بادغیس عیاللر سوداگرلیک مرکزی قیته فعالیتی گه باشله‌گن دیر. بادغیس‌ده تدبیرکار عیال‌لردن قطاری و اوشبو سوداگرلیک مرکزی نینگ مسئوللری، مذکور مرکز نینگ قیته باشلنگنیدن خورسندلیک بیلدیریب بیراق ایتیش‌لریچه، مشتری یوقلیگی باعث، ضرر قیلگنلر.
بادغیس عیال‌لری سوداگرلیک مرکز مسئوللری و تدبیرکار عیاللر، اسلامی امارت مسئوللری و خلق‌ارا و ملی نهاد‌لردن اولر گه یخشی ایش زمینه‌سی‌نی یره‌تیشنی سوره‌گنلر.
اوشبو سوداگرلیک مرکزده تیکووچیلیک قیله‌دیگن و بادغیس‌ده سوداگر عیال‌لردن بیری صدیقه نینگ ایتیشیچه، ۷ کیشیلیک عایله‌سی نینگ خره‌جتی نی تامین‌لش اوچون هر قنده‌ی عیال کییم‌لری نی تیکه‌دی. بیراق اونگه کوره، مشتری یوقلیگی و سابق کبی ایش یوقلیگی باعث، کونده کوپ قیین بیر شکلده ۱۰۰ الی ۳۰۰ افغانی قولگه کیلتیره‌دی.
شونینگدیک مذکور سوداگرلیک مرکزده ایش قیله‌دیگن عیال‌لردن قطاری، ایش‌لری سابق کبی بولمه‌گنیدن شکایت قیله‌دیلر. بادغیس تدبیرکار عیال‌لریدن باشقه بیری حلیمه نینگ ایتیشیچه: «بیر دکانیم بار ایدی و ۵۰ دن ۶۰ مینگ سرمایه‌م بار ایدی، لیکن دکانیم نی اوغیرله‌دیلر. برچه نرسه‌م نی آلیب کیتدیلر، حاضر ایسه قیته ایش گه باشله‌دیک، حاضر ایسه سرمایه‌میز هم یوق و سودا هم یوق، کیله‌میز و دکان کرایه‌سی هم بیزلر گه تاوان دیر.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بادغیس عیال‌لری سوداگرلیک مرکز مسئولی عطیبه توخی نینگ ایتیشیچه، اوشبو مرکزده، عیاللر تورلی بولیم‌لرده فعالیت قیله‌دیلر و بو مرکزده ۵۶ دکان بار که حاضر ایسه سوداگر عیاللر نینگ کملیگی باعث، کمیده ۲۶ دکان فعال و باشقه‌سی ایسه یاپیق دیر.
باشقه بیر تامان‌دن، بادغیش بلدیه اداره مسئوللری نینگ اورغولشیچه، اوشبو مؤسسه‌لر بیلن هماهنگ‌لیک قیلیب، اولر گه قیته ایش زمینه‌سی نی فراهم قیلیش و اولر اوشبو ولایتده‌گی تدبیرکار عیال‌لردن حمایت قیلیش اوچون سعی و حرکت قیله‌دیلر.
مسئولر نینگ بیاناتی اساسیده، اوشبو سوداگرلیک مرکز اوچ ییل آلدین ۲۰ میلیون افغانی خره‌جت بیلن ایجاد بولیب و سوداگر عیاللر اختیاری گه قرار بیریلگن ایکن.
