برشنا شرکتی، اوشبو شرکتدن قرضدار بولگن ایشخانه‌لر، رهایشی و تجارتی شهرچه‌لرنینگ برق‌لری کیسیلیشیدن خبر بیرگن.
برشنا شرکتی سوزلاوچیسی حکمت‌الله میوندی نینگ ایتیشیچه، رهاشی شهرچه‌لر، سوداگرلیک شرکت‌لر، ایشخانه‌لر، مقدس مکانلر و دولتی و خصوصی نهادلر اوشبو شرکتدن ۲۳ میلیارد افغانی قرضدار دیر.
برشنا شرکتی مسئول‌لری نینگ ایتیش‌لریچه، ملی استیل شرکتی ۴۰ میلیون افغانی، پیمان آیسکریم شرکتی کمیده ۱۱ میلیون افغانی و پایپ پلاستیک فابریکه‌سی کمیده ۵ میلیون افغانی برشنا شرکتیدن قرضدار دیر و بوگون اوشبو شرکت‌لر نینگ برق‌لری برشنا شرکتی تامانیدن کیسیلگن.
کابلده برشنا شرکتی رئیسی عبدالرحمان رحمانی نینگ آگاه‌لنتیریشیچه، قرضدارلر قرضلرینی بیرمه‌گن صورت‌ده، برشنا شرکتی نینگ سقوط قیلیشی ممکن.
بیراق تولیدی شرکت‌لردن بیری نینگ اجرایی مدیری محمد نسیم نینگ ایتیشیچه، سونگی تحولات‌لر و بانک قیین‌چیلیگی باعث، پوللرینی بیره آلمه‌گنلر و اسلامی امارت‌دن بوتوغریده کوپراق وقت بیریلیشی‌نی سوره‌گن.
عین‌حالده، برشنا شرکتی نینگ سوزلاوچیسی حکمت‌الله میوندی نینگ ایتیشیچه، قرضلرینی توللنیشی اوچون ۱۲ کون زمان بیریلگن ایدی؛ لیکن اولر هیچ قنده‌ی اقدام قیلمه‌‌گنلر.
شونینگدیک، بوندن آلدین هم سوداگرلیک شرکت‌لر، صنعتی پارک‌لر و دولتی و خصوصی نهادلر نینگ برشنا شرکتیدن قرضدار بولگنی سبب، قیینچیلیکلر چیقگن ایدی. برشنا شرکتی مسئوللریگه کوره، اوشبو قیینچیلیکلر باعث، اولر قوشنی مملکت‌لردن وارد بولگن برق پولی‌نی بیره آلمه‌گنلر.
