بادغیس محلی مسئوللری نینگ ایتیش‌لریچه، اوشبو ولایت نینگ قادس تومنیده یوزبیرگن زلزله نتیجه‌سیده، باله‌لر و عیاللر شامل ۱۲ کیشی جان بیرگن.
قادس ولسوالی محمد‌صالح پردل نینگ سلام‌وطندارگه ایتیشیچه، مذکور زلزله عاقبتیده اوشبو تومنده نیچه یشش اوی نینگ تامی چپه‌بولیب و قطار کیشیلرنینگ اولیمی گه سبب بولگن.
قادس ولسوالی گه کوره، اوشبو واقعه‌ده زیان کورگن‌لر آره‌سیده عیاللر و باله‌لر شامل دیر. اونینگ کوپه‌یتیریشیچه، هلاک بولگن کیشیلرقادس تومنی نینگ «بادروک»، «دربند سفید» و «خاک‌پُلک» منطقه‌لری نینگ یشاوچیلری دیر. قادس ولسوالی نینگ اورغولشیچه،اوشبو زلزله عاقبتیده، اوشبو تومن یشاوچی‌لریدن قطاری یره‌لنگن و شونینگدیک اولر گه مالی زیان هم ییتیشگن.
قادس ولسوالی گه کوره، مذکور آمار نهایی ایمس و هر لحظه اوزگرماقده. شونده‌ی بیرحالده، نیچه دقیقه آلدین بادغیس ولایتی کسل‌خانهمسئوللریدن قطاری مذکور ولایت‌ده زلزله باعث، ۱۸ یاشر بیر قیز نینگ یره‌لنگنیدن خبر بیرگن ایدیلر.
ترقه‌تیلگن گزارشلر اساسیده، آمریکا نینگ زلزله اداره مرکزی (USGS) گه کوره، بوگون زلزله نینگ مرکزی مملکت غربی ولایتلری،بادغیس ولایتی نینگ قادس تومنی ایکن. مذکور زلزله، ۴.۹ درجه و شونینگدیک اونینگ چقورلیگی ایسه ۱۰ کیلومتر گزارش بیریلگن.
