سرپرست حکومت تشقی ایشلر وزیرلیگی سۉزلاوچیسی نینگ اۉرین باسری حافظ ضیا احمد ۲۲-حوت، سه‌شنبه کیچه، ایکس اجتماعی ترماغی‌ده، مملکت تشقی ایشلر وزیرلیگی سرپرستی امیرخان متقی، اۉزبېکستان تشقی ایشلر وزیری بختیار سعیداوف بیلن کابل ده اۉچره‌شگنینی یازگن.
کسل‌لرینی دوالش اوچون پاکستان گه آلیب باره‌دیگن مملکت یشاوچیلریدن بیرقطاری نینگ ایتیشلریچه، ایکّی کوندن بېری تورخم بندری ده پاکستان گه اۉتیشنی کوتماقده‌لر، بیراق پاکستان تامانی اولر گه رخصت بیرمه‌یدی. اولر، بیر قطار کسل‌لر نینگ احوالی آغیر و پاکستان گه باریش اوچون کوپ قالگن حالده، وفات قیلیش‌لریدن آگاه‌لنتیره‌دیلر.
افغانستان ده امریکا ایلچیلیگی شارژدافیری اوز ایکس صحیفه‌سیده، افغانستان گه یاردم‌لر ارائه بولیش پروسه‌سی قنده‌لیگی خصوصیده یاردم بیرووچی مملکت‌لر و بیرلشگن ملت‌لر تشکیلاتی نهاد‌لری نینگ تیکشیریلیشی باشلنیشی‌دن خبر بیرگنی‌دن کیین، اقتصاد وزیرلیگی‌ده مسئوللر افغانستان اهالی‌سی اوچون بیرلشگن ملت‌لر تشکیلاتی و دنیا نینگ انسان‌پرورلیک یاردملری دوامینی اونملی دیگنلر.
غزنی ولایتی باشقه قیین‌چیلیک‌لر یانیده، اوقووچیلر اوچون مکتب یوقلیگی و مکتب‌لر نینگ بناسیزلیک قیین‌چیلیگی بیلن هم روپه‌ره دیر. اوشبو ولایت مرکزی و تومن‌لریده‌گی یشاوچیلر و اوقیتوچیلردن قطاری، مکتب‌لر نینگ بناسیزلیگی‌دن شکایت قیلیب و بو توغریده سرپرست حکومت نینگ برنامه‌سیزلیگی‌دن تنقید قیله‌دیلر.
بیرلشگن ملت‌لر تشکیلاتی انسان‌پرورلیک یاردم‌لر نی هماهنگ قیلووچی دفتری (اوچا) نینگ ایتیشیچه، سویس افغانستان نینگ انسان‌پرورلیک صندیغی گه بیر میلیون ۷۰۰ مینگ دالر یاردم بیرگن.
پاکستان ینگی باش وزیری شهباز شریف، اوشبو مملکت جمهور باشلیغی آصف‌علی زرداری حضوری بیلن ینگی کابینه اعضالرینی تانیشتیرگن. شهباز شریف ۲۱-حوت، دوشنبه کونی، کابینه اعضالرینی تانیشتیریش مناسبتی اۉتکزیلگن ییغیلیش‌ده، اوشبو مملکت نینگ اقتصادی یخشی‌لنیشی اوچون سعی‌وحرکت قیلیشی‌دن ایشانچ بیرگن.
سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی بوگون و اېرته (۲۱ و ۲۲ حوت کون‌لری) مملکت نینگ ۱۹ ولایتیده کوچلی قار، یامغیر یاغیب، بوران و سوو تاشقینی یوز بیریش احتمالی‌دن آگاه‌لنتیرگن.
اسلام امیرلیگی باش وزیری محمدحسن آخوند، سرپرست حکومت مسئوللری، بای به‌دولت کیشی‌لر و سرمایه یاتقیزووچیلر دن مقدس رمضان آی ده کمبغل کیشی‌لر اېنیقسه طبیعی واقعه‌لر طفیلی جبر کورگنلر، مملکت گه قیتگن قاچقین‌لر، قربان‌لر نینگ عایله اعضالری و سرپرست‌سیز عیاللر گه یاردم بیریش‌لرینی سۉره‌گن.
