غور عامه منفعت‌لر باشلیغی عبدالکریم ابوشعیب نینگ سلام‌وطندار گه ایتیشیچه، اولر افغانستان هواشناس‌لیک ریاستی نینگ یامغیر و قار یاغیش پیش‌بینلیگی اساسیده، بوگون عصر دن کیین غور_کابل قتناو یولی موترلری نینگ باریب کیلیشینی توخته‌تیشگه قرار قیلگنلر.
غور عامه منفعت باشلیغی نینگ کوپه‌یتیریشیچه: «غور_کابل، غور_هرات و باین، غوک و بور توغان‌لری یولی آچیق دیر، یولاوچیلر باریب کیلماقده‌لر. بوگون ساعت تورت دن کیین عمومی ترانسپورت و کابل ترانسپورتی و نماینده‌لیکلرگه، یول‌لرنی یاپیش بویروغی بیریلگن.
بیزلرنینگ فیسبوک صحیفه‌میزگه باش اورینگ!
غور عامه منفعت ریاست مسئوللری نینگ ایتیشلریچه، قار کوپ یاغه‌دیگن منطقه‌لرده قارنی تازه‌لش تیم‌لری بار، یوللر یاپیلیب و اهالی قیینچیلیککه قالمسلیک اوچون سعی و حرکت قیلماقده‌لر.
باشقه تاماندن، غور_کابل قتناو یولی هیداوچیلری و مذکور ولایت یشاوچیلریدن قطاری، یول‌لرنی آچیش اوچون غور عامه منفعت ریاست مسئوللری نینگ سعی و حرکت‌لریدن منتدارلیک بیلدیریب و اولردن یامغیر و قار یاققن کونلری، یولاوچیلر تلف بولمسلیگی و قیینچیلیککه قالمسلیگی اوچون چاره کوریش‌لرینی ایسته‌یدیلر.
غور_کابل قتناو یولی هیداوچیلریدن نوید گه کوره: «بیرگم ده‌گی یولاوچیلر نینگ کسل‌لری بار، باره‌یدیک دیب گپیردیلر، بارمسک یول بند، بو قیینچیلیک حلی اوچون چاره کوریلیشی کیره‌ک. بیر ولایت نینگ یولی دیر، بیر قیشلاق و تومن یولی ایمس. قتناو یول آچیلیشی لازم.»
بیزلرنینگ توییترده هم تعقیب قیلینگ!
غور یشاوچیلریدن گل‌احمد نینگ ایتیشیچه: «حکومت دن بوتوغریده دقت قیلیشینی ایسته‌یمیز، یولاوچیلر اینیقسه عیاللر و باله‌لر یولگه بند قالیب و تلف بولمسلیکلری اوچون یولنی آچیشی کیره‌ک.»
عین‌حالده، افغانستان هواشناس‌لیک ریاستی ۲۰ و ۲۱ جدی، مملکت نینگ ۲۲ ولایتیده کوچلی قار و یامغیر یاغیشیدن آگاه‌لنتیرگن.
