گل‌دسته، عدلی و قضایی نهادلردن عدالت ایسته‌ش مقصد ده بغلان ولایتی نینگ گذرگاه نور تومنیدن اوشبو ولایت مرکزیگه کیلگن. گل‌دسته نینگ ایتیشیچه، نیچه ییلدن بویان تورموش اورتاغی (ایری) تامانیدن کلتک‌لنه‌دی، لیکن تورموش اورتاغی نینگ گذرگاه نور تومنیده ملی خوفسیزلیک ریاستی ایشلاوچیسی بولگنی سبب، امنیتی نهادلر تامانیدن قولگه آلینمه‌یدی.
اوشبو عیال نینگ کوپه‌یتیریشیچه، ۱۵ ییل بو وضعیت نی تحمل قیلگن و حاضرده دولت دن عدالت ایسته‌یدی.
گل‌دسته نینگ ایناغه‌سی نقیب‌الله نینگ ایتیشیچه، سینگیلی‌سی نینگ تورموش اورتاغی‌نی قولگه آلینیشی اوچون بغلان پولیس قومندانلیگی و عیال‌لر ریاستی گه مراجعت قیلگن‌لر، بیراق سینگیلی‌سی نینگ تورموش اورتاغی ملی خوفسیزلیک ریاستی ایشلاوچیسی بولگنی سبب، ایستک‌لریگه دقت قیلینمه‌گن.
اوشبو عایله اعضالری نینگ ایتیش‌لریچه، بیرقطار قیین‌چیلیکلر سبب، پلخمری شهریگه کیلگن‌لر و قیته‌دن اوز قیشلاق‌لریگه باره آلمه‌یدیلر. اولر عدلی و قضایی نهادلردن قیین‌چیلیک‌لریگه دقت قیلینیشینی سوره‌یدی.
عین‌حالده، بغلان پولیس قومندانلیگی سوزلاوچیسی احمدجاوید بشارت نینگ ایتیشیچه، اوشبو عیال نینگ شکایتی‌نی گذرگاه نور تومنی‌گه یوبارگن‌لر.
گل‌دسته نینگ تورموش اورتاغی فکرینی آلیش اوچون سعی و حرکت قیلدیک، لیکن موفق بولمه‌دیک.