرنینگ خوفسیزلیگی تأمینلنیشی گه جدی توجه بولمهگن صورتده، خبرچیلردن کوپینچه خبرچیلیکدن قول تارتیش گه زورلنیشی ممکن.
افغانستاندهگی آمریکالیک حربیلرنینگ ایتیشلریچه، اوتگن ۲۴ ساعت ده قندهار ده افغانستان حربیلری نینگ حمایتی بیلن طالبان نینگ قرارگاهلرینی بمبارد قیلیشگن.
بوگون (چهارشنبه ۲۷- حوت) افغانستان ده آمریکالیک حربیلر سوزلاوچیسی سانی لگت توییتر ده یازیشیچه، آمریکالیک حربیلر مذکور هجوملرنی بو ولایت نینگ ژیری و سپینبولدک تومنلریده اویوشتیرگن.
اوتگن کون ایچکی ایشلر وزیرلیگی سوزلاوچیسی طارق آرین، خصوصی رسانهلردن بیری پارتلش ماده نینگ انتقال بیریلیشی گه قولی بارلیگی نی ادعا قیلیب و بو توغریده تیکشیروولرنینگ دوامی بار دیدی.
افغانستان ملی کنگره حزب رهبری عبدالطیف پدرام کابل ده خبری بیر ییغین اوتکزیب ایتیشیچه، او بو ییغین گه شرکت قیلمهیدی، بیراق بو ییغینده ایکی اونملی موضوع اوستیگه بحث قیلینیشی ممکن کیم بیری انتقالی دولت و باشقه بیری ایسه ینگی دولت رئیسی تعیین ایتیلیشی دیر.
پلخمری شهری صرافلری بو شهرده ناتینچلیکلر و قوراللی اوغیرلاوچیلیکلر کوپهیگنی باعث اعتراض بیلدیریشگن.
صرافلر ناراضلیک نمایش یولگه قویگن بیر حالده، بیر کون آلدین عبدالبصیر ناملی بیر صراف پوللرینی بانک که انتقال بیرهدیگن بیرچاغده، قوراللی کیشیلر آرقهلی یرهلنتیریلیب و کمیده ۴ یریم میلیون افغانیسی مذکور کیشیلر تامانیدن اوغیرلنگن.
امنیتی ایشانچلی منبعلرنینگ سلاموطندارگه ایتیشلریچه، بوگون (سهشنبه ۲۶- حوت) ایرتهلب بغلان بیلیم یورتی ایکینچلیک فاکولتهسی نینگ طلبهلری و اوقیتوچیلری گه تیگیشلی کاستر تیپلی بیر موتر، بیلیم یورت تامان کیتهدیگن بیرچاغده ایکینچی خوفسیزلیک حوزه گه تیگیشلی جلازیی منطقهسیده طالبان آرقهلی هجوم آستیده آلینگن.
جوزجان ولایتی کینگش اورین باسری امرالدین دانشجو نینگ ایتیشیچه، اوشبو ولایت تومنلریده وضعیت خواطرلنترووچی دیر و بوتوغریده دقت بولمهگن صورتده، کوپ قطار منطقهلر طالبان نظارتیگه اوتیب و انسانی فاجعه یوز بیریشی ممکن.
مملکت بوییچه قماقخانهلرنی تنظیم قیلیش ادارهسی میدیالر بولیمی مسوولی فرهاد بایانی نینگ سلاموطندارگه ایتیشیچه، جمهور رییس نینگ فرمانی عملگه آشیریلیشی خصوصیده فساد و خویشخورلیک بار دیر، لیکن فسادنی نابود قیلیش اوچون سعی و حرکت قیلهدیلر.
بوگون “دوشنبه” پروان ولایتی کینگش باشلیغی امینالله شکوری نینگ بیر ییغین آرقهلی ایتیشیچه، اوشبو ریجهنی مطرح قیلگنلر کسل دیر و درمانلنیشلری کیرهک. جناب شکوریگه کوره، افغانستان دشمنلری قوم و ملت نی پارچه پارچه قیلیش اوچون سعی و حرکت قیلهدیلر.
