بامیان ده ۳۴ میلیون‌دن آرتیق افغانی‌لیک تیکووچلیک اۉرگته‌دیگن ایکّی مرکز آچیلگن. بامیان محلی مسئوللری نینگ ایتیشلریچه، ۱۲-حمل، یک‌شنبه کونی اوشبو ولایت مرکزی و یکاولنگ نمبر ۱ تومنیده، ۳۴ میلیون‌دن آرتیق افغانی‌لیک، تیکووچیلیک، خامک‌دوزلیک و مهره‌دوزلیک اۉرگته‌دیگن ایکّی مرکز آچیلگن.
مذکور مرکزلر نینگ خره‌جتی ۳۴ میلیون ۷۹۰ مینگ افغانی بولیب و بیرلشگن ملت‌لر تشکیلاتی نینگ عیال‌لر ایشلری بولیمی (UN Women) تامانیدن توللنیله‌دی.
بیزلرنینگ فیسبوک صحیفه‌میزگه باش اورینگ!
بامیان محلی مسئوللری، اوشبو ایش اۉرگته‌دیگن مرکزلرده ۴۸۰ عیال گه ایش و مسلک اۉرگه‌نیش زمینهسی یره‌تیلگنینی معلوم قیله‌دیلر.
بامیان حاکمی عبدالله سرحدی، بو لایحه نینگ تینیق شکلده یولگه قوییلیشی‌دن ایشانچ بیریب ایتیشیچه، مذکور ولایت محلی اداره‌لری بو ولایت‌ده‌گی عیال‌لر گه مصئون و اسلام قدریت‌لری گه تېنگ ایش زمینه‌سینی یره‌تیش اوچون سعی‌وحرکت قیلماقده.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، سرپرست حکومت افغانستان‌ده ایکّینچی مرته قدرت نی آلیشی بیلن خاتین قیزلر گه اېریم چېکلاو یره‌تگن جمله دن مملکت بویلب آلتینچی صنف‌دن یوقاری قیز اوقووچیلر و بیلیم یورت‌لر ایشیگی قیزلر یوزی گه یاپیلگن، شونی اوچون قیز اوقووچیلر دن بیر قنچه‌سی باشقه ایش‌لر جمله دن تیکووچیلیکّه یوز کېلتیرگن بیرحالده، بامیان ده تیکووچیلیک اۉرگته‌دیگن بو ایکّی مرکز آچیلگن.