تخار ولایتی دشت‌قلعه تومنی محلی مسئوللری، اوشبو تومن اولسوال‌لیک بناسی سۉنگی ییل‌لرده‌گی ایچکی اۉروش‌لر طفیلی بوزیلگندی، قوریش ایشی قیته باشلنگنیدن خبر بیره‌دیلر. دشت‌قلعه تومنی بلدیه باشلیغی مولوی عبدالقدوس گه کوره، بو تومن اولسوال‌لیگی بناسی نینگ قوریش ایشی باشلنگن و قویاش ۱۴۰۳ ییل یکونی‌گه قدر فایده‌لنیشگه تاپشیریلیشی کوتیله‌دی.
پروان ولایتی ترافیک مدیریتی نینگ ترافیکی واقعه‌لرنی تېکشیریش آمری عبدالحمید محمدی نینگ سلام‌وطندار گه ایتیشیچه، مذکور ولایت‌ده سۉنگی ۱۱ آی ایچیده ۱۱۸ ترافیکی واقعه یوز بیرگن. اونینگ کوپه‌یتیریشیچه، اوشبو واقعه‌لر ده ۴۱ کیشی هلاک بولیب و باشقه ۲۴۶ کیشی یره‌لنگن.
تخار ولایتی محلی رسمی‌لری، اوشبو ولایت مرکزی تالقان شهری ده کوچت اېکیش ملی کمپاین باشلنگنیدن خبر بیره‌دیلر. تخار ولایتی تالقان شهری بلدیه باشلیغی نقیب‌الله محمدی گه کوره، شهر کورکم‌لیگی، هوا افلاس‌لنمسلیگی، یشش محیط‌نی تازه سقلش اوچون کوچت اېکیش کمپاین‌نی یولگه قویگنلر.
سرپرست حکومت غصب‌لرنی آلدینی آلیش کمیسیون مملکت ولایت‌لریده‌گی اوشبو کمیسیون نینگ تخنیکی هیئت‌لری گه، هندولر نینگ تارتیب آلینگن ملک‌لرینی انیقلش بویروغینی بیرگن. عدلیه وزیرلیگی نینگ ایتیشیچه، هندولر نینگ تارتیب آلینگن ملک‌لری قیتریب آلینیشی و اولر نینگ ملک‌لری احتمالی تارتیب آلینیش خطری خصوصیده قرار قیله‌دیلر.
ایش و اجتماعی ایشلر وزیرلیگی بوگون (یک‌شنبه، ۲۰-حوت)، کابل ده درمان آستیده بولیب و مسلک اورگه‌نیش بولیمی‌ده تعلیم کورگن ۵۰۹ مخدره ماده گه چلینگن معتاد گه فراغت حجتی نی ترقه‌تگن.
مملکت غرب زونی‌ده دهقان‌لردن بیرقطاری سۉنگی کون‌لرده‌گی یاققن قار و یامغیردن خورسندلیک قیلیب، اۉتگن ییل گه نسبتن بو ییل محصول‌لری یخشی‌راق حاصل بیریش گه امید بیلدیره‌دیلر. اوشبو دهقان‌لر نینگ ایتیشلریچه، اۉتگن ییل قوروقچیلیک طفیلی محصولات‌لری اونچه‌لیک حاصل بیرمه‌گن اېدی.
پاکستان خیبرپختون‌خوا ایالتی پشاور شهری ده یوز بیرگن پارتلش عاقبتیده ایکّی کیشی هلاک بولیب وباشقه بیر کیشی یره‌لنگن. پاکستان جیونیوز نینگ معلوماتی اساسیده، اوشبو پارتلش بوگون (یک‌شنبه، ۲۰-حوت)، «بورد پشاور» بازاری یقینیده یوز بیرگن.
بلخ ولایتی محلی مسئوللری نینگ ایتیشلریچه، «کی‌ون کیک بوکسینگ» ایکّینچی دور رقابت‌لری افغانستان و پاکستان سپورت‌چیلری نینگ حضوری بیلن مذکور ولایت مرکزی مزارشریف شهری ده یولگه قوییلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
