بریتانیا تشقی ایشلر وزیرلیگی نینگ اعلام قیلیشیچه، اوشبو مملکت افغانستان گه ۷۵ میلیون پوند یاردم بیره‌دی.
بریتانیا تشقی ایشلر وزیری لیز تراس، دنیا نینگ ۷ بویویک اقتصادی (جی ۷) رهبرلرینی ایتیشیچه، اوشبو یاردمی بسته‌لری افغانستان اهالی‌سیگه «عاجل یاردم» صفتیده، ییگولیک ماده تامین‌لنیشی، ساغلیک ماده، باش پناه و سوو اوچون نظر گه آلینگن.
بریتانیا تشقی ایشلر وزیری گه کوره، اوشبو یاردم بیرلشگن ملتلر تشکیلاتی، افغانستان انسان دوستلیک صندوغی، دنیا ییمک برنامه‌سی، خلق‌ارا مهاجرلر تشکیلاتی، بیرلشگن ملتلر تشکیلاتی نینگ باله‌لر صندوغی، خلق ارا تشکیلاتی نینگ جمعیت صندوغی و خلق ارا نجات کمیته‌سی آرقه‌لی صورت تاپیشی گه قرار قیلینگن.
بیزلرنینگ فیسبوک صحیفه‌میزگه باش اورینگ!
خانم تراس نینگ کوپه‌یتیریشیچه، اوشبو انسان دوستلیک یاردمی بسته‌لر بریتانیا آرقه‌لی تعهد بیریلگن ۲۸۶ میلیون پوند نینگ بیر بولیمی دیر که مذکور مملکت جاری ییلده افغانستان گه یاردم بیریشی توغریسیده سوز بیرگن ایدی. اونگه کوره، اوشبو مالی یاردم‌لر افغانستان یشاوچیلری نینگ جانی نی نجات بیریشی ممکن و شونینگدیک منطقه‌ده ثبات کیلتیریش اوچون یاردم بیره‌دی.
(جی ۷) گروهی نینگ تشقی ایشلر وزیرلری نینگ ییغینی، اوتگن کون لیورپول شهریده افغانستان بحرانی ده خلق‌ارا اویغونلیک اقداملر و اسلامی امارت مسئول‌لری بیلن قنده‌ی تعامل قیلیش توغریسیده یولگه قوییلدی.
