۲۰۲۲_ییل قطر جهان کپی اویین‌لری دوام ایتر ایکن، اوشبو مسابقه‌لر ایکینچی هفته‌سیده، بوگون مهم مسابقه‌لر بولیب اوته‌دی.
فوتبال جهان کپی مسابقه‌لریده بوگون (یکشنبه، ۶ قوس) جاپان و کاستاریکا ساعت ۲:۳۰ ده؛ بلژیک و مراکش ساعت ۵:۳۰ ده؛ کرواسی و کانادا ساعت ۸:۳۰ ده و کیچه ساعت ۱۱:۳۰ ده اسپانیا و جرمنی ملی تیرمه جماعه‌لری رقابت قیله‌دیلر.
بیزلرنینگ فیسبوک صحیفه‌میزگه باش اورینگ!
اوتگن کون بولیب اوتگن مسابقه‌لرده تونس ۱:۰ حسابی بیلن آسترالیا نی مغلوب قیلدی، پولند ایسه ۲:۰ حسابی بیلن عربستان تیرمه جماعه‌سی برابری ده غالب بولدی و شونینگدیک فرانسه ۲:۱ حسابی بیلن دنمارک نی و ارجنتاین ۲:۰ حسابی بیلن مکزیک تیرمه جماعه‌سی برابریده غلبه قازاندیلر.
جهان کپی مسابقه‌لری دوام ایتر ایکن، ۲۰۱۸_ییل جهان کپی قهرمانی فرانسه بیرین_کیتین ایکی مسابقه گه غالب چیقیشی نتیجه‌سیده آلتی امتیازنی کسب ایتیب، کیینگی دور گه یول تاپیشینی قطعی قیلگن.
بیزلرنینگ توییترده هم تعقیب قیلینگ!
شونینگدیک ایرته (دوشنبه، ۷ قوس) کامرون و صربستان؛ جنوبی کوریا و گانا؛ برزیل و سوئیس و نهایت کریستیانو رونالد هم‌تیمی‌لری اروگوئه برابری ده رقابت قیله‌دیلر.
۳۲ مملکت نینگ اشتراکی بولگن جهان کپی مسابقه‌لری، قطر میزبان‌لیگی بیلن اوشبو آی ۲۷ قوس گچه دوام تاپه‌دی.
