سلام‌وطندار اوشبو گزارش‌ده تورلی ولایت‌لردن ۲۰ تدبیرکار عیال بیلن صحبت اوتکزگن. اوشبو عیاللرنینگ ۱۵ نفری، افغانستان عیاللر سودا و صناعت اتاقی‌نینگ حمایتی لایحه‌لریده فساد بارلیگیدن خبر بیره‌دیلر؛ عین‌حالده بو عیاللرنینگ بیش نفری اوشبو نهاد تامانیدن اولر گه حمایتی لایحه‌لر بیریلگن، بو اداره‌ده فساد بارلیگیدن خبرلری یوق‌لیگینی اېته‌دیلر. بو گزارش‌ده کابل، هرات، جوزجان و تخارده‌گی تدبیرکار عیاللر بیلن صحبت قیلینگن و اولر قالین توقیش، قول توقیمه، زعفران اېتیشتیریش، اویمه‌کارلیک و رستورانت بولیم‌لریده فعالیت قیله‌دیلر.
اوچ ییل آلدین فعالیت گه باشله‌گن «ریحان یوسفی» تیکووچیلیک ایشخانه باشلیغی ریحانه یوسفی، نیچه مرته حمایتی برنامه اوچون عیاللر سودا و صناعت اتاقی گه مراجعت قیلگن، بو اتاق‌ده تانیش و واسطه‌نینگ رولی بارلیگینی معلوم قیله‌دی. اونگه کوره: «اولر تانیش و واسطه اساسیده ایشله‌یدیلر. نیچه مرته اتاق [عیاللر صناعت و سودا اتاقی] گه مراجعت قیلدیم و اېتدیم هېچ برنامه‌لرینگیز گه یوق من، برچه معیارلر گه تېنگ من؛ اېته‌دیلر بیز معرفی قیله‌میز؛ بیراق نهادلر قبول قیلمه‌یدیلر. قیینچیلیک باش‌ده دیر.»
تدبیرکار عیاللردن باشقه بیری شاهانا شفاهی که تورت ییل اول «گند افغانی» تیکووچیلیک بیر ایشخانه قورگن، عیاللر سودا و صناعت اتاقی‌ده فساد بارلیگینی تصدیقله‌یدی، اونگه کوره، بو نهاد ده اعضا بولگنیدن تورت ییل اوتگن بولسه‌ده؛ بیراق حمایتی هېچ برنامه اونگه بیریلمه‌گن. «فکریمچه، حمایت بوله‌دیگن عیاللر، گلدن و پلاتین کارت‌لری بولیشی کېره‌ک که معرفی بوله‌دیلر. بو گَل کارت‌لر، عیاللر سودا و صناعت اتاقی‌ده‌گی هویتی کارت‌لر دیر که کوپ قیمت. بونده‌ی کارتینگیز بولسه، بیران جای گه معرفی بوله‌سیز؛ عکس‌حالده، یوق.»
گند افغانی ایشلب چیقره‌دیگن «بانوان مهر افغانستان» قول صناعتی فیرمه باشلیغی رویا محمدی، عیاللر سودا و صناعت اتاقی‌ده فساد بارلیگی همده تانیش و واسطه‌نینگ رولی بارلیگینی تصدیقلب ایتیشیچه، بو نهاد باشچیلیگیده بولگن کیشیلر، اۉز یقینلرینی حمایتی برنامه‌لرده شامل قیله‌دیلر. اونینگ کوپه‌یتیریشیچه، عیاللر صناعت و سودا اتاقی‌ده فساد بارلیگی طفیلی اوشبو نهاد اعضالیگیدن واز کیچگن. «اتاق رهبریتی و باشی‌ده بولگنلر، اولرنینگ اۉزلرینی تجارتی بار؛ خاله قیزی، عمه قیزی و اۉز قیزلری گه ایش بیره‌دیلر؛ اۉزلریدن کوپلیک قیلسه کېین باشقه عیاللر گه بیریشه‌دی. اتاق‌ده کوپراق سلیقه اساسیده یانده‌شه‌دیلر، خیالی و تجارتی بولمه‌گنلر، اۉزیمیز گواه اېدیک بیر کیشی‌نینگ دکانینی کورسته‌دیلر، قولگه کېریته‌دیگن پول‌نی اوی گه صرفلشه‌دی.»
بیزلرنینگ فیسبوک صحیفه‌میزگه باش اورینگ!
