دین عالملرنینگ ایتیشلریچه، طالبان کروهی افغانستانده چیتایللیک کوچلرنینگ حضوریگه بهانه قیلیب تینچ اهالینی اولدیرهریدی؛ بیراق چیتایللیک کوچلرنینگ چیقیش جریانی باشلنگنیدن سونگ، اولرنینگ زوروانلیکلری ایکی برابر بولگن.
بادغیس حاکمی حسامالدین شمس نینگ سلاموطندارگه ایتیشیچه، بو ولایت برچه تومنلری طالبان قولیگه سقوط قیلگن و بو گروه جنگریلری بادغیس مرکزی قلعهنو شهری گه داخل بولگن. شونینگدیک بادغیس ولایتی کینگش باشلیغی عبدالعزیز بیک نینگ سلاموطندارگه ایتیشیچه، بو ولایت برچه تومنلری طالبان قولیگه سقوط قیلگنیدن کیین، حاضر مذکور گروه جنگریلری اوزلرینی اوشبو ولایت مرکزی قلعهنو شهری گه ییتیشتیرگن.
هرات حاکمی عبدالصبور قانع نینگ ایتیشیچه، اوشبو ولایت نینگ چشت تومنیده جایلشگن امنیتی کوچلرنی یخشی شکلده سازمان بیریش اوچون بو تومن نینگ ایکینچی بولیمیگه انتقال بیرگنلر. هرات حاکمی نینگ سلما توغانیگه قرشی بولگن امنیتی تهدیدلرنی رد قیلیب ایتیشیچه، سلما توغانیگه قرشی امنیتی تهدیدلر بولگن مشمشلر ناتوغری دیر.
مملکت باشقارهلاوچیسی ذبیحالله کلیم، بوگون «رسانه فعالیتلری نینگ قانونی قیلیش و نشرات صفتی یخشیلنیش اوچون مصلحتی ییغین» نامیده یولگه قوییلگن خبری ییغینده ایتیشیچه، رسانهیی جرم و خلافکارلیکلرنی آلدینی آلیش اوچون، رسانهلرده معلومات ییتکزیش و محتوا نشری قندهیلیگی اوچون آچیق بیر مکانیزم آچیلیشی کیرهک.
ملی اسلامی جنبش حزبی رهبری مارشال عبدالرشید دوستم، افغانستان اسلامی وحدت حزبی رئیس محمد محقق و اسلامی جمیعت حزبی نینگ اجرهلگن شاخهسی رئیسی عطامحمد نور جهاد سابق قومندانلری و طرفدارلریدن طالبانگه قرشی بسیج بولیشلرینی سورهگنلر.
بدخشان ولایتی کینگش عضوی طلبالدین قادری نینگ سلاموطندارگه ایتیشیچه، اوشبو ولایت نینگ واخان، زیباک، اشکاشم و شغنان تومنلریده آتیشمه یوز بیرمهگن و طالبان جنگریلری تومنگه کیلمسدن آلدین امنیتی کوچلر مذکور تومنلرنی ترک قیلگنلر.
قندهار امنیتی مسئوللری نینگ ایتیشلریچه، بوگون توشدن کیین پارتلش مادهدن تولیق بولگن بیر موتر، قندهار شهری نینگ ۷- خوفسیزلیک حوزهسیده پارتلهگن. قندهار پولیس قومندانلیگی سوزلاوچیسی نینگ سلاموطندارگه ایتیشیچه، بو پارتلش عاقبتیده بیر پولیس هلاک و بیر پولیس و ۲۰ تینچاهالی شامل ۲۱ کیشی ایسه یرهلنگن.
تاجیکستان جمهوررئیسی امامعلی رحمان بو مملکت مدافعه وزیرلیگی گه، ۲۰ حربی نی افغانستان بیلن بولگن چیگرهده جایلشتیریشی خصوصیده بویروغ بیرگن. مملکت شمال و شمالشرقی ده آتیشمهلر کوپهیگنی باعث تاجیکستان بوندهی بیر قرار آلگن. سونگی پیتلرده طالبان گروهی بدخشان، قندوز و بلخ ولایتلریده هجوملرینی کوپهیتیرگن.
