آمریکا تشقی ایشلر وزیری آنتونی بلینکن، بوگون توییتریده اعلان قیلیشیچه، اوشبو مملکت جمهور باشلیغی جوبایدن نینگ اجرائی فرمانی اساسیده، افغانستان مرکزی بانکی نینگ آمریکا قوشمه ایالت لری دهگی برچه دارایی لریدن ۳.۵ میلیارد دالری افغانستان خلقی گه اجرهتیلگن.
روسیه نینگ افغانستان ایشلری بوییچه مخصوص نمایندهسی ضمیر کابلوف میدیالر بیلن اوتگزگن صحبتیده ایتیشیچه، بو مملکت؛ اسلامی امارت نینگ روسیهده افغانستان ایلچیلیگیده نیچه دیپلومات قبول قیلینیش التماسینی قبول قیلهدی.
افغانستان نینگ اینگ بویوک بازاری شهزاده سرایی صرافلری اوتگن کونی، بیر هفته ایچیده اوچ صراف اوغیرلنیشی و مرکزی بانک نینگ سونگی اقداملری گه عکسالعمل کورسهتیب مذکور صرافلیک مرکزنی یاپگن ایدیلر، بیراق بوگون قیتهدن آچیب فعالیت لری گه دوام بیردیلر.
دالر بهاسی ثبات سیز بولیب، ییگولیک آزیق – اوقات ویاقیلغی ماده نینگ نرخی یوقاری کیتگنی آرتیدن کابل بلدیهسی احتکاردن منع قیلیش، ییگولیک و یاقیلغی ماده نرخ نواسی نینگ تعین قیلوچی کمیسیون ایجاد ایتیلگنیدن خبربیرگن.
کابل امنیه قوماندان لیگی نینگ سوزلاوچیسی خالد زدران گه کوره، بیر کیشی نی بیر عیال و ایکی قیزی نی اولدیریش عیبی بیلن کابل شهری ییتینچی حوزه «جای رئیس» منطقه سیدن قولگه آلگنلر.
سیاسی ایش بیلرمانلردن قطاری نینگ ایتیشلریچه، افغانستان اسلامی امارت رسمیت گه تانیلیشی اوچون، دنیا جماعهچیلیگی نینگ بعضی شرطلرینی عملی قیلیش گه باشلهگن و حکومتلری رسمیت گه تانیلیشی کوتیلهدی.
افغانستان اسلامی امارت سوزلاوچیسی و معلومات و مدنیت وزیرلیگی نینگ نشراتی معینی ذبیحالله مجاهد، بوگون کابلده یولگه قوییلگن ییغینده ایتیشیچه، دولت ایشلاوچیلری بوندن کیین معاشلرینی هر آی و وقتیده آلیشلری ممکن.
پایتخت یشاچیلری دن قطاری ساغلیق وزیرلیگی نینگ اومیکرون کرونا ویروس ینگی توری تهدیدیدن تنقید قیلیب ایتیشلریچه، کرونا ویروس (اومیکرون) ینگی توری کوپهیگن؛ بیراق اوشبو وزیرلیک بو ویروس تهدیدیدن اهالی نی آگاه قیلیش اوچون هیچ بیرعملی ریجهنی قول آستیگه آلمهگن.
هند میدیالری نینگ گزارش بیریشلریچه، بیر هتفهدن بویان واگه بندرگاهی آرقهلی افغانستاندن هیچ صادرات صورت تاپمهگن. اوشبو میدیالردن نقل قیلینیشیچه، افغانستان نینگ اوشبو بندر آرقهلی وارداتی آسیا جنوبی منطقهوی ایرکین سوداگرلیک گواهینامهسی بیتیمی اوستیدهگی قرشیلیک سبب توختهتیلگن.
عالی تفتیش ادارسی نینگ مصلحتچیسی فضلالله نظامی نینگ ایتیشیچه، مذکور اداره افغانستان قانون-قاعدهلری قندهی رعایت ایتیلیشی مقصدیده کیلگوسی مالی ییلده ۲۰۰ دولتی ادارهنی تیکشیریشنی ریجه لهگن.
ملی احصائیه و معلومات ادارهسی مسئوللری نینگ ایتیشلریچه، سونگی۵ آیده مملکت نینگ ۲۰ ولایتیده ۷۵۹ مینگدن آرتیق برقی کیملیک ترقهتیلگن، کونیده تخمیناً ۱۷ مینگ کیملیک طلبگارلرگه بیریلهدی.
ملکی هوانوردلیک ادارهسی نینگ اعلان قیلیشیچه، کابل-دوحه و دوحه-کابل پروازلری بیر آز توخته تیلیشدن کیین قیتهدن عادی روشده باشلنهدی.
بو اداره نینگ معلوماتی اساسیده، افغانستان و قطرهوایی شرکتلری نینگ پروازلری بوندن کیین هفتهوار دوام ایتهدی.
اسلامی امارت کابینهسی نینگ قراری اساسیده، مالیاتی و غیر مالیاتی درآمد یالغیز بانکلر آرقهلی توپلهنیب و هیچ بیر اداره درآمدینی صرفلشگه حقی یوق دیر.
اسلامی امارت یوکسک اوقوو وزیرلیگی نینگ سرپرستی عبدالباقی حقانی نینگ اعلام قیلیشیچه، دولتی بیلیمیورتلر ایسیق منطقهلرده اوچ کون گچه ( چهارشنبه ۱۳ دلو) طلبهلر یوزیگه آچیلهدی.
بیرلشگن ملتلر تشکیلاتی نینگ باش کاتبی آنتونیو گوترش نینگ ایتیشیچه، افغانستان اقتصادی تنزلگه یوز توتیب و قوللش عرفه سیده قرار تاپگن. او توییتریده یازیشیچه، اقتصاد و بحراننی آلدینی آلیش اوچون تیزلیک بیلن اوشبو مملکتگه نقد پول یاردم کورسهتیلیشی کیرهک.
افغانستان ژورنالیستلر فدراسیونی و میدیالر نینگ خبری ییغینی اسلامی امارت تامانیدن لغو ایتیلگنیگه قرشی عکسالعمللردن کیین، کابلده اسلامی امارت سوزلاوچیسی ذبیحالله مجاهد بو توغریده تفصیلات بیرگن.