باشقه تاماندن، جوزجان‌ده تدبیرکار عیال وحیده کریمی، عیاللر سودا و صناعت اتاقی‌ده فساد بارلیگینی تصدیقلب ایتیشیچه، عضویت حقی تولش بیلن، حمایتی برنامه‌لرده شامل بولمسلیک سببینی سوره‌گن پیتده، تورلی بهانه‌لر بیلن روپه‌ره بوله‌دی. «عیاللر سودا و صناعت اتاقی مینگه اېتدی ایکّی مینگ افغانی بیر عضو بولیش اوچون بیر؛ بیراق حاضرگچه نه سروی کېلگن، نه سمینار. کېله‌دیگن سروی اتاق گه کېله‌دی؛ هېچ بیر نهاد تامانیدن سروی بولمه‌گن. اېته‌دیلر. ایکّی ییل آلدین، آلتی آی آلدین کېلگن بولسنگ اېدی.»
بیراق سوداگر و تدبیرکار عیاللر ترماغی گه اعضا فاطمه شیرزاد، باشقچه حکایه قیله‌دی. اونینگ ایتیشیچه، بوتوغریده فعال عیاللر آره‌سیده هبسته‌لیک یوق‌لیگی هېچ بیر عیال حمایتی برنامه‌لردن فایده‌لنه آلمه‌ی و حمایت قیله‌دیگن نهادلرنینگ اۉزیده توخته‌ب یا-ده تالان-تاراج بولیشیگه سبب بولگن. «خارجی نهادلرده اورتاق‌لریمدن بیری بیلن گپیردیم. عیاللر صناعت و سودا اتاقی باشچیلیگیده بولگنلر شو آدرس آرقه‌لی عیاللرنی قۉللب-قوتلب و اولرنی نهادلر گه تانیشتیریشی ممکن دیېدی، افسوس بیلن عیاللرنینگ عیاللر گه شفقتی یوق و بو آدرس‌دن هېچ کیم‌نی نهادلر گه تانیشتیرمه‌یدیلر شونی اوچون خارجی نهادلرده بولگنلر، حمایتی برنامه‌لرنی تالان-تاراج قیله‌دیلر. اۉزیم حاضر تدبیرکار عیاللر ترماغی اعضاسی من، آت اساسیده بیر کمیته باشلیغی من و صلاحیتیم یوق و عیاللر شفقت بیلن ایشلسه‌لر افسوس بیلن یوق.»
عیاللر سودا و صناعت اتاقی تامانیدن حمایتی برنامه گه شامل قیلینگن بیش عیال، بو حمایت‌لرنی یېترلی بیلمه‌یدیلر. «وریسه بافی سنگی‌ماه» قالین توقیش ایشخانه مسئولی سنگی‌ماه ستیر، ۲۵۰ قیز بیلن بیر مرته حمایت بولگن ایتیشیچه: «کمک قیله‌دیگن نهادلر سانی آز دیر؛ فقط حسیبا و اکتید دفترلری همکارلیک قیله‌دیلر. بیرقطار عیاللرنی تانیمن که بیر مرته یا-ده ایکّی مرته کمک آلگن. کمک‌لر شفاف اېدی، جوازی بولگنلر بوتون جوازلرینی ریاست دفتری گه تاپشیردیلر و کوپینچه‌سی جلب بولدی.»
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، افغانستان عیاللر سودا و صناعت اتاق باشلیغی سلما یوسف‌زی، بو اداره‌ده فساد بارلیگینی رد اېتیب ایتیشیچه، طلب کوپ‌لیگی اوچون بوتون تدبیرکار عیاللر حمایتی برنامه‌لرده شامل بوله آلمه‌یدی. اونینگ تأکیدلشیچه، شرایط گه تېنگ بوتون عیاللر رویخطینی حمایت قیله‌دیگن نهادلر گه تاپشیره‌دیلر؛ بیراق قرار قبول قیلیش نهادلر زمه‌سیگه و افغانستان عیاللر سودا و صناعت اتاقی‌نینگ هېچ رولی یوق. «۹۶۴۲ کیشی‌نینگ رسمی جوازی و نارسمی طرزده ۱۳۰ مینگ تدبیرکار عیال‌نی قۉللب-قوتله‌یمیز و بو اتاق‌ده تورلی چېکلاولر بار. مین هېچ قچان بیش یا-ده ۱۰ کیشی‌نینگ رویخطینی بیرمه‌گن من؛ بوتون اعضا رویخطینی بیرگن من. کیم تنلنه‌دی هېچ رولیمیز یوق. مین شکایت‌لرینی قبول قیله‌من.»
