سونگی ییل‌لرده مملکت‌ده یوز بیرگن اوروشلر نتیجه‌سیده، مینگ‌لرچه عایله نینگ اویی تخریب بولیب و شونینگدیک آواره بولگنلر. کابل گه کیلیش امکانیتی گه ایگه بولگن عایله‌لر، اوز جان‌لریدن حفاظت قیلیش اوچون اوشبو شهر نینگ تینچ ییرلری گه کوچ قیلگنلر.
شونده‌ی بیرحالده، بوگون کابل مهاجرلر و باش پناه ایزلاوچیلر ریاستی اوروشلر سبب، شمالی ولایت‌لردن کابل گه کیلگن ۱۰۰دن آرتیق عایله نی، قیته اصلی ولایت‌لری گه یوبارگن.
کابل مهاجرلر و باش‌پناه ایزلاوچیلر ریاست رئیسی مولوی عبدالمتین رحیم زی نینگ ایتیشچیه، باش‌پناه ایزلاوچیلر بوییچه بیرلشگن ملت‌لر تشکیلاتی نینگ عالی کمیشنری (UNHCR) هر بیر عایله گه ۲۰۰ دالر یاردم بیرگن و اوشبو تشکیلات بیجا بولگنلر نینگ اویلری قیته توزه‌تیلیشی اوچون هر آی ۴۰۰ دالر یاردم بیریشی خصوصیده سوز بیرگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «حاضرگی وضعیت‌ده یالغیز ۲ مینگ عایله نی سروی قیلگن‌میز که اولردن برچه‌سی ولایت‌لر گه قیته باریش‌لری اوچون تیارلر. یاردم بیریلیشی اوچون موسسه‌لر بیلن صحبت قیلدیک که، یالغیز بو توغریده یو ان اچ سی آر موسسه یاردم بیریش خصوصیده تیارگرلیگی نی بیلدیردی. اولر گه موتر کرایه‌سی عنوانی‌ده ۲۰۰ دالر یاردم بیرگن و شونینگدیک کیله‌جک‌ده هم آیده ۴۰۰ دالر اولر بیلن همکارلیک قیلیشی ممکن.»
کابل مهاجرلر و باش‌پناه ایزلاوچیلر ریاست رئیسی نینگ ایتیشیچه، یاردم‌لر نینگ ترقه‌لیش پروسه‌سی درست دیر و اوشبو یاردم‌لردن فایده‌لنگن کیشی‌لر ایکی مرته یاردم آلالمه‌یدیلر.
شونده‌ی بیرحالده، اویلری نی قولدن بیرگن و اویلری نی قیته توزه‌تیش گه کوچلری ییتیشمه‌گن عایله‌لر، اسلامی امارت و یاردم بیرووچی نهاد‌لردن بوتوغریده کوپینچه یاردم ایسته‌گنلر.
بیزلرنینگ توییترده هم تعقیب قیلینگ!
۳۵ یاشر قندوز یشاوچیسی پلوشه اوروش‌لرده تورموش اورتاغی نی قولدن بیرگن و حاضر ایسه اوچ باله نینگ سرپرستی بوینیگه دیر. او اوشبو یاردم‌لر نینگ قولگه کیلتیرگنی خصوصیده خورسند بیلدیریب و ایتگن که، ولایت‌ده قنده‌ی حیات کیچیریشی خصوصیده خواطرلی دیر.
«اوروشلر نتیجه‌سیده، کابل گه کیلیب شوو ییرگه حیات کیچیردیک. اوشبو پول حاضر ییترلی دیر، لیکن اوییمیز تخریب بولگن. بیزلر گه توزه‌تیلگن اویی کیره‌ک.»
سرپل ولایتی‌دن کابل گه کیلگن حمیده‌الله نینگ ایتیشیچه، عایله‌سی بیلن قیته ولایتی گه قیتیشی خصوصیده خورسند دیر.
سیاسی ثبات‌سیزلیک، ایش‌سیزلیک و قشاقلیک سبب، مملکت یشاوچیلردن میلیون‌لرچه‌سی اویلری نی ترک قیلگنلر، شونینگدیک بیر قطار کیشی مملکت نی ترک قیلیب و قوشنی مملکت‌لر یا-ده اروپا گه مهاجر بولگنلر و باشقه بیر قطاری ایسه آواره بولماقده دیر.
