قندهار میوند تومنی یشاوچیلری، اوشبو تومنده‌گی تاریخی مکان‌لر قوللش عرفه‌سی گه قرار تاپگنیدن خواطر بیلدیریب و مسئوللر دن بوتوغریده دقت قیلیش‌لرینی سۉره‌یدیلر. اولر گه کوره، تاریخی آبده سنلگن میوند تومنی بازاری آرقه‌سیده ییرلشگن «سبز قلعه‌سی»، حاضر اطرافی قازیلیب و محل یشاوچیلری یشش اوی‌لرینی قوریش اوچون اونینگ توپراغیدن قوللنماقده‌لر.
سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی بوگون و اېرته (۱۹ و ۲۰ حوت کون‌لری) مملکت نینگ ۱۱ ولایتیده کوچلی قار، یامغیر یاغیب، بوران و سوو تاشقینی یوز بیریش احتمالی‌دن آگاه‌لنتیرگن.
افغانستان مرکزی بانکی بوگون ایکس اجتماعی ترماغیده، مملکت بازارلریده افغانی پول نرخینی ثابت سقلش مقصدیده ایرته ۲۰-حوت، یک‌شنبه کونی، ۱۵ میلیون امریکالیک دالرنی داوطلب‌لیک آرقه‌لی لیلام قیلیشیدن خبر بیرگن.
اسلام امیرلیگی سۉزلاوچیسی ذبیح‌الله مجاهد، «کاسا ۱۰۰۰» لایحه نینگ ایشی باشلنیش قراردادی اۉتگن کون قرغیزستان، اۉزبېکستان و افغانستان آره‌سیده امضالنگنیدن خبر بیردی. مجاهد جنابلری بوگون (۱۹-حوت، شنبه کونی) ایکس اجتماعی ترماغی ده، مذکور لایحه نینگ عملی ایشی میلادی کیله‌سی آی باشلنیب و خره‌جتی دنیا بانکی تامانیدن تولَنیلیشینی یازگن.
بیرلشگن ملتلر تشکیلاتی نینگ خلق‌ارا آزیق-آوقت دستوری، دنیا بویلب مملکت‌لر انسانی انقراض بیلن دوچ اېکن، افغانستان اونیتیلمسلیگی کېره‌ک دیگن.
تورکیه دولت رهبری رجب طیب اردوغان، اوشبو مملکت نینگ استانبول شهری ده اوکراین جمهور باشیلغی ولودیمیز زلنسکی بیلن اۉچره‌شدی. آناتولی آژانسی گه کوره، رجب طیب اردوغان ۸ –مارچ، جمعه کونی استانبول شهری ده اوکراین جمهور باشلیغی ولودیمیز زلنسکی بیلن اۉچره‌شیب اوکراین ده دوام اېته‌یاتگن توقنشوولر حقیده بحث اېتگنلر.
نیمروز محلی مسئوللری، اوشبو ولایت‌ده یوز بیرگن ترافیکی حادثه عاقبتیده سکیز کیشی اۉلیب و باشقه آلتی کیشی یره‌لنگنیدن خبر بیره‌دیلر. نیمروز امینه قوماندان‌لیگی سۉزلاوچیسی قدرت‌الله ابویاسین نینگ سلام‌وطندار گه ایتیشیچه، ۱۸-حوت، جمعه کونی، مذکور ولایت نینگ چخانسور تومنی ایکّی یولی‌ده یوز بیرگن ترافیکی حادثه عاقبتیده ۸ کیشی اۉلیب و باشقه آلتی کیشی یره‌لنگن.
افغانستان ده بیرلشگن ملتلر تشکیلاتی نینگ اورین باسرلیک هیئت دفتری (یوناما)، خلق‌ارا خاتین-قیزلر بیردملیک کونی مناسبتی بیلن بیر اعلامیه آرقه‌لی ایتیشیچه، بیرلشگن ملت تشکیلاتی اوشبو کون‌ده افغانستان ده عیال‌لر و قیزلر برابریده‌گی چیکلاولر نینگ یکونلنشی نی ایسته‌گن.
