بیرلشگن ملتلر تشکیلاتی نینگ خوفسیزلیک کینگشی ینه بیر مرته افغانستان حقیده بیر ییغین یولگه قوییش بیلن، اوشبو مملکت وضعیتی نی تیکشیرگن.
دوشنبه کیچه، ۷-حوت یولگه قوییلگن اوشبو ییغین‌ده، افغانستان حقیده هیچ قنده‌‌ی بیللی بیر قرار آلینمه‌گن.
بیرلشگن ملتلر تشکیلاتی نینگ باش کاتبی سوزلاوچیسی استفان دوجاریک خبری بیر ییغین‌ده، بیرلشگن ملتلر تشکیلاتی نینگ خوفسیزلیک کینگشی ییغینی خصوصیده معلومات ارائه قیلمه‌گن؛ بیراق مذکور ییغین‌ده دوحه ده بیرلشگن ملتلر تشکیلاتی نینگ سونگی ییغینی حقیده گزارش ارائه بولگنی نی اَیتگن دیر.
بیزلرنینگ فیسبوک صحیفه‌میزگه باش اورینگ!
استفان دوجاریک اوشبو ییغین‌ده بحث ایتیلیشی کوتیلگن، افغانستان بوییچه مخصوص وکیل تانیشتیریلیشی خصوصیده معلومات بیریب ایتیشیچه، بو مساله جدی تعقیب ایتیلماقده. «افغانستان بۉییچه مخصوص وکیل تانیشتیریلیشی بیر جریان آرقه‌لی جدی ایزلنماقده، مین ییل‌لرچه تجربه‌م دن کیلیب چیقیب، ایتیشیم ممکن که بو مخصوص وکیل تانیشتیریلیشی انیق قنچه زمان‌گه قدر چوزیلیشی خصوصیده بیللگی بیریش ممکن اېمس، بیراق ایتیشیم ممکن که بو مساله جدی ایزلنماقده.»
گزارش‌لر اساسیده، اوشبو ییغین‌ده افغانستان ده انسان حقلری اینیقسه عیاللر حقوقی رعایت ایتیلیشی و همه‌شمول حکومت شکل‌لنیشی گه تاکید بولگن دیر.
خلق‌ارا رابطه‌لر بیلرمانی ولی فروزان بیرلشگن ملتلر تشکیلاتی نینگ خوفسیزلیک کینگشی ییغین نتیجه‌سیگه اشاره قیلیب ایتیشیچه، خوفسیزلیک کینگشی‌ده اختلاف‌لر و اوشبو ییغین‌ده مملکت‌لر منفعتی نینگ مرکزلیگی، اونینگ نتیجه‌سیز بولیشی گه سبب بولگن.
اونینگ کوپه‌یتیریشیچه: «اوشبو ییغین‌لرده مملکت‌لر افغانستان دن بیر بیرگه باسیم صفتیده قوللنه‌دیلر، مذکور مملکت‌لر افغانستان ده ایاغ اورن‌لری نی قوییب و رقیب‌لری گه رخصت بیرمه‌‌ی افغانستان اولر نینگ تاثیرلری آستیده قرار تاپسیشی نی ایسته‌یدیلر.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، افغانستان ده عیال حقوقی فعال‌لری مملکت‌ده عیاللر وضعیتی اوزگریشی اوچون بیرلشگن ملتلر تشکیلاتی ییغین‌لری تاثیری‌دن ناامید‌لیک بیلدیرگن.
بو توغریده عیاللر حقوقی فعالی سوسن خالقیار نینگ سلام‌وطندار گه ایتیشیچه: «بو جلسه‌لر ایجابی بیر نتیجه‌سی بولگنی صورت‌ده، حاضر افغانستان ده قیزلر یوزیگه مکتب‌لر و بیلیم یورت‌لر ایشیگی آچیلیشی و شونینگدیک عیاللر اوچون ایش زمینه‌سی یره‌تیشی گه شاهد بوله‌ر ایدیک.»
ایتیش کیره‌ک که، بیرلشگن ملتلر تشکیلاتی نینگ خوفسیزلیک کینگشی ییغین‌دن کیین، بیرلشگن ملتلر تشکیلاتی خوفسیزلیک کینگشی گه اعضا بولگنی ۱۱ مملکت، قوشمه بیر بیانیه ترقه‌تیش بیلن افغانستان ده عیاللر حقوقی رعایت بولیشی و همه شمول حکومت تشکیل ایتیلیشی نی ایسته‌گنلر.
