مرکزی سیلو مسئوللری، اوشبو مرکز فعالیت گه باشلهگنیدن خبر بیرگنلر. مرکزی سیلو باشلیغی انجنیر خیال محمد مایار نینگ ایتیشیچه، حاضرگی کونده مرکزی سیلو اوچ بولیم بوغدای ییغیش، تیگیرمان و ایشلب چیقریش بوییچه فعالیت گه باشلهگن و کونیده ۲۰۰ کیلو اون ایشلب چیقرهدی.
مرکزی سیلو باشلیغی نینگ اورغولشیچه، اوشبو مرکز نینگ ایشلب چیقریش ظرفیتینی ۴ – ۵ تُن گه آشیریش مقصدیده سعی-حرکت قیلماقدهلر. او نگه کوره مذکور سیلو نینگ ۴ماشینیدن یالغیز بیر ماشینی فعال دیر.
مرکزی بانک بوگون بیر خبرنامه ترقهتیب ایتیشیچه، ۱۰ میلیون دالرنی ساتیش اوچون لیلام گه قویهدی. مذکور بانک نینگ کوپهیتیریشیچه، بو مقدار پول دواطلب لیگی کون ایرته یولگه قویلیشی ممکن.
قندهاردهگی منبعلر نینگ سلام وطندار گه ایتیشلریچه، اوشبو ولایت نینگ مرکزی حدودلریده اسلامی امارت کوچلری نینگ اوق اوزیشی نتیجه سیده بیر عیال هلاک بولگن. بوگون اسلامی امارت کوچلری نظارتی ایستگاهده بیر ریکشاگه قرهته اوق اوزیشلری باعث واقعه یوز بیرگن.
بیرلشگن ملتلر تشکیلاتی نینگ باش کاتبی آنتونیو گوترش نینگ ایتیشیچه، تروریسم نینگ افغانستاندن تشقری ترقهلیشی، عصیانچی گروهلر قدرت بوشلیگیدن فایدهلینیش ده ماهر ایکن لیکلرینی کورستهدی. گوترش اوشبو بیاناتلرینی اوتگن کونی مونیخ خوفسیزلیک ییغینی آچیلیشی مراسمیده آچیقلهگن.
غزنیده اسلامی امارت معلومات و مدنیت مسئوللری نینگ ایتیشلریچه، «سرده» سوو توغانی نینگ عملی ایشی باشلنگن دیر. مسئوللرگه کوره، سوو اریقلرنی تازهلش، سیفون لر و حوضلرنی قته قوریش ایشلری اوشبو بند اطرافیده مینگلرچه اصله نهال نی سوغاریش اوچون دوام ایتماقده.
رویترز آژانیسی نینگ گزارش بیریشیچه، پاکستان، افغاستان چیگره حدودیگه پاکستان تندرو جدایی طلب گروهلر نینگ سرکوپ قیلیش اوچون نظامی عملیاتینی کوچهیتیرگن دیر.
مطبوعاتی ییغین اوتگزگن افغانستان صناعت و کانلر اتاقی متصدیلری نینگ ایتیشلریچه، اولر نینگ نیچه صنفی قوللش عرفهسیده قرار تاپگن.
کابلده صرافلردن قطاری آمریکا جمهوررئیسی جوبایدن نینگ ۱۱سپتامبر هجوملریده قربان بولگنلر نینگ اقاربلریگه تاوان صفتیده افغانستان مرکزی بانکی نینگ سرمایهلریدن بیر قسمی مصادره قیلینیش بویروغیدن خواطر بیلدیریب ایتیشلریچه، بو فرمان ملی پول ارزشی نینگ قویی کیلیشی گه سبب بولهدی.
آمریکا تشقی ایشلر وزیرلیگی نینگ افغانستان تینچلیک ایشلری بوییچه مخصوص نمایندهسی توماس وِست نینگ ایتیشیچه، امریکا میلادی ۲۰۰۱-ییلی اسلامی امارتنی قدرت گه شیریک قیلیش اوچون شرایط یرهتمه گن خطانی حاضر اسلامی امارت تکرار قیلماقده.
آق سرای سوزلاوچیسی جن ساکی نینگ ایتیشیچه، آمریکا قوشمه ایالتلر محکمهسی حکم بیرمسدن افغانستان مرکزی بانکی نینگ سرمایهلری ۱۱سپتامبر قربانیلری نینگ عایلهلری گه توللنمهیدی.
افغانستان اسلامی امارت اعلامیه آرقهلی، آمریکا قوشمه ایالتلری جمهور باشلیغی جوبایدن نینگ افغانستان مرکزی بانکی سرمایهلریدن بیر قسمینی مصادره قیلیشی گه عاید فرمانی گه مناسبت بیلدیریب و اونی تحریک قیلووچی دیب و بو توغریده واشنگتن گه هشدار بیرگن.
« اندیپندنت فارسی» وبسایتی بیر منبعدن نقل قیلیب ایتیشیچه، پاکستان نینگ حربی استخبارات (آیاسآی) باشلیغی ندیماحمد انجم، جمعه کونی ترکیه پایتختی انقره شهریده افغانستان سیاسی حزبلر رهبرلریدن قطاری جملهدن مارشال عبدالرشید دوستم، عطامحمد نور و محمد محقق بیلن اوچرهشگن.
اسلامی امارت اقتصاد وزیرلیگی نینگ مسلکی معینی عبداللطیف نظری بامیان گه قیلگن سفریده، بوگون بامیانده اوتکزیلگن احتفالده اوشبو ولایت نینگ ۳۰۰دن آرتیق یشاوچیلری آره سیده نطق سوزلب، اولردن مملکت نینگ حاضرگی تیزیمی بیلن تعامل قیلیب و اوشبو تیزیم گه قرشی تورمسلیکلرینی طلب قیلدی.
لوگر امنیه قومندانلیگی مسئوللری نینگ ایتیشلریچه، اوشبو اداره پاسپورت آمریتی نینگ برچه تخنیکی قیینچیلیکلری حل ایتیلگن و پاسپورت ترقهتیش جریانی نی بوگون ینگی بیرلایحه بیلن باشله گنلر
افغانستان مرکزی بانکی اوتگن کونی اعلامیه ترقهتیب ایتیشیچه، اوشبو مملکت گه نقدی انسان پرورلیک یاردملر دوام ایتر ایکن، باشقه ۳۲ میلیون دالر کابل گه ییتیب کیلگن.
مملکت سابق جمهور باشلیغی حامد کرزی، آمریکا قوشمه ایالتلری جمهور باشلیغی جوبایدن نینگ افغانستان داراییلریدن بیر قسمی ۱۱سپتامبر هجومی واقعهلری قربانیلری نینگ عایلهلری گه اجرهتیلیش قراریدن تنقید قیلیب ایتیشیچه، آمریکا بو قرارینی قیته تیکلشی کیرهک.
