مملکت بوییچه قماقخانه‌لرنی تنظیم قیلیش اداره‌سی میدیالر بولیمی مسوولی فرهاد بایانی نینگ سلام‌وطندارگه ایتیشیچه، جمهور رییس نینگ فرمانی عملگه آشیریلیشی خصوصیده فساد و خویش‌خورلیک بار دیر، لیکن فسادنی نابود قیلیش اوچون سعی و حرکت قیله‌دیلر.

جناب بایانی نینگ ایتیشیچه، اوشبو اداره نینگ کشف و استخباراتی بولیمی‌نی کوچلی قیلیش بیلن ۱۳۹۹- ییلده جمهور رییس فرمانی‌نی ساته‌یشگه قصد قیلگن ۱۰ کیشی قولگه آلینگن، بیراق او مذکور قولگه آلینگن کیشی‌لر خصوصیده معلومات بیرمه‌گن.

قماقخانه‌لرینی تنظیم قیلیش اداره‌سی مطبوعاتی مسوولی نینگ ایکی کون آلدین پلچرخی قماقخانه‌سیده یوز بیرگن واقعه خصوصیده ایتیشیچه، مذکور آتیشمه‌ده ۱ کیشی هلاک و باشقه ۴ کیشی یره‌لنگن. اونینگ کوپه‌یتیریشیچه، حاضرده قماقخانه ایچی‌ده وضعیت عادی بولگن.

جمهورلیک ریاستی تامانیدن صادر قیلینگن تخفیف و کیچیریش فرمان‌لرنینگ قماقخانه‌لر مسووللری تامانیدن ساتیلیشی هردایم محبوس‌لرنینگ تنقیدلری بیلن روپه‌ره بولگن. اولرنینگ ایتیش‌لریچه، قماقخانه‌لر مسوول‌لری مذکور فرمان‌لرنی پول‌گه قرشی ساته‌دیلر.

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام