جوزجان پولیس قومندانی خواجه غلام‌جیلانی ابوبکر نینگ ایتیشیچه، طالبان جنگریلری اوتگن کیچه شبرغان شهری نینگ جنوبیده امنیتی کوچلر دفاعی خطی‌نی سیندیریش بیلن شهرگه کیرگنلر، لیکن قیته‌دن ملی اسلامی جنبش حزبی رهبری مارشال عبدالرشید دوستم گه تیگیشلی حربی‌لر و امنیتی کوچلر تامانیدن کیین‌گه اوریلگن.
افغانستان ایرکین میدیالریدن حمایت قیلووچی نهاد یا-ده نی اجرایی باشلیغی مجیب خلوتگر، مملکت امنیتی وضعیتی یمان بولیشی بیلن، رسانه‌لرنینگ فعالیتی قنده‌یلیگی توغریسیده خواطر بیلدیرگن.
بوگون “پنجشنبه” مملکت ناتینچ ولایت‌لریده‌گی بیلیم یورت‌لر اوقووچی‌لریدن بیرقطاری امنیتی وضعیت یمان بولگنی سبب، جمهورلیک ریاستی برابریده ناراض‌لیک نمایش یولگه قوییب ناتینچ ولایت‌لردن مرکزگه تبدیل ایتیلیش‌لری اوچون زمینه یره‌تیلیشی‌نی سوره‌گنلر.
ملی اسلامی جنبش حزبی سوزلاوچیسی احسان نیرو نینگ بو خبرنی تصدیق‌لب ایتیشیچه، مملکت شمال و شمال‌شرقیده امنیتی وضعیت‌نی مهار قیلیش اوچون جناب دوستم نینگ تاثیرلی برنامه‌لری بار و تیزلیککه قولدن کیتگن منطقه‌لرنی قیته آلیش و مردمی کوچلرنی بسیج قیلیش اوچون سعی و حرکت‌لر صورت تاپیشی ممکن.
اوتگن تورت کیچه‌ده طالبان سلما توغانی اوستیگه کمیده ۵۰ هاوان اوقی آتگن. هرات ده امنیتی ایشانچلی بیر منبع نینگ سلام‌وطندارگه ایتیشیچه، مذکور هاوان‌لردن قطاری سلما توغانی نینگ تأسیساتی گه اصابت قیلیب و بو بند گه ضرر هم ییتیشتیرگن.
آمریکالیک ییریک بیر دیپلمات سلام‌وطندار بیلن اوتکزگن خاص سوزلشووده ایتیشیچه، طالبان قیشلاقلر و تومن‌لرنی نظارتگه آلگن بیرحالده، افغانستان تینچلیککه ایریشیشی اوچون واشنگتن سعی و حرکتدن قول تارتمه‌یدی.
اونینگ ایتیشیچه، تینچلیک سوزلشوولری نینگ تیزلشتیریش اوچون، کیله‌جک هفته قطر ده بیر ییغین یولگه قوییلیشی ممکن.
مذکور کینگش اوتگن کون نشر قیلگن اعلامیه‌ده طالبان تامانیدن زوروانلیک‌لری کوپه‌یشی، تینچ‌اهالی تلفاتی و آتیشمه‌لرنینگ تأثیری آستیده قرار تاپگن منطقه‌لرده انسان حقلری جدی شکلده نقض ایتیلگنیدن جدی شکلده خواطر بیلدیریب و افغانستان ده اوروش توخته‌تیلیشی نی سوره‌گن.
ایچکی ایشلر وزیرلیگی مسئوللری نینگ ایتیش‌لریچه، کابل شهریده مدافعه وزیرلیگی سرپرستی جنرال بسم‌الله محمدی نینگ اویی نی اوستیگه اویوشتریلگن هجوم، ۵ ساعت‌لیک آتیشمه دن کیین یکونلنگن.
ایچکی ایشلر وزیرلیگی سوزلاوچیسی میرویس استانکزی نینگ ایتیشیچه، مذکور آتیشمه جریانیده بیر عیال شامل ۸ کیشی هلاک بولگن.
