افغانستان بوییچه اروپا اتفاقی خاص نمایندهسی توماس نیکلسون نینگ ایتیشیچه، افغانستان یشاوچیلری گه هیچ بیر حکومت تحمیل بولمهیشی کیرهک. او، افغانستان حکومتی قندهیلیگی بارهسیده اسلامی امارت تشقی ایشلر وزیرلیگی سرپرستی امیرخان متقی نینگ بیاناتی گه مناسبت بیلدیریب توییتریده یازیشیچه…
بادغیس مدنی فعاللری و یشاوچیلری قادس_قلعۀنو سوو ییتکزیش پروژه نینگ بوزیلگنیدن خواطر بیلدیریب و ایتیشلریچه، مذکور پروژه موسمی سوو تاشقینلر باعث، نابود بولیش خطری گه دوچ کیلگن. اولر اوشبو ولایت نینگ محلی مسئوللریدن مذکور پروژه نینگ حفظ و مراقبتی اوچون جدی توجه قیلیشلری نی سورهگنلر.
آمریکا نینگ افغانستان نی قیته تیکلش و تیکشیریش مخصوص ادارهسی یا سیگار نینگ ایتیشیچه، افغانستان نیچه ییللردن بویان، ساغلیق ساحهسیده تجربهلی، تعلیمات کورگن و مسلکی متخصص شفاکارلرکملیگی بیلن روپهرو دیر.
اسلامی امارت ایچکی ایشلر وزیرلیگی نینگ پاسپورت عمومی ریاستی، مملکت نینگ ولایت لریدهگی آمریتلری گه، پاسپورت ینگی طلبگارلری نینگ حجتلرینی قانونی لشتیریلیش جریانینی یکشنبه، ۲۲ حوتدن باشلب توختهتیلیش بویروغینی بیرگن.
اسلامی امارت تشقی ایشلر وزیرلیگی نینگ سرپرستی امیرخان متقی بوگون «آنتالیا دیپلماسی انجمن ییغینی» نینگ عرفهسیده صحبت قیلیب، ایتیشیچه، افغانستان یشاوچیلری خصوصی تیزیم ایستهیدیلر و اسلامی امارت اولرنینگ حق و فکرلریگه حرمت قایل بولهدی.
مملکت بویلب نهال ایکیش کمپاینی دوام ایتر ایکن، بوگون اوشبو کمپاین ایکینچیلیک وزیرلیگی نینگ مسئوللری، کابل ولایتی مقامی و کابل بلدیهسی حضوری بیلن اوشبو ولایت نینگ برچه تومنلریده رسمی روشده باشلندی.
افغانستان موج تحول حزبی، بوگون کابلده ۸ مارچ، خلقارا خاتین قیزلر بیردملیک کونیدن نشانلهدیلر. مذکور حزب اعضالری نینگ ایتیشلریچه، سونگی اوزگریشلردن کیین، خاتین قیزلر نینگ قیینچیلیکلری کوپهیب و اولر اساسی حقوقلریدن محروم بولگنلر.
بادغیس امنیه قوماندانلیگی خوفسیزلیک آمری غوثالدین افغان نینگ سلام وطندار گه ایتیشیچه، اوشبو ولایت نینگ مرکزی قلعۀنو شهری بیرینچی ناحیهسی حدودلریده بیر کیشی، تورموش اورتاغینی اوققه توتیب اولدیرگن.
بادغیس امنیه قوماندانیلیگی خوفسیزلیک آمری نینگ کوپهیتیریشیچه، اوشبو واقعه ایکی کون آلدین یوز بیرگن، بیراق مذکور عیال نینگ جسدی جمعه کونی، ۲۰ حوت تورموش اورتاغی اویدن تاپیلگن.
غور امنیتی مسئوللری اوشبو ولایتده بیر عیال و ایرکک نامشروع رابطه عیبی بیلن اولدیریلگنیدن خبر بیرگن. مذکور ولایت مقاملری نینگ ایتیشیلریچه، بو واقعه اوتگن کیچه
اروپا پارلمانیده ایرلند نمایندهسی کلر دالی، دنیا جماعهسی تامانیدن افغانستان فاجعهسی نینگ اونیتیلگنیدین تنقید قیلیش بیلن، اوشبو اقدام نی «نژادپرستلیک» دیب و اورغولشیچه، مذکور مملکت یشاوچیلری نینگ وضعیتی یمانلنماقده دیر؛ بیراق بوندن هیچ بیر سوز بیان بولمهیدی.
بوگون (جمعه، ۲۰-حوت) «آنتالیا دیپلماسی مجمع» ییغینی نینگ ایکینچی دوری اروپا بیرلشمهسی، ناتو ییریک رسمیلری، بیرلشگن ملتلر تشکیلاتی، دنیا و منطقه مملکتلردن قطاری نینگ حضوری و «دیپلماسی نینگ قیته لایحهلش» شعاری بیلن باشلنیشی گه قرار آلینگن.
پاکستان تشقی ایشلر وزیری شاهمحمود قریشی، بوگون بیرلشگن ملتلر تشکیلاتی نینگ بشر حقوقی عالی کمیشنری میشل باشله بیلن اوچرهشب ملاقات قیلگن.
آق سرای نینگ آگاهلنتیریشیچه، روسیه اوکراینده شیمیاوی یا-ده بیولوژیکی قوراللردن قوللنیشنی ریجه لنتیره یاتگنلیگی ممکن. آق سرای سوزلاوچیسی جن ساکی توییتر صحیفهسیده یازیشیچه، اوکراینده آمریکا نینگ بیولوژیکی قوراللر آزمایشگاهلری نی ایشلب چیقاریش حقیده روسیه ادعاسی، ناتوغری دیر.
سعودی عربستان و بیرلشگن عرب امیرلیگی رهبرلری، سونگی هفتهلرده آمریکا جمهور باشلیغی جوبایدن بیلن علاقه قوریشدن باش تارتگنلر؛ چونکه آمریکا و متحدلری روسیه نینگ اوکراین گه باستیریب کیریشی باعث نفت نرخینی پس توشیریش نیتیده دیر.
آمریکا بیرلشمه ایالتی نینگ تشقی ایشلر وزیری آنتونی بلینکن، اوتگن کون اوزبیکستان تشقی ایشلر وزیری عبدالعزیز کاملوف بیلن واشنگتنده اوچرهشگنلر. آمریکا بیرلشمه ایالتی تشقی ایشلر وزیرلیگی نینگ اعلام قیلیشیچه، مذکور اوچرهشووده، ایکی تامان افغانستان و اوکراین وضعیتی حقیده صحبت قیلگنلر.
افغانستان سابق جمهوررئیسی حامد کرزی ینگیلیکده ایران صدا و سیما آژانسی بیلن کابلده اوتکزگن صحبتیده ایتیشیچه، مملکت بویلب اسلامی امارت حاکمیت گه ایریشیشی بیلن، افغانستان فقرالری حاضرگچه دایمی ثبات و تینچلیککه قول تاپه آلگنلری یوق دیر.