افغانستان ده بیرلشگن ملتلر تشکیلاتی نینگ اورینباسرلیک هیأت دفتری یا یوناما نینگ اعلام قیلیشیچه، تینچلیک سوزلشوولری حقیقی بولیشی کیرهک و شونینگدیک اوروش نی یکونلنتیرهدیگن و افغانستان اهالیسی گه امید بیرهدیگن یالغیز یول صفتیده اولویت گه قرار تاپیشی کیرهک.
بریتانیا سابق رسمیلری نینگ ایتیشلریچه، چیتایللیک کوچلرنی افغانستاندن چیقیشی تروریستی شبکهلر اینیقسه القاعده نینگ قیتهدن کوچلی بولیب و فعالیتگه باشلهشیگه سبب بولهدی.
تخار ولایتیدن محلی بیرمنبع نینگ کیملیگی سیرقالیشنی ایستهب سلاموطندارگه ایتیشیچه، طالبان گروهی مملکت ملی قهرمانی احمدشاه مسعود نینگ فرخار تومنینی چمن خسده منطقهسیده حکاکلیک ایتیلگن تصویرینی سیندیریب و پارچهلگن.
نمایندهلر کینگش اعضالریدن قطاری مذکور کینگش نینگ بوگونگی عمومی ییغینیده، امنیتی وضعیت یمانلنگنی، کرونا کسللیگی کینگهیگنی و شونگه اوخشهگن باشقه قیینچلیکلر توغریسیده خواطر بیلدیریشگن.
منبع نینگ ایتیشیچه، مذکور منطقهلرده جایلشگن امنیتی کوچلرنینگ پوستهلری طالبان تصرفیگه اوتگن. منبع نینگ کوپهیتیریشیچه، چیگره کوچلریدن کمیده 300 تهسی یوزلرچه مردمی کوچ بیلن حاضرده چیگره او تامانیگه تاجیکستان توپراغیگه جایلشگنلر و حیات کیچیریشلری اوچون تاجیکستان حکومتی تامانیدن آذیق-آوقات و ابتدایی امکانیتلر یرهتیلگن.
سلما توغانی نینگ امنیتی کندک قومندانی اللهمحمد همدرد نینگ سلاموطندارگه ایتیشیچه، طالبان جنگریلری بوگون ایرتهلی هرات نینگ چشت تومنیده قرار تاپگن، اوشبو توغان نینگ امنیتی قرارگاهی اوستیگه هجوم قیلگن. سلما توغانی نینگ امنیتی کندک قومندانی گه کوره، مذکور هجوم نتیجهسیده بو توغان نینگ ۱۶ قوریقچیسی هلاک ایتیلگن.
مملکتده امنیتی وضعیتی خواطرلنترووچی دیر، کوپ قطار ولایتلرده آتیشمه شدتلنگن و طالبان گروهی هرکون بیرقطار تومنلرنی تصرف قیلهدی. عینحالده، بیرقطار سیاسی ایش بیلرمانلرنینگ ایتیشلریچه، دولت و سیاستچیلر آرهسیده سیاسی اجماع بولمهگنی سبب، طالبان گروهی اوروش میدانیگه موفق بولهدی.
آمریکا نینگ کابلدهگی ایلچیخانهسی نینگ اعلان قیلیشیچه، اوشبو مملکت دیپلوماتیک حضوریده دوام بیرهدی و ایلچیخانه نینگ باغلهنیشی خصوصیده هیچقندهی برنامه یوق. بوگون “یکشنبه” آمریکا ایلچیخانهسی نینگ توییتر صحیفهسیده یازیشیچه، آمریکا نینگ دیپلماتیک حضوری افغانستان دولتی و اهالیسی بیلن انجام تاپهدیگن ایشلر اوچون دوام تاپهدی.
