قندهار میوند تومنی یشاوچیلری، اوشبو تومندهگی تاریخی مکانلر قوللش عرفهسی گه قرار تاپگنیدن خواطر بیلدیریب و مسئوللر دن بوتوغریده دقت قیلیشلرینی سۉرهیدیلر. اولر گه کوره، تاریخی آبده سنلگن میوند تومنی بازاری آرقهسیده ییرلشگن «سبز قلعهسی»، حاضر اطرافی قازیلیب و محل یشاوچیلری یشش اویلرینی قوریش اوچون اونینگ توپراغیدن قوللنماقدهلر.
افغانستان مرکزی بانکی بوگون ایکس اجتماعی ترماغیده، مملکت بازارلریده افغانی پول نرخینی ثابت سقلش مقصدیده ایرته ۲۰-حوت، یکشنبه کونی، ۱۵ میلیون امریکالیک دالرنی داوطلبلیک آرقهلی لیلام قیلیشیدن خبر بیرگن.
اسلام امیرلیگی سۉزلاوچیسی ذبیحالله مجاهد، «کاسا ۱۰۰۰» لایحه نینگ ایشی باشلنیش قراردادی اۉتگن کون قرغیزستان، اۉزبېکستان و افغانستان آرهسیده امضالنگنیدن خبر بیردی. مجاهد جنابلری بوگون (۱۹-حوت، شنبه کونی) ایکس اجتماعی ترماغی ده، مذکور لایحه نینگ عملی ایشی میلادی کیلهسی آی باشلنیب و خرهجتی دنیا بانکی تامانیدن تولَنیلیشینی یازگن.
افغانستان تخنیکی و مسلکی تعلیمات اداره مسئوللری، ۱۶-حوت، چهارشنبه کونی کابل ده خبری بیر ییغیلیشده، اوشبو ییل مذکور اداره دن فارغ بولگن ۱۰۰۰ اوقووچینی ایش بیلن تامینلهگنلرینی ایتگنلر.
ایران یېتکرمهلری اوشبو مملکت نینگ بنگیوار مادهلر گه قرشی کورهش ستاد باش کاتبی اسکندر مومنی دن نقل قیلیب ایتیشلریچه، افغانستان دن ایران گه بنگیوار مادهلر قاچاقی کوپهیگن. ایران یېتکرمهلری نینگ گزارشی اساسیده، اۉتگن ییل ده سنتی بنگیوار مادهلر قاچاقی کمهیش گواهی اېدیلر بیراق عکسینچه ایران ده صناعتی بنگیوار مادهلر قاچاقی ۲۰ فایز آشگن.
اسلام امیرلیگی باش وزیری نینگ سیاسی اۉرین باسری محمد عبدالکبیر، حربی مسئوللر دن آدم اوغیرلاوچیلر و جمعیت ده ترتیبسیزلیکّه سبب بولهدیگن گروهلر گه قرشی «جدی چاره» کوریشلرینی سۉرهگن. عبدالکبیر بو سۉزلرنی ۱۵-حوت، سهشنبه، نیچه کون آلدین آدم اوغریلر قولیدن قوتقیریلگن عبدالفهیم اسملی باله نینگ عایله اعضالری بیلن اۉچرهشوو ده بیان قیلگن.
دایکندی ده «نسیم» محلی رادیوسی بیش آی آلدین سرپرست حکومت تامانیدن یاپیلگندی، بوگون (شنبه، ۱۲-حوت) اېشتّیریشنی قیته باشلهگن. دایکندی معلومات و مدنیت باشلیغی سیدمصطفا صالح نینگ سلاموطندار گه ایتیشیچه، نسیم رادیوسی معلومات و مدنیت وزیرلیگی همده دایکندی محلی مسئوللری نینگ قراری اساسیده، بوگون قیته دن اېشیتّیریشنی باشلهگن.
تخار ساغلیقنی سقلش ریاستی مسئووللری، اوشبو ولایت نینگ دشتقلعه تومنی سینا کسلخانهسیده ساغلیق ایکّی ینگی بولیم آچیلگنیدن خبر بیرگنلر.
سرپرست حکومت ترانسپورت و هوا یوللری وزیرلیگی نینگ هواشناسلیک ریاستی ۹ و ۱۰ حوت کونلری مملکت نینگ ۳۱ ولایتیده کوچلی قار، یامغیر و بوران یوز بیریش احتمالیدن آگاهلنتیرگن.
سالنگ قتناو یولی کوچلی قار و بوران طفیلی ترافیک یوزی گه یاپیلگن اېدی، بوگون اېرتهلب ساعت ۷:۰۰ اطرافی ده آچیلدی.
تخار خوفسیزلیک مسئوللری، اوشبو ولایت ده ۳۵ یاشر بیر ییگیت تورت ییللیک اوی قماغیدن آزاد قیلینگنیدن خبر بیرهدیلر. تخار امنیه قوماندانلیگی سوزلاوچیسی عبدالمبین صافی گه کوره، نورآغا اسملی اوشبو ییگیت تخار مرکزی تالقان شهری گه قرهشلی قلبرس قیشلاغی اصلی یشاوچیسی بولیب تورت ییل دن بیری آتهسی تامانیدن اوی ده حبس قیلینگن اېکن.
بیرلشگن ملتلر تشکیلاتی نینگ خوفسیزلیک کینگشی ینه بیر مرته افغانستان حقیده بیر ییغین یولگه قوییش بیلن، اوشبو مملکت وضعیتی نی تیکشیرگن.
مملکت بویلب یېتکرمهلر ایریم قیینچیلیکلر اېنیقسه اقتصادی قیینچیلیک، ایش مصونیتی یوقلیگی و یېتکرمهلر قانونی یوقلیگی بیلن فعالیت قیلماقده اېکن، ینگیلیکده خوست ولایتیده اسلام امیرلیگی نینگ محلی رسمیلری یېتکرمهلر فعالیتی گه چېکلاو یرهتگن.
افغانستان عالی محکمهسی، جوزجان ده بیر کیشی گه قصاص حکمی اجرا اېتیلگنیدن خبر بیرگن. اوشبو نهاد ایکس اجتماعی ترماغی ده یازیشیچه، بو حکم بوگون (دوشنبه، ۷-حوت)، اسلام امیرلیگی رهبری هبتالله آخوندزاده نینگ بویروغی بیلن جوزجان مرکزی شبرغان شهری نینگ سپورت میدانی ده اجرا اېتیلگن.
افغانستان مرکزی بانکی بوگون ایکس اجتماعی ترماغیده، مملکت بازارلریده افغانی پول نرخینی ثابت سقلش مقصدیده ایرته ۸-حوت، سهشنبه کونی، ۱۷ میلیون امریکالیک دالرنی داوطلبلیک آرقهلی لیلام قیلیشینی یازگن.
مملکت ساغلیقنی سقلش وزیرلیگی نینگ (افغانستان ده پولیو نی یوق ایتیش) بولیمی بوگون ایکس اجتماعی ترماغیده، ایرته (دوشنبه) مملکت نینگ ۲۱ ولایتی جمله دن تخار، قندوز، بغلان، نورستان، کنر، لغمان، کاپیسا، پروان، کابل، ننگرهار، خوست، پکتیا، پکتیکا، غزنی، زابل، ارزگان، قندهار، هلمند، نیمروز و فراه ولایتلریده باشلنیشینی معلوم قیلگن.
