هینگ یا انغوزه طبی اوسیملیک وحشی روشده اوسیب و افغانستان نینگ اقلیمی شرایطی بیلن ماس دیر. سو گه احتیاجی آز بولگن اوشبو اوسیملیک، افغانستان نینگ اکثر ولایت‌لریده ایکیله‌دی و قیمت‌لیگی باعث، نیچه ییل‌دن بویان کوکنار اورنیده یخشی بدیل اوله‌راق تانیلگن. اوشبو اوسیملیک‌نی ایکیش گه یوز کیلتیرگن دهقان‌لر، اوشبو ولایت محلی مسئول‌لریدن «هینگ» اوسیملیگینی رواجلنتیریش مقصدیده اولر بیلن همکار بولیش‌لرینی طلب قیله‌دیلر.
بادغیس ده‌گی دهقان‌لردن بیری عبدالواحد نینگ ایتیشیچه: «۴۵ ییل‌دن بیری ایکینچیلیک قیله‌من، انغوزه حلال، پاک و بی‌عیب بیر اوسیملیک دیر. تریاک کبی حرام و بدبخت قیله‌دیگن نرسه‌نی ایکیش اورنیده، دولت بیزلر گه اوشبو گیاه نینگ تخمی‌نی بیرسه، کوپ یخشی‌لیک قیله‌دی.»
بیزلرنینگ فیسبوک صحیفه‌میزگه باش اورینگ!
شونینگدیک بادغیس ایکینچیلریدن باشقه بیری عبدالمومن نینگ ایتیشیچه: «انغوزه کوپ یخیشی اوسیملیک دیر. تاغلی بیر اوسیملیک و یخشی بهاسی بار، زحمت قیلگن صورت‌ده، سعی و حرکتینگ بی‌فایده کیتمه‌یدی. بیزلر دولت همکارلیک قیلیشی اوچون کوتیب تورگن‌میز و بیزلر گه بو اوسیملیک نینگ تخمی نی بیرسین ایکیش اوچون یخشی دیر بیز دهقان میز و خواهش-ایسته‌گیمیز گه دقت قیلینیشنی امید قیله‌میز.»
شونینگدیک بادغیس‌ده ایکینچی‌لر نینگ ایتیش‌لریچه، هینگ اوسیملیگی سوت رنگلی شیره‌لی و قلین گوشت‌لی ریشه‌‌لر و تیز هیدی بار. اولر گه کوره، بو اوسیملیک معمولا کوز موسمی‌ده ایکیله‌دی. اولر نینگ کوپه‌یتیریش‌لریچه، مذکور اوسیملیک تخم‌نی سیپیش و شونینگدیک نهالینی ایکیش بیلن ایکیله‌دی و بازارده ارزشی یوقاری دیر.
بادغیس‌ده مذکور اوسیملیک نینگ ساته‌دیگنلردن بیری محمدابراهیم نینگ ایتیشیچه، اوشبو بازارده بیر کیلو هینگ ۱۰ مینگ افغانی بهاسی بار و اونینگ ایتیشیچه: «۵ یا-ده آزراق ییل‌ده ریشه قیلیب و بویوک بوله‌دی؛ لبلبو کبی اوندن کیین، نیش اوره‌دی و سونگ شیره‌سی چیقه‌دی و اوندن کیین اونینگ شیره‌سی نی آله‌دیلر و کوپ یوقاری قیمت گه ایگه دیر. بیر کیلوسی ۱۰ مینگ افغانی و بعضی وقت کوپه‌ییپ و بعضی وقت هم کمه‌یدی.»
بیزلرنینگ توییترده هم تعقیب قیلینگ!
شونده‌ی بیرحالده، بادغیس ایکینچیلیک، سوغاریش و چارواچیلیک ریاست رئیسی محی‌الدین بشری نینگ سلام‌وطندار گه ایتیشیچه، اولر ایکینچیلیک‌نی رواجلنتیریش اینیقسه هینگ اوسیملیگی و ایکینچی‌لر بیلن همکارلیک اوچون، فایده‌لی برنامه‌لرنی نظرگه آلگن‌لر.
بادغیس محلی مسئوللری و اوشبو ولایت نینگ ایکینچی‌لری نینگ ایتیش‌لریچه، مذکور اوسیملیک نینگ شیره‌سی قولنج، قرین سرطانی، خروسک، قان باسیمینی کمه‌یتیریش و باشقه تورلی کسل‌لیکلر اوچون قوللنیله‌دی. اولر گه کوره، شونینگدیک اوشبو اوسیملیک قورت اولدیریش و قارچ اولدیریش اوچون دیر و اونینگ پودری ایکیش ییرده قوللنیله‌دی. افغانستان نینگ هینگی عالی صفت گه ایگه و دنیا بویلب یوقاری نرخ‌ده ساتیله‌دی.
