بغلان معلومات و مدنیت ریاستی مسئوللری نینگ ایتیشلریچه، اوشبو ولایت نینگ ییتی تومنی‌ده اونلب قدیمی اثر و ییرلر، سونگی سوو تاشقینلر نتیجه‌سیده بوتونلی و قسماً ویران بولگن.
بغلان معلومات و مدنیت ریاستی نینگ سیاحتچیلیک آمری عزت‌میر حقانی گه کوره، اوشبو قدیمی اثرلر و ییرلر مذکور ولایت نینگ دهنه‌ی غوری، دند غوری، برکه، جلگه، نهرین، خوست‌وفرنگ و گذرگاه نور تومن‌لریده ویران بولگن دیر. اونینگ ایتیشیچه: «بعضی ییرلر برکه، جلگه، نهرین تومن‌لریده بوتونلی شکلده ویران بولگن و بغلان مرکزی، پلخمری و دند غوری کبی بعضی تومن‌لر ده ایسه قدیمی اثرلر و ییرلر و تاریخی ساحه‌لر قسماً ویران بولگن.»
بیزلرنینگ «ایکس» ترماغی ده هم تعقیب قیلینگ!
حقانی نینگ اورغولشیچه، اوشبو ولایت‌ده قدیمی اثرلر و ییرلردن کوپینچه‌سی بوندن آلدین هم طبیعی واقعه‌لر نتیجه‌سیده زیان کوریب و نابود بولیش خوفی بیلن روپه‌ره‌لر.
بغلان ده ۱۲۶ قدیمی ییر اوشبو ولایت معلومات و مدنیت ریاستی آرقه‌لی ثبت بولگن که، بو ییرلردن ۹۰ فایزی قیته قوریلیش گه نیازی بار.
باشقه بیر تاماندن، بغلان یشاوچیلریدن قطاری نینگ ایتیشلریچه، نابود بولیش خوفی آستیده قرار تاپگن قدیمی اثرلر و ییرلر نینگ سقلنیشی کیره‌ک.
بغلان یشاوچیسی محمدشیروان نینگ ایتیشیچه: «قدیمی اثرلر جوده‌یم خراب بولگن؛ اوشبو اثرلر نینگ قیته ترمیم بولیشی کیره‌ک؛ بو توغریده دولت توجه قیلسین؛ چونکه قدیمی اثرلر بیر مملکت تاریخی دیر.»
بیزلرنینگ فیسبوک صحیفه‌میزگه باش اورینگ!
شونینگدیک بغلان یشاوچیلریدن باشقه بیری ذبیح‌الله نینگ ایتیشیچه: «دولت‌دن قدیمی اثرلر و ییرلر نینگ قیته ترمیم بولیشی خصوصیده کوپراق توجه قیلیشلری نی ایسته‌یمیز؛ چونکه بو اثرلر نینگ سقلنیشی اونملی دیر و اهالی بو ییرلر نینگ کوریب چیقیش اوچون کیله‌دیلر و اقتصادی رواجلنیش گه سبب بوله‌دی.»
افغانستان نینگ شمالی ولایت‌لریدن بیری بولگن بغلان ده، کوپینچه تاریخی اثر و قدیمی ساحه‌لر موجود بولیب، «کافر قلا» کبی بعضی قدیمی ساحه‌لر که کوشانیلر و بوداییلر دوری‌دن قالگن، ۲۰۰۰ ییل‌لیک تاریخ گه ایگه دیر.