لوگر مرکزی و اوزاق تومن‌لر یشاوچیلریدن قطاری نینگ ایتیشلریچه، قابله‌لر آرقه‌لی آنه‌لر گه وقتیده درمانی خذمت‌لر ارائه بولینیشی سبب، اوشبو ولایت‌ده آنه‌لر و چقه‌لاق‌لر اولیمی میزانی کمه‌یگن دیر. لوگر مرکزی پل‌علم شهری یشاوچیلریدن شایسته نینگ ایتیشیچه، پل‌علم شهری‌ده‌گی درمانی مرکزلرده حامله عیال‌لر گه درمانی خذمت‌لر ارائه‌سی…
دایکندی ایکینچیلیک، سووغاریش و چاروه‌چیلیک باشلیغی شیراحمد رفیع نینگ سلام‌وطندار گه ایتیشیچه، اوشبو ریاست آرقه‌لی توپلنگن آمار اساسیده، مذکور ولایت نینگ ۹ تومنیده سونگی یاغینگرچیلیک و هوا ساووق‌لیگی نتیجه‌سیده، ۸۱۱ باش قوی، ۴۴۹ باش ایچکی، ۱۰۸ باش سیگیر و ۱۶ باش ایشک شامل ۱۳۸۴ باش چاروه تلف بولگن.
افغانستان مسئله‌سی ۱۶-حوت، چهارشنبه کونی بیرلشگن ملتلر تشکیلاتی خوفسیزلیک کینگشی ییغیلیشی و اوشبو تشکیلات تامانیدن ترقه‌لگن گزارش ده ېنه بیر مراتبه بحث گه آلینگن.
ملی مدافعه وزیرلیگی گه کوره، اوشبو وزیرلیک سرپرستی محمدیعقوب مجاهد و افغانستان اردوسی باشلیغی فصیح‌الدین فطرت، قطر امیری تمیم بن حمد آل ثانی بیلن اۉچره‌شگن‌لر. اوشبو وزیرلیک بوگون (پنچ‌شنبه، ۱۷-حوت)، ایکس اجتماعی ترماغی ده، اوشبو اۉچره‌شوو ده تامان‌لر ایکّی مملکت نینگ مناسبت‌لری مستحکم‌لنیشی و باشقه مسئله‌لر حقیده بحث اېتگنلر.
تخار ولایتی خواجه‌غار تومنیده کان قولشی عاقبتیده بیر کانچی هلاک بولگن. مذکور ولایت خواجه‌غار تومنی یشاوچیلریدن بیرقطاری نینگ سلام‌وطندار گه ایتیشلریچه، اوشبو تومن نینگ «سیلابه» قیشلاغی‌ده بیر کان قولشی عاقبتیده بیر کانچی هلاک بولگن.
چین ده لوژستیک بیر مرکز باشلیغی هونگ مینگ فنگ، حیرتان و مزارشریف ده جهازلی مرکزلرنی قوریش اوچون سرمایه یاتقیزیش گه قرار قیلگنینی اېتگن. چین پایتختی بیجینگ ده افغانستان ایلچی‌خانه‌سی بوگون (پنج‌شنبه، ۱۷-حوت) ایکس اجتماعی ترماغی ده، مینگ فنگ بو موضوع نی بیجینگ ده افغانستان ایلچی‌خانه سرپرستی بلال کریمی بیلن اۉچره‌شووده بیان قیلگن.
سمنگان ولایتی محلی مسئوللری، اوشبو ولایت‌ده تاش کومیر کانی پارتلشی عاقبتیده ایکّی کانچی هلاک بولگنیدن خبر بیره‌دیلر. سمنگان ولایتی امنیه قوماندان‌لیگی سۉزلاوچیسی حشمت‌الله رحمانی گه کوره، ۱۵-حوت، سه‌شنبه کونی، مذکور ولایت‌ده تاش کومیر کانی پارتلشی عاقبتیده ایکّی کانچی هلاک بولگن.
افغانستان تخنیکی و مسلکی تعلیمات اداره مسئوللری، ۱۶-حوت، چهارشنبه کونی کابل ده خبری بیر ییغیلیش‌ده، اوشبو ییل مذکور اداره دن فارغ بولگن ۱۰۰۰ اوقووچینی ایش بیلن تامینله‌گنلرینی ایتگنلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