بو گزارش‌ده صحبت قیلگن ۱۵ عیال، حمایتی نهادلرده واسطه و تانیش رولی‌‌دن عین‌حالده شکایت قیلماقده، بو نهادلرنینگ بیرقطاری سلام‌وطندار بیلن اوتکزگن صحبت‌لریده فساد بارلیگینی رد اېتیب و فساد بارلیگیدن شکایت قیلگن عیاللر اولر گه مراجعت قیلیب و اولر شکایت‌لرنی تېنگلش‌لرینی اېتگنلر. خلق‌ارا مهاجرت تشکیلاتی، بیرلشگن ملتلر تشکیلاتی‌نینگ ترقیات دستوری، اکتید موسسه‌سی، حسیبا دفتری، حرکت و پاملرنه، تدبیرکار عیاللرنی قۉللب-قوتلاوچی نهادلردن سنله‌دی؛ بیراق فقط خلق‌ارا مهاجرت تشکیلاتی و اکتید موسسه‌سی مسئوللری سلام‌وطندار گه جواب قیتردیلر؛ عین‌حالده باشقه نهادلر معلومات‌نی شریک قیلیش اوچون همکارلیک قیلمه‌دیلر.
خلق‌ارا مهاجرت تشکیلاتی مسئوللری‌نینگ ایتیشلریچه، حاضرگه قدر ایکّی مینگ تدبیرکار عیال نی قۉللب-قوتله‌گنلر و ناراضی عیاللر قوریلگن پلتفرم‌لر آرقه‌لی شکایت‌لرینی شریک قیله آله‌دیلر. شونینگدیک، اکتید موسسه‌سی مسئوللری، واسطه و تانیش حقیده هر قنده‌ی سۉزلرنی رد اېتیب و عیاللرنینگ تنلاوی فرم توزیع قیلیش و مذاکره‌لر آرقه‌لی شفاف شکلده بولیشینی معلوم قیله‌دیلر.
خلق‌ارا مهاجرت تشکیلاتی مسئوللریدن بیری، سلام‌وطندار گه ایتیشیچه: «خلق‌ارا مهاجرت تشکیلاتی منتظم طرزده تورلی ساحه‌لرده عیاللرنینگ تشویشینی حل قیلگن. اوتگن اوچ ییل‌ده، خلق‌ارا مهاجرت تشکیلاتی تدبیرکار عیاللرنی دستکول، نانوایی‌لیک، موکت، تون (چپن) و ژاکت ایشلب چیقریش، تیکووچیلیک، گل‌دوزلیک، آزیق-آوقت و ایچیملیک صناعتی، کییم-کیچک، قول صناعتی ساحه‌لریده حمایت قیلگن.»
اکتید موسسه‌سیده عیاللرنی توانا قیلیش لایحه بوییچه ولایتی مسئولی شریفه دانش‌نینگ ایتیشیچه: «بیز افغانستان‌نینگ نیچه ولایتیده فعالیت قیله‌یپمیز عیاللرنی کیچیک و اورته تجارت ساحه‌سیده قۉللب-قوتله‌یمیز حاضرگچه ۳۳۸ عیال گه ایکّی قسط‌ده گرند آلیش، تریننگ و مسلک اورگه‌تیش گه یاردم کورسه‌تیلگن. عیاللر شفاف شکلده تنلنه‌دی و بیز بو موضوع‌نی که اوشبو نهاد ده تانیش و واسطه بار بوتونلی رد اېته‌میز. عیاللر سودا و صناعت اتاقی بیلن علاقه‌ده میز؛ بیراق تدبیرکار عیاللر اولر تامانیدن بیز گه تانیشتیریله‌دی.»
افغانستان سودا و صناعت اتاقی، دولت نظارتی آستیده مستقل بیر نهاد دیر که خصوصی بولیم‌ده فعالیت قیله‌دی. شونی اوچون تدبیرکار عیاللرنینگ احوالینی انیقلش اوچون صناعت و سودا وزیرلیگی‌نینگ فکر-ملاحظه‌سینی آلیش گه اوریندیک؛ لېکن اوشبو وزیرلیک مسئوللری بوتوغریده جواب قیتریش گه حاضر بولمه‌دیلر.
تدبیرکار و ایش بیلرمان عیاللر عین‌حالده، نهادلر تامانیدن حمایت بولمسلیک‌لریدن شکایت قیلماقده که اوتگن اوچ یریم ییل‌دن کوپراق‌ده، صناعت و سودا بولیمی عیاللر اوچون کم سانلی قالگن ساحه‌لردن سنله‌دی؛ گرچند افغانستان‌ده عیاللر گه جاری اېتیلگن چېکلاولر بو ساحه‌نینگ فعالیتی گه هم سلبی تأثیر قویگن.
