بادغیس ولایتی بیرقطار یشاوچیلری نینگ ایتیشلریچه، اوشبو ولایت‌ده توزیع قیلینه‌یاتگن انسان‌سیورلیک یاردم‌لر واسطه یوزه‌سیدن خیریه موسسه‌لر و دولت ایشلاوچیلری نینگ قرینداشلریگه توزیع قیلینگن؛ بیراق قشاق و کمبغل عایله‌لرگه ییتمه‌گن.
اولر دولتی و خیریه موسسهلردن، انسان سیورلیک یاردم‌لرنی تینگ و شفاف روشده توزیع قیلیش‌لرینی سوره‌یدیلر.
عین‌حالده، بادغیس‌ده آواره بولگن قاچقین عیاللردن بیری صابره نینگ ایتیشیچه، نیچه آیدن بویان انسان‌سیورلیک یاردم قولگه کیلتیرمه‌گن و قیین بیرشرایط‌ده حیات کیچیرماقده.
بیزلرنینگ فیسبوک صحیفه‌میزگه باش اورینگ!
اونگه کوره: «بیز کمبغل میز ییگولیک آزیق – آوقاتی میز یوق آچ‌میز، اوروش‌لر طفیلی آواره بولگن میز بیزلرنی انسان سیوریلک یاردم‌گه احتیاجی میز بار، دولت و خیریه موسسهلردن بیزلرگه یاردم بیریش‌لرینی سوره‌یمیز.»
شونده‌ی بیرحالده، بادغیس محلی مسئوللری اوشبو ادعالرنی ناتوغری عنوان قیلیب ایتیشلریچه، انسان‌سیورلیک یاردم‌لر تینگ و شفاف شکل‌ده توزیع قیلینه‌دی.
بادغیس ولایتی مهاجرلر و باش پناه ایزلاوچی‌لر ایش‌لری بوییچه ریاستی نینگ باشلیغی صدرگل صادق نینگ ایتیشیچه، اسلامی امارت افغانستانده حاکم بولگن حاضرگچه، اوشبو ولایت‌ده خیریه نهادلر اویغون‌لیگی بیلن مینگ‌لرچه کمبغل عایله‌لرگه ییگولیک آزیق – آوقات و نقدی یاردم توزیع قیلگنلر.
بو توغریده بیر قطار خیریه موسسه‌لر نینگ مسئوللرینی فکرینی اورگه‌نیشنی ایسته‌دیک بیراق موفق بولمه‌دیک.
بیزلرنینگ توییترده هم تعقیب قیلینگ!
ایتیش کیره‌ک دیر کیم بوندن آلدین هم مملکت بیرقطار یشاوچیلری انسان‌سیورلیک یاردم‌لر ناعادلانه توزیع ایتیلیشی خصوصیده شکایت قیگن ایدیلر؛ بیراق اسلامی امارت سوزلاوچیسی ذبیح الله مجاهد ایتگن ایدی، انسان‌سیورلیک یاردم‌لر، عدالت و برابرلیک نظرده توتیلیب توزیع قیلینه‌دی، بیراق تشقی موسسه‌لر نینگ یاردم ترقه‌تیش پروسه‌سیده قیینچیلیگی بار.
