جوزجان خوفسیزلیک مسئوللری، اوشبو ولایت مرکزی شبرغان شهری نینگ بیشینچی خوفسیزلیک سمتی حدودلریده، بیر ییگیت نینگ جسدی تاپیلگنیدن خبر بیرهدیلر. جوزجان امنیه قوماندانلیگی نینگ جنایی جرملر گه قرشی کورهش مدیری غلامرسول احمدی نینگ سلاموطندار گه ایتیشیچه، خوفسیزلیک کوچلر تامانیدن بیر ییگیت نینگ جسدی تاپیلگن و کرمینالوژی تحقیقات اوچون اوشبو مدیریت گه تاپشیریلگن.
بلخ امنیتی مسئوللری، اوشبو ولایت ده بیر عایله نینگ ۷ اعضاسی اولدیریلگنیدن خبر بیرهدیلر. بلخ امنیه قوماندانلیگی سوزلاوچیسی محمدآصف وزیری نینگ ایتیشیچه، اوشبو واقعه جمعه کیچه، ۱۴ دلو، بلخ ولایتی چمتال تومنی «جرقلعه» قیشلاغیده یوز بیرگن.
خلقارا قیزیل خاچ کمیتهسی گه کوره، افغانستان ده هوا مثلسیز درجه ده ساووق بولیشی، میلیونلرچه کیشینی اولیم خوفی بیلن دوچ قیلگن. خلقارا قیزیل خاچ کمیته، بیر ویدیو ترقهتیب وضعیت نی باشقریش اوچون انسان پرورلیک یاردملر گه نیاز دیگن.
اوتگن ییللردهگی اوروشلر، قورغاقچیلیک، ایکینچیلیک محصولات بازاری کمرنگلیگی و ایش فرصتلری یوقلیگی، هلمند یشاوچیلریدن بیرقطاری نینگ اقتصادی قیینچیلیک بیلن روپهره قیلگن عامللردن سنلهدی.
افغانستان اوچون روسیه نینگ مخصوص نمایندهسی ضمیر کابلوف نینگ ایتیشیچه، کیلهسی هفته اوشبو مملکت پایتختی مسکو ده افغانستان خصوصیده خوفسیزلیک ییغیلیش یولگه قوییلیشی ممکن. افغانستان اوچون روسیه نینگ مخصوص نمایندهسی ضمیر کابلوف جمعه کونی، ۱۴ دلو، تاس آژانسی بیلن اوتکزگن صحبتیده، مذکور ییغیلیش کیلهسی هفته اوتکزیلیشی ممکن دیگن.
معلومات و مدنیت وزیرلیگی ده میدیالر نینگ نشراتینی نظارت قیلیش باشلیغی عبدالحق حماد، پنجشنبه کیچه، ۱۳ دلو، اوز توییتری ده بیلیم یورت اوقیتووچیسی اسماعیل مشعل قولگه آلینیشینی تصدیقلب یازیشیچه، خوفسیزلیک نهادلر اونی تحقیق اوچون آلیب کیتگنلر.
دایکندی عامه منفعت ریاست مسئوللری نینگ ایتیشلریچه، دایکندی_بامیان قتناو یولی کوچلی قار و بوران طفیلی ترافیک یوزی گه یاپیلگن. مذکور ریاست سرپرستی لعلمحمد یوسفی نینگ سلاموطندار گه ایتیشیچه، دایکندی ولایتی میر امور تومنی و بامیان ولایتی ورس تومنی آرهلیغیده «قوناق» کوتلی ده کوچلی قار یاغیشی و بوران باعث بوگون توش دن کیین (جمعه، ۱۴ دلو) ترافیک یوزی گه یاپیلگن. اوشبو کوتل دایکندی نی بامیان و کیین ایسه کابل گه باغلهیدی.
