ترانسپورت و هوانوردلیک وزیرلیگی نینگ عامه مناسبت‌لر مسئولی امام‌الدین احمد نینگ سلام‌وطندار گه ایتیشیچه، اسلامی امارت تامانیدن قوشمه بیر هیأت اوزبیکستان سفر قیلگن. اونگه کوره، اوشبو سفردن مقصد، اوزبیکستان، پاکستان وافغانستان آره‌سیده ترانزیتی یول‌لرنی آچیش دیر.
بوگون کابل‌ده ایکینچیلیک، چارواچیلیک و سوغاریش وزیرلیگی تامانیدن، دهقان بیرمی و ایکینچیلیک محصولات کورگزمه‌سی یولگه قوییلدی. مذکور وزیرلیک مسئوللری نینگ ایتیشلریچه، دهقان بیرمی و ایکینچیلیک محصولات کورگزمه‌سی، ایکینچیلیک محصولات‌لرنی قوللب قوتلش و وطنی محصولات‌لر گه بازار تاپیش اوچون یولگه قوییلگن و اوچ کونگچه دوام تاپه‌دی.
کابل صناعت و کان‌لر اتاقی مسئوللری، صنعتی پارک‌لرده برق قیینچیلیکلریدن شکایت قیلیب ایتیشلریچه، کارخانه‌لردن قطاری برق تنقیص‌لیگی باعث توخته‌گن. مطبوعاتی ییغین اوتکزگن کابل صناعت و کان‌لر اتاقی باشلیغی سخی‌احمد پیمان نینگ ایتیشیچه، کارخانه‌لر نینگ اساسی قیینچیلیکلریدن بیری برق تنقیص‌لیگی دیر.
اسلامی امارت باش وزیری بیرینچی اورین باسری نینگ مطبوعاتی دفتری بیر خبرنامه ترقه‌تیب سلام‌وطندار گه ایتیشیچه، چین تشقی ایشلر وزیری وانگ یی بوگون کابل کیلیب و ملا عبدالغنی برادر بیلن اوچره‌شگن.
افغانستان برشنا شرکتی، اوزبیکستان نینگ وارداتی برقی قیته‌دن باغلنگنیدن خبر بیرگن. اوزبیکستان نینگ وارداتی برقی اوتگن کونی، ۲۸ حوت شام چاغی قتیق بوران باعث کیسلگندی.
بامیان حاکمی مطبوعاتی دفتری بیر خبرنامه ترقه‌تیب ایتیشیچه، دولت اداره‌لری و خصوصی نهادلر، دولتی رسانه‌لر (ملی رادیو تلویزیون و باختر آژانسی) حضوری بیلن اوشبو ولایت نینگ حاکمی عبدالله سرحدی گه ۶ آی‌لیک ایشلری و یوتوق‌لری باره‌سیده گزارش بیرگن‌لر.
افغانستان مرکزی بانکی بوگون بیر بیانیه ترقه‌تیب، افغانی پول برابریده دالر نرخینی پس توشیریش اوچون تخمیناً ۱۲ میلیون دالرنی لیلام شکلده سا‌تیشینی اعلام قیلگن. مذکور بانک نینگ بیانیه‌سی اساسیده، اوشبو مقدار پول نینگ داوطلب‌لیگی ایرته (پنج‌شنبه، ۲۶حوت)، یولگه قوییله‌دی.
هلمند ولایتی سولی و حاصل‌خیز ییرلر گه ایگه بولگنی اوچون ایکینچیلیککه مناسب محیط دیر. مذکور ولایت ایکینچیلیک، سووغاریش و چارواچیلیک ریاست مسئوللری نینگ ایتیشلریچه، کیله‌جک نیچه ییل‌گچه اوشبو ولایت نینگ ۵۰۰ جریب زراعتی ییرلریگه خرما باغ‌لری ایجاد قیلیش اوچون سعی و حرکت قیلماقده‌لر
هینگ یا انغوزه طبی اوسیملیک وحشی روشده اوسیب و افغانستان نینگ اقلیمی شرایطی بیلن ماس دیر. سو گه احتیاجی آز بولگن اوشبو اوسیملیک، افغانستان نینگ اکثر ولایت‌لریده ایکیله‌دی و قیمت‌لیگی باعث، نیچه ییل‌دن بویان کوکنار اورنیده یخشی بدیل اوله‌راق تانیلگن. اوشبو اوسیملیک‌نی ایکیش گه یوز کیلتیرگن دهقان‌لر، اوشبو ولایت محلی مسئول‌لریدن «هینگ» اوسیملیگینی رواجلنتیریش مقصدیده اولر بیلن همکار بولیش‌لرینی طلب قیله‌دیلر.
پاکستانی میدیالری مذکور مملکت رسمی‌لریدن نقل قیلیب گزارش بیریش‌لریچه، آسیا ترقیات بانکی ۱۰ میلیارد دالر‌لیک تاپی پروژه‌سی نینگ مالی حمایتی و اونگه تیگیشلی بوتون فعالیت‌لری نی توخته‌تگن دیر.
بغلان ولایتی مستوفیت مسئوللری نینگ ایتیشلریچه، اوتگن ۶ آی‌ده سابق دولت سقوطی و افغانستان اسلامی امارت حاکمیت گه ایریشگنیدن حاضرگچه، اوشبو اداره ۱۳۴ میلیون افغانی درآمد ییققن.
افغانستان مرکزی بانکی بوگون بیر خبر ترقه‌تیب اعلام قیلیشیچه، افغانی پول برابریده دالر قیمتینی پس توشیریش اوچون بازارده دالر ترقه‌تیش جریانی دوامیده، قریب ۱۴ میلیون دالرنی لیلام شکلده ساته‌دی.
ارزگان یشاوچیلریدن قطاری نینگ ایتیشلریچه، سابق تیزیم سقوط قیلگنی و اسلامی امارت نینگ قدرت گه ایریشگنیدن کیین،مذکور ولایت مرکزی و تومن‌لریده اونلرچه عمرانی پروزه‌لر ایشی یریم قالیب و نامعلوم تقدیر گه روپه‌رو بولگن.
غزنی بازارلریده ساخته پول‌لر اینیقسه آمریکالیک ساخته دالر کوپه‌یشی، اوشبو ولایت صراف‌لری، سوداگرلری و دکاندارلری نینگ خواطری گه سبب بولگن.
اسلامی امارت باش وزیری نینگ بیرینچی اورین باسری ملا عبدالغنی برادر نینگ مخصوص یاردمچیسی عبدالله اعزام نینگ ایتیشیچه، پاکستان یاردم بیرگن بوغدای‌نی استفاده قیلیش ممکن. او توییری‌ده یازیشیچه، اوشبو بوغدای‌لر ناپاک لیگیگه عاید افغانستان مرکزی سیلو باشلیغی تامانیدن شریک قیلینگن معلومات‌لر ناتوغری دیر.
هند نینگ یاردم بوغدایی ایکینچی یوکی پاکستان آرقه‌لی افغانستان گه یوباریلگن. پاکستان ییتکیرمه‌لری نینگ گزارشی اساسیده، اوشبو یاردم‌لر واگه بندرگاهی آرقه‌لی افغانستان گه یوباریلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
