هراتلیک عیال اوقیتووچیلر و ۱۴۰۱_ییل کانکور سیناوی گه قیزلری اشتراک ایتگن عایلهلردن قطاری، بوگون (سهشنبه، ۱۷-عقرب) اوشبو ولایت معارف ریاستی تامانیدن کانکور نخبهلری تقدیر بولیش برنامهسیده، مملکتده قیز مکتبلر نینگ آچیلیشی گه تاکید قیلگنلر.
افغانی قیزیل آی جمعیتی رسانهلر بیلن خبری بیر ییغین اوتکزیب ایتگن که، سویگی سینگن و کویگن ۵۴ باله (آلمان تینچلیک قیشلاغی/ دهکده صلح آلمان) همکارلیگی بیلن جاری ییل ۱۹-عقرب درمان اوچون آلمان گه یوباریلیشی ممکن.
اسلام امیرلیگی سرپرست حکومتی احصائیه و معلومات ملی ادارهسی، بوگون (سهشنبه، ۱۷ عقرب) بیر بیانیه ترقهتیب ایتیشیچه، اوشبو اداره نینگ بدخشان ولایتی واخان تومنی گه یوبارگن هیئتی، پامیر یشاوچیلری گه کیملیک ترقهتگن.
اوتگن کون (دوشنبه، ۱۶ عقرب) بیرلشگن ملتلر تشکیلاتی نینگ انسان پرورلیک یاردملرینی اویغونلشتیرووچی دفتر (اوچا)، یونیسف، بیرلشگن ملتلر تشکیلاتی نینگ مهاجرلر ایشلری بوییچه عالی کمیشنری (UNHCR)، شمال و شمالشرق حوزهلریده خلقارا آزیق_آوقات دستوری مسئوللری و نمایندهلری بیلن اوچرهشگن جوزجان محلی رسمیلری نینگ ایتیشلریچه، انسان پرورلیک یاردملر عادلانه روشده توزیع بولمهیدی.
افغانستان مرکزی بانکی توییتری صحیفهسیده یازگن که، افغانستان گه یاردم بیرووچی مملکتلر نینگ انسان دوستلیک یاردملری دوامیده، بوگون (سهشنبه، ۱۷-عقرب) ۴۰ میلیون دالرلیک نقدی یاردم کابل گه ییتیب کیلیب و تجارتی بانکلردن بیری گه تاپشیریلگن.
مملکت باش وزیرلیگی اقتصادی اورین باسرلیگی نینگ دفتری گه کوره، افغانستان اوشبو ییل نینگ ۷ آی ده بیر میلیارد ۸۵ میلیون دالر گه صادرات قیلگن.
افغانستان نینگ پاکستان دهگی ایلچیخانهسی، اوشبو مملکت نینگ کراچی شهری دن ۳۰ افغانستانلیک قوییب یوباریلگنیدن خبر بیرگن. اوشبو افغانلر اوتگن کون (دوشنبه، ۱۶ عقرب) پاکستان قماقخانهلریدن قوییب یوباریلیب و افغانستان گه انتقال بیریلگن.
کابل شهری ده کوندهلیک ایشلهیدیگنلردن امید، آخشملری آوقاتلنیش اوچون قیزی نینگ کوتیب توریشیدن حکایت قیلهدی. ۷ نفرلیک عایله سرپرستی امید نینگ ایتیشیچه، کوندهلیک درآمدی کیچه نانی بولهدی؛ بیراق ۴ کوندن بویان ایشسیز و هیچ درآمد قیلمهگن.
بغلان ولایتی نینگ مرکزی پلخمری شهری ده کمبغل ۴۲۷ عیال و ۷۳ ایرکک که، اوشبو ولایت ایش و اجتماعی ایشلر ریاستی تامانیدن کسب و هنرنی اورگهنیش زمینهسی یرهتیلگن.
اسلامی امارت ایچکی ایشلر وزیرلیگی نینگ سرپرستی سراجالدین حقانی، اوشبو وزیرلیک کوچلری بیلن اوتکزگن ییغیلیشیده، نظافت نی رعایت ایتیشلرینی طلب قیلگن.
اوتگن کون کیچ قورون، مصر نینگ شرمالشیخ شهری ده اقلیم اوزگریشی عمومی ییغیلیشی باشلنگن. اوشبو ییغیلیشده اقلیم اوزگریشی باعث زیان کورگن کمبغل مملکتلر گه، بای به دولت اولکهلر تامانیدن یاردم بیریلیشی اوستیگه بحث ایتیلیشی کوتیلهدی.
افغانستان هواشناسلیک ریاستی، مملکت نینگ ۶ ولایتیده کوچلی یامغیر و قار یاغیشیدن آگاهلنتیرگن.
افغانستان مرکزی بانکی اوز توییتری ده، افغانستان گه یاردم بیرووچی مملکتلر نینگ انسان پرورلیک یاردملری دوام ایتر ایکن، بوگون ۴۰ میلیون دالرلیک نقد یاردم کابل گه ییتیب کیلیب و تجارتی بانکلردن بیری گه تاپشیریلگنینی یازگن.
اوکراین جمهور باشلیغی ولودیمیر زلنسکی، سونگی بیاناتیده یقینده روسیه تامانیدن اوکراین نینگ سوو و برق آست قورمهلری نشانگه آلینیشیدن آگاهلنتیرگن.
مصر نینگ شرمالشیخ دم آلیش و ساحلی شهری ده بیرلشگن ملتلر تشکیلاتی اقلیم اوزگریش ییغیلیشیده اشتراک ایتگن قریب ۲۰۰ مملکت نینگ نمایندهلری، اقلیم اوزگریشی طفیلی زیان کورگن کمبغل مملکتلر گه تاوان پولی تولـهنیشی خصوصیده کیلیشدیلر.
سیاسی ایش بیلرمانلر نینگ ایشانچی گه کوره، بیرلشگن ملتلر تشکیلاتی عمومی ییغیلیشیده افغانستان نمایندهسی نطق سوزلهمسلیک و بیرلشگن ملتلر تشکیلاتی خوفسیزلیک کینگشی تامانیدن، حاضرگی حکومت رهبرلری نینگ سفر معافیتی تمدید ایتیلمسلیگی، افغانستان نینگ سیاسی تنزل گه یوز توتیشیگه سبب بولگن.