کابل ده محتاج کیشیلردن قطاری نینگ ایتیشلریچه، اقتصادی قیینچیلیک و قشاقلیک باعث ساووقلیک و آچلیک کبی تورلی خیل قیینچیلیکلر روپهرهلر. ۱۰ کیشیلیک عایله سرپرستی رخسار نینگ ایتیشیچه، کابل یشاوچیلری نینگ یشش اویلرینی تمیزلش بیلن عایله اعضالری نینگ کیچه_کوندوز نانینی تأمینلهیدی.
افغانستان ایشلری بوییچه امریکا نینگ مخصوص نمایندهسی توماس وست، افغانستان ده قیز اوقووچیلر نینگ تعلیمی و عیاللر ایشی توختهتیلیشی گه دایر منطقهوی سفرلرینی باشلش بیلن، امریکا تشقی ایشلر وزیری آنتونی بلینکن نینگ ایتیشیچه، اسلام امیرلیگی اوز قرارلرینی بیکار قیلمهگن تقدیرده امریکا تامانیدن چیکلاو و ایریم باسیملر کیلتیریلیب و اولر گه ویزه بیریلمهی، امریکا و دنیا همجمعیت تامانیدن حرمت قیلینمهیدیلر.
ینگیلیکده جوزجان مرکزی شبرغان شهری ده بیر سوداگر، شخصی پولی دن «تورکستان ایشخانهسی» آتیده اون ایشلب چیقرووچی بیر ایشخانه ایجاد ایتگن. مذکور ایشخانه مسئولی بازمحمد گه کوره، اوشبو ایشخانه دهقانلر و ایچکی محصولاتلرنی قوللب_قوتلش مقصدیده ایجاد ایتیلگن و حاضر بو ییرده ۳۰ کیشی ایش بیلن تأمینلنگن.
افغانستان هواشناسلیک ریاستی، سالنگلر شامل مملکت نینگ ۱۷ ولایتیده کوچلی قار و یامغیر یاغیشیدن آگاهلنتیرگن.
کابل ده عیاللردن بیر قطاری اسلام امیرلیگی نینگ قدرت گه ایریشگنیدن کیین، «واوا آشخانه و رستورانت بانوان افغان» اسمی عنوانیده بیر رستورانت آچگنلر. مذکور عیاللر سونگی کونلرده اسلام امیرلیگی تامانیدن باسیم و چیکلاولر یرهتیلیشیدن شکایت قیلیب ایتیشلریچه، سونگی کونلرده ایشلری تنزل گه یوز توتگن.
ملی مدافعه وزیرلیگی اوز توییتری ده، اوشبو وزیرلیک سرپرستی محمدیعقوب مجاهد و اسلام امیرلیگی اردو ستاد باشلیغی فصیحالدین فطرت، چهارشنبه، ۱۲ دلو، اوشبو وزیرلیک مقری ده سابق دولت رسمیلری و جنراللریدن بیرقطاری بیلن اوچرهشگنلریدن خبر بیرگن.
اسلام امیرلیگی سوزلاوچیسی ذبیحالله مجاهد اوز توییتری ده، حیرتان بندری ده صادرات و واردات وقتینچهلیک توختهتیلگنیدن خبر بیرگن. جناب مجاهد، مملکت ملی سوداگرلری دن صبرلی بولیب عاجل و نیاز بولگن توارلرینی آقینه بندری آرقهلی وارد قیلیشلرینی طلب قیلگن.
کابل یشاوچیلریدن قطاری، بازارلرده گاز نرخی آشیشی خصوصیده خواطر بیلدیریب ایتیشلریچه، برق یوقلیگی و گاز نرخی آشیشی اولر نی کوپینچه قیینچیلیک بیلن روپهره قیلگن.
بامیان ده یاش بیر عیال بیر موسسه نینگ مالی یاردمی بیلن «کاج» اسملی عیاللر گه مخصوص بیر کتابخانه ایجاد قیلگن. شونینگدیک بامیان بیلیم یورت طلبهسی و اوشبو کتابخانه نی ایجاد قیلگن نیکبخت ثنا نینگ ایتیشیچه، مذکور کتابخانه نی کتاب اوقیش و مطالعه فرهنگی نی رواجلنتیریش مقصدیده ایجاد قیلگن.
