اسلام امیرلیگی رهبری هبتالله آخوندزاده هییت بیرمی مناسبتی بیلن مملکتلردن افغانستان نینگ امنیت، ثبات و رواجلنگنی نی یخشی بیر فرصت بیلیب و آلدیندن هم کوپراق اسلام امیرلیگی بیلن «یخشی رابطهلری» نی کینگهیتیریب و همکارلیک روحیهسی گه اساسلنگن بیر پالیسی نی آلغه آلیب باریشلری نی ایستهگن.
غور یشاوچیسی ستاره و غزنی یشاوچیسی حمیدالله، هر بیری بیش و سکیز کیشیلیک عایله سرپرستی دیر سلاموطندار گه ایتیشلریچه، انسان پرورلیک یاردملر کېسیلگن حالده، تېریکچیلیک احتیاجلرینی تامینلش اوچون قیینچیلیک بیلن دوچ بولیب و باشقه هېچ یوللری یوق.
افغانستان مرکزی بانکی بوگون ایکس اجتماعی ترماغیده، مملکت بازارلریده افغانی پول نرخینی ثابت سقلش مقصدیده کېلهسی هفته شنبه کونی (۱۸-حمل)، ۱۵ میلیون امریکالیک دالرنی داوطلبلیک آرقهلی لیلام قیلیشیدن خبر بیرگن.
تخار خوفسیزلیک مسئوللری، اوشبو ولایتده بیر اوغری پولیس کوچلری تامانیدن اۉلدیریلگنیدن خبر بیرگنلر. تخار امنیه قوماندانلیگی سۉزلاوچیسی عبدالمبین صافی نینگ سلاموطندار گه ایتیشیچه، ۱۴-حمل، سهشنبه کیچه، اوشبو ولایت مرکزی تالقان شهری نینگ آلتینچی حوزه حدودلریده بیر اوی نرسهسینی اوغیرلهگن قوراللی کیشی، تالقان شهری آلتینچی حوزه کوچلری و محل یشاوچیلری نینگ یاردمی بیلن اۉلدیریلگن.
نورستان یشاوچیلری و اوشبو ولایتده هیداوچیلردن بیرقطاری، کنر-نورستان قتناو یولی بوزوقلیگیدن نالیب ایتیشلریچه، ۲۰ ییلدن بېری، اوشبو یول نینگ اسفالت قیلیش اوچون هېچ بیر نهاد علاقه کورستمهگن.
غزنی امنیه قوماندانلیگی مسئوللری نینگ ایتیشلریچه، اوشبو ولایت امنیه قوماندانلیگی نینگ ترافیک مدیریتی سۉنگی بیر ییلده ۲۳۰ میلیون دن آرتیق افغانی درآمد قیلگن.
هرات محلی مسئوللری، اوشبو ولایتده «حریت» امید و شریعت» آتلریده اوچ رادیو اېشیتّیریش گه باشلهگنیدن خبر بیریب و اسلام امیرلیگی اوشبو حکومت قانون-قاعدهلری و ملی منفعت گه تېنگ یایین بیرهدیگن یېتکرمهلر نینگ قۉللب-قوتلشینی بیلدیرگن. هرات معلومات و مدنیت باشلیغی احمدالله متقی نینگ سلاموطندار گه ایتیشیچه، ۱۳-حمل دوشنبه کونی مذکور یېتکرمهلر رسمی شکلده اوشبو ولایتده اېشیتّیریش گه باشلهگنلر.
کابل شهری سرای شمالیده کیملیک توزیع قیلیش مرکزی گه مراجعت قیلگنلردن بیرقطاری نینگ ایتیشلریچه، الکترونیکی کیملیکلرینی اصلاح قیلیش و ینگیلشتیریش اوچون، اوشبو مرکز نینگ ایشی سُستلیگی طفیلی هفتهلر و آیلر کوتیش گه مجبورلر بولگنلر. اولر گه کوره، بو مرکز ده درخواستیلرینی کوریب چیقیش مدتی چوزیلیشی طفیلی مینگلب افغانی خرچلری کوپهیشی گه سبب بولگن.
افغانستان مرکزی بانکی بوگون ایکس اجتماعی ترماغیده، مملکت بازارلریده افغانی پول نرخینی ثابت سقلش مقصدیده ایرته (سهشنبه، ۱۴-حمل)، ۱۸ میلیون امریکالیک دالرنی داوطلبلیک آرقهلی لیلام قیلیشیدن خبر بیرگن.
قندوز معارف باشلیغی محمداسماعیل ابواحمد گه کوره، اوشبو ولایت مرکزی قندوز شهری «چنیزی» قیشلاغیده بیر مکتبنی قوریش ایشی باشلنگن.
بامیان ده ۳۴ میلیوندن آرتیق افغانیلیک تیکووچلیک اۉرگتهدیگن ایکّی مرکز آچیلگن. بامیان محلی مسئوللری نینگ ایتیشلریچه، ۱۲-حمل، یکشنبه کونی اوشبو ولایت مرکزی و یکاولنگ نمبر ۱ تومنیده، ۳۴ میلیوندن آرتیق افغانیلیک، تیکووچیلیک، خامکدوزلیک و مهرهدوزلیک اۉرگتهدیگن ایکّی مرکز آچیلگن.
سرپرست حکومت اقتصاد وزیرلیگی نادولتی موسسهلر گه مکتوب یوللب، حکومت ادارهلری خادملرینی باغلیق ادارهلر نینگ موافقتسیزلیگی بیلن ایشگه آلمسلیکلرینی سۉرهگن. اقتصاد وزیرلیگی گه کوره، خادملر نینگ معلوم مدتی توگهشی و شونینگدیک دولت ادارهلری نینگ غیرحاضر و جرم گه عیبلنیب منفک بولگن خادملری نینگ ایش گه آلینیشی گه یول قویمسلیک اوچون بو قرار گه کېلگنلر.
ایچکی ایشلر وزیرلیکی نینگ ترافیک پولیسی عمومی ریاست مسئوللری، کابلدن سۉنگ حاضر شمالی ولایتلر ده هم شهری و اطرافی تکسیلر نینگ رنگینی اۉزگرتیریش جریان باشلنگنیدن خبر بیرگنلر. ایچکی ایشلر وزیرلیگی نینگ ترافیک پولیسی عمومی باشلیغی حسیبالله مختار، ۹-حمل، پنجشنبه کونی بلخ ولایتی گه سفری دایرهسیده، شهری و اطرافی تکسیلر نینگ رنگینی اۉزگرتیریش جریان رسمی شکلده باشلنگنینی معلوم قیلگن.
اسلام امیرلیگی باش وزیری نینگ اقتصادی اۉرین باسری عبدالغنی برادر حضوری ده خواف-هرات تیمیر یول لایحهسی تورتینچی بولیمی نینگ ایکّینچی فازینی عملگه آشیریش بېتیمی امضالنگن.
خلقارا مهاجرت تشکیلاتی ۸-حمل، چهارشنبه کونی ایکس اجتماعی ترماغی ده بیر بیانیه ترقهتیب یازیشیچه، ۲۰۲۱- ییل دن حاضرگچه اېنیقسه قاچقینلر قیتیشی بیلن، افغانستان فقرالری نینگ درآمد میزانی کمهیگن یا که یوق بولگن.
اسلام امیرلیگی کانلر و پترولیم وزیرلیگی سرپرستی شهابالدین دلاور، تورکیه ۷۷ انشاآتی شرکت باشلیغی بیلن اۉچرهشدی.
