غزنی دهگی منبعلر نینگ ایتیشلریچه، اوشبو ولایت بیلیم یورتی شرعیات فاکولتهسی باشلیغی سید مبتهج هاشمی، تورت آی آلدین غزنی شهریدن نامعلوم شخصلر تامانیدن اوغیرلنگن ایدی، جسدی بوگون ایرتهلب غزنی شهری حدودلریدن تاپیلیب و بوگن عصر چاغی توپراققه تاپشیریلگن.
روسیه نینگ افغانستان ایشلری بوییچه مخصوص نمایندهسی ضمیر کابلوف میدیالر بیلن اوتگزگن صحبتیده ایتیشیچه، بو مملکت؛ اسلامی امارت نینگ روسیهده افغانستان ایلچیلیگیده نیچه دیپلومات قبول قیلینیش التماسینی قبول قیلهدی.
افغانستان نینگ اینگ بویوک بازاری شهزاده سرایی صرافلری اوتگن کونی، بیر هفته ایچیده اوچ صراف اوغیرلنیشی و مرکزی بانک نینگ سونگی اقداملری گه عکسالعمل کورسهتیب مذکور صرافلیک مرکزنی یاپگن ایدیلر، بیراق بوگون قیتهدن آچیب فعالیت لری گه دوام بیردیلر.
دالر بهاسی ثبات سیز بولیب، ییگولیک آزیق – اوقات ویاقیلغی ماده نینگ نرخی یوقاری کیتگنی آرتیدن کابل بلدیهسی احتکاردن منع قیلیش، ییگولیک و یاقیلغی ماده نرخ نواسی نینگ تعین قیلوچی کمیسیون ایجاد ایتیلگنیدن خبربیرگن.
اسلامی امارت کابینهسی، باش وزیر محمد حسن آخوند ییتکچیلیگیده اوشبو کابینه نینگ ۲۲-ییغینیده، ناگرانلر، ییتیملر و بیوهلر گه یاردم بیریش خصوصیده شهیدلر و ناگرانلر وزیرلیگی نینگ لایحهسینی تصدیقلهگن.
بیرلشگن ملتلر تشکیلاتیده افغانستان دایمی نمایندهلیگی نینگ اعلام قیلیشیچه، مذکور نمایندهلیگی نینگ مختاروزیری و اورینباسری محمدولی نعیمی، بیرلشگن ملتلر تشکیلاتیده افغانستان نمایندهلیگی سرپرستی نی بویینیگه آلدی.
کابل امنیه قوماندان لیگی نینگ سوزلاوچیسی خالد زدران گه کوره، بیر کیشی نی بیر عیال و ایکی قیزی نی اولدیریش عیبی بیلن کابل شهری ییتینچی حوزه «جای رئیس» منطقه سیدن قولگه آلگنلر.
اسلامی امارت نینگ بیر هیأتی سویس پایتختی ژنواده غیردولتی بیر تشکیلات میزبانلیگی گه یولگه قویلگن بیر ییغینده اشتراک قیلیش اوچون، مذکور مملکت گه کیتگن. اوشبو ییغین دوشنبه کونیدن جمعهگچه یاپیق دروازهلر نینگ آرقهسیده یولگه قویلیشی گه قرار آلینگن.
سیاسی ایش بیلرمانلردن قطاری نینگ ایتیشلریچه، افغانستان اسلامی امارت رسمیت گه تانیلیشی اوچون، دنیا جماعهچیلیگی نینگ بعضی شرطلرینی عملی قیلیش گه باشلهگن و حکومتلری رسمیت گه تانیلیشی کوتیلهدی.
بوگون افغانستان دوکاندارلر و کسبهکارلر اتاقی مسئوللری کابلده یول گه قویلگن بیر نمایشگاهدهگی ییغینده ایتیشلریچه، بانکلر سیستمیده یرهتیلگن چیکلاولر، کسبهکارلر و دکاندارلر نی جدی قیینچیلیک بیلن روپهرو قیلگن.
افغانستان اسلامی امارت سوزلاوچیسی و معلومات و مدنیت وزیرلیگی نینگ نشراتی معینی ذبیحالله مجاهد، بوگون کابلده یولگه قوییلگن ییغینده ایتیشیچه، دولت ایشلاوچیلری بوندن کیین معاشلرینی هر آی و وقتیده آلیشلری ممکن.
پایتخت یشاچیلری دن قطاری ساغلیق وزیرلیگی نینگ اومیکرون کرونا ویروس ینگی توری تهدیدیدن تنقید قیلیب ایتیشلریچه، کرونا ویروس (اومیکرون) ینگی توری کوپهیگن؛ بیراق اوشبو وزیرلیک بو ویروس تهدیدیدن اهالی نی آگاه قیلیش اوچون هیچ بیرعملی ریجهنی قول آستیگه آلمهگن.
افغانستان وضعیتی خصوصیده قوشنی مملکتلر تشقی ایشلر وزیرلری نینگ اوچینچی ییغینی کیلگوسی میلادی آی (مارچ) آخری هفتهسیده چین پایتختی پکنده اوتکزیلیشی کوتیلهدی.
آمریکا قوشمه ایالتی تشقی ایشلر وزیرلیگی نینگ عدالت اوچون مکافات برنامهسی، داعش گروهی نینگ خراسان شاخهسی رهبری غفاری ثناالله اورنینی انیقلش و معلومات بیریش اوچون ۱۰ میلیون دالر مکافات تعیین قیلگن.
هند میدیالری نینگ گزارش بیریشلریچه، بیر هتفهدن بویان واگه بندرگاهی آرقهلی افغانستاندن هیچ صادرات صورت تاپمهگن. اوشبو میدیالردن نقل قیلینیشیچه، افغانستان نینگ اوشبو بندر آرقهلی وارداتی آسیا جنوبی منطقهوی ایرکین سوداگرلیک گواهینامهسی بیتیمی اوستیدهگی قرشیلیک سبب توختهتیلگن.
افغانستان ملت حزبی نینگ باش کاتبی جعفر مهدوی، کابلده یولگه قوییلگن خبری بیر ییغینده اسلامی امارت صفلریده اوزباشیمچه کیشیلرنینگ تخطی قیلیشلریدن خواطر بیلدیریب ایتیشیچه…
