ایکی کون آلدین ( یکشنبه، ۸ حوت) اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری بوییچه معینی ذبیحالله مجاهد، کابلده مطبوعاتی ییغینده، «عذری» بولمهگن کیشیلر چیت ایل گه سفر قیله آلمسلیگینی ایتگن ایدی. اونینگ اورغولشیچه، افغانستان نینگ خارج دهگی مهاجرلری تقدیر سیز و قیین احوالده تیریکچیلیک قیلماقدهلر.
اسلامی امارت مهاجرلر وزیرلیگی نینگ مسئوللری، چیت ایل مملکتلری تامانیدن افغانستان فقرالری چیقریلیش جریانیدن تنقید قیلیب ایتیشلریچه، اوشبو اولکهلر چیقیش اوچون افغانستان یشاوچیلرینی ترغیب قیلیب، افغانستان نینگ ایچکی ایشلری گه اره لشهدی.
کانلر و پترولیم وزیرلیگی نینگ سرپرستی شهابالدین دلاور گه کوره، دوحه صلح مذاکرهلری جریانیده، آمریکا قوشمه ایالتلری افغانستان ده پایگاهلر ایجاد ایتیشنی سورهگن ایدی که اسلامی امارت تامانیدن رد بولدی.
اروپا اتفاقی نینگ افغانستان اوچون ایلچیسی وان برانت، اسلامی امارت کوچلری تامانیدن اویمه-اوی تیکشیریلیش عملیاتی گه واکنش کورسهتیب، اوشبو جریان تیزلیک بیلن توختهتیلیشینی سورهگن.
مملکت نینگ ساووق حدودلریده دولت بیلیم یورتلری نینگ درسلری باشلهنیشیدن بیر کوندن کیین، قطار طلبهلر اوشبو بیلیم یورتلرده مسلکی استادلر آزلیگیدن خواطر بیلدیریب ایتیشلریچه، بیرقطار اوقیتووچی علمی کدرلر جاینی تولدیریش مقصدیده قراردادی شکلده عالی تحصیلاتده استخدام بولگنلر. اولر گه کوره، ینگی استادلر سابق استادلر گه نسبتن، کمراق تجربه و معلومات گه ایگه دیر.
افغانستان اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری بوییچه معینی ذبیحالله مجاهد اوتگن کون (یکشنبه، ۸_حوت) کابلده خبری بیر ییغینده ایتیشیچه، اسلامی امارت کوچلری ایکی کون آلدین کابلده شبههلی اویلر نی تیکشیریش و تازهلش عملیات جریانیده، اسلامی دولت گروهی یا_ده داعش گه تیگیشلی ۶ کیشی، ۹ آدم اوغیرلاوچی و ۵۳ مسلکی اوغرینی قولگه آلگنلر و شونینگدیک بیر مقدار قورال هم قولگه کیلگن.
پاکستان میدیالری نینگ گزارشی اساسیده، افغانستان و پاکستان آرهسیده تجارت سودا-ساتیغی ۱ میلیارد دالر گه کمهیگن. پاکستان چاپی اکسپرس تریبون کوندهلیگی، بوگون پاکستان و افغانستان سوداگرلیک و صناعت قوشمه اتاقی (PAJCCI) دن نقل قیلیب یازیشیچه، ایکی مملکت آرهسیده تجارت حجمی ۲.۵ میلیارد دالردن ۱ میلیارد دالر گه کمهیگن.
بادغیس یشاوچیلریدن قطاری، اوشبو ولایت حسابات و معلومات ریاستی تامانیدن کیملیکلرنی تصدیقلش برابریده پول آلینیشیدن شکایت قیلیب سلام وطندار گه ایتیشلریچه، بادغیس حسابات و معلومات ریاستی مسئوللری، کیملیک لرنی تصدیقلش اوچون اولردن پول آلهدی.
بیرلشگن ملتلر تشکیلاتی نینگ یاردم بیرووچی نهادلر و نا دولتی تشکیلاتلر نمایندهلریدن تشکیل تاپگن بیر هیأت، ۵ کونلیک بیر مأموریتده افغانستان نینگ بشری وضعیتینی تیکشیرگن. مذکور هیأت نینگ اعلام قیلیشیچه افغانستان بویلب انسان پرورلیک یاردملرگه نیازمندلر سانی مثل سیز دیر.
آمریکا قوشمه ایالتلری نینگ مالیه وزیرلیگی اوتگن کون (جمعه، ۶- حوت) افغانستانده مالیهوی و سوداگرلیک معاملهلر نینگ آسانلشتیریش و کینگهیشی اوچون ینگی رخصتنامه صادر قیلگن.
افغانستان اسلامی امارت رسمیلری، وزیرلیکلر، ارمیهلر و باشقه بعضی حکومت ادارهلریده حربی و غیر نظامی یوقاری لوازملرده ۲۰ کیشی تعیینلنگنیدن خبر بیرگن. اسلامی امارت سوزلاوچیسی ذبیحالله مجاهد توییتر صحیفهسیده بیر رویخط ترقهتیش بیلن اعلام قیلیشیچه، مذکور تعیینات اسلامی امارت رهبری هبتالله آخوندزاده نینگ بویروغی اساسیده بیر قطار ولایتلرده عملگه آشیریلگن.
اسلامی امارت اقتصاد وزیرلیگی بوگون اوشبو اداره نینگ آلتی آیلیک قیلگن ایش فعالیتلری حقیده معلومات بیردی. مذکور وزیرلیک نینگ مسلکی معینی عبداللطیف نظری نینگ ایتیشیچه، مملکتده گی سونگی سیاسی اوزگریشلر اولکه نینگ اقتصادی اوستیگه منفی تاثیر تشلهگن، بیراق مملکت اقتصادی قولهگنی یوق.
ایچکی ایشلر وزیرلیگی، ۵ ماده دن عبارت بیر کورستمهده کابل امنیه قوماندان لیگی گه بویروغ بیرگن که بوندن کیین اسلامی امارت خوفسیزلیک کوچلری محکمه حکم قیلمسدن کیچه آرقهلی کیمسه نینگ تورر اویینی تیکشیریب یا متهمنی نظرگه آلیش بهانهسیده اویینی تلاشی قیلیش گه حقلری یوق دیر.
افغانستاننی قیته قوریش اوچون آمریکا نینگ مخصوص تیکشیریش ادارهسی یا سیگار نینگ ایتیشیچه، افغانستان بویلب عیاللر نینگ ایشلری چیکلهنیشی باعث، مملکت اقتصادی گه ۱میلیارد دالر زیان ییتکیزگن.
بوگون ننگرهارده ناگرانلردن اونلرچهسی ناراضیلیک نمایش اوتکزیب افغانستان ذخیزه پوللری نینگ آزاد بولیشینی سورهگنلر و ۱۱-سپتامبر هجوملری عاقبتیده قربان بولگنلر نینگ عایلهلری گه مملکت سرمایهلریدن ۳.۵میلیون دالری اختصاص بیریلیشی اوچون آمریکا بیرلشمه ایالت جمهوررئیسی جو بایدن نینگ قراری نی قاره لهگنلر.
غور و بادغیس ساغلیقنی سقلش مسئوللری نینگ ایتیشلریچه، اوشبو ولایتلرده هوا ساووقلیگی و قتناو یوللر یاپیقلیگی سبب پولیو واکسینی نینگ نیچه دور قیش کمپاینی تطبیق ایتیلمهگن.