مملکت تشقی ایشلر وزیری محمدحنیف اتمر خبری بیر ییغین اوتکزیب ایتیشیچه، دنیا جماعه‌چیلیگی تیزلیککه افغانستان بیلن همکارلیک قیلیب و بو مملکت نینگ یانیده توریش بیلن جاری اوروش نینگ آلدینی آلیشی کیره‌ک.
قندوز ده اوروش شدتی و طالبان هجوم‌لریدن ایکی آیدن کوپراق اوتماقده. بو پیتده مینگ‌لرچه عایله جایسیز بولیب و اهالی اوی‌لری تخریب بولگنی و اوروشدن امان قالیش اوچون مذکور ولایت تومن‌لری و مرکزیدن بیجا بولیب، قندوز هوا قونالغه قتناویولی نینگ چیککه‌سیده‌گی سردوره منطقه‌سیده خیمه‌لرده حیات کیچیرماقده‌لر.
اوتگن کیچه هرات یشاوچی‌لری الله‌اکبر فریادی بیلن ترورچی‌لرگه بو پیام نی ییتیشتیردیلر که هرات شهری طالبلرنینگ جایی ایمس.
شونده‌ی بیرحالده، اوتگن کون شام دن بویان هرات نینگ قطار بولیم‌لریده امنیتی کوچلر تامانیدن تازه‌لش عملیات باشلنگن و طالبان هرات شهری ایشیگیدن شهر اطراف‌لریده قاچیب کیتگن.
قیین کونلر و سفر نی اوتکزگندن کیین چای ایچیش اوچون تیارلنه‌دی، سونگی پیت‌لرده مالستان تومنیده امنیتی کوچلر و طالبان گروهی آره‌سیده‌گی اوروشلر اولرنینگ کابل گه قاچیش گه زورلنتیرگن.
مالستان تومنیدن آواره بولیب کیلگن کیشیلر حاضر کابل غربیده کرایی اویلر و نابیللی کیله‌جک نی کوتیب توریش بیلن حیات کیچیره‌دیلر.
جوزجان ایکینچلیک ریاست مسئوللری نینگ ایتیش‌لریچه، ناتینچلیکلر بو ولایت ایکینچیلیگی اوستیگه سلبی تأثیر قویگن و ایکینچیلر و چارواچیلر بوش قول بیلن آواره بولگن. جوزجان ایکینچلیک ریاست مسئوللری نینگ ایتیش‌لریچه، بو ولایت عیاللریدن ۵۰ فایزی نینگ درآمدی ناتینچلیک باعث قولدن کیتگن.
کنر محلی مسئوللری نینگ ایتیش‌لریچه، ایکی آیدن بویان مذکور ولایتلرنینگ برچه تومنلریده اوروش شدتلنگنی سبب، ۵۰ مینگ کیشی آواره بولگن و جایسیز بولگنلر رقمی کوپه‌یماقده.
مملکت جمهوررئیسی محمداشرف غنی ملی کینگش ده یولگه قوییلگن خاص بیر ییغینده ایتیشیچه، افغانستان گه تجاوز صورت تاپگن و مملکتده‌گی جاری اوروش تحمیلی دیر، شو یوزه‌دن تجاوزکارلرگه قرشی کوره‌ش ملی مسئولیت دیر.
جمهوررئیس نینگ کوپه‌یتیریشیچه، اهالی نینگ اولیم‌دن قوتقریش و مملکتده دایمی تینچلیک ایجاد ایتیلیشی اوچون سیاسی یول و ملایم‌لیک کورستدیک، بیراق دشمن تینچلیک اوچون هیچ بیر اَدیم کوتارمه‌دی.
افغانستان بوییچه بیرلشگن ملتلر تشکیلاتی نینگ اورین باسرلیک هیاتی یا-ده یوناما، بیر توییت آرقه‌لی طالبان گروهی‌دن اوشبو نهاد نینگ هراتده‌گی دفتری اوستیگه اویوشتیریلگن هجوم خصوصیده جواب قیتریشی‌نی سوره‌گن. بو نهاد، طالبان گروهی دن مذکورهجوم‌نی جدی شکلده تیکشیریشی‌نی ایسته‌گن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
