« غزنی ولایتیدن مین حاضر نیمروز‌ده حیات کیچیره‌من، کمیده ۱۹ ییل آلدین ایران کیتیب و ایش آلگن ایدیم و مینی ایش صاحبیم تریاک چکر ایدی و معتاد ایدی و او مینی معتاد بولیشیم گه سبب بولدی»
غزنی ولایتی نینگ اصلی یشاوچیسی دیر. اونینگ نیمروز ولایت مرکزی زرنج شهریده بیر خرابه‌ده کوردیم و اونینگ مستعار اسم بیلن جمال دیب چقیردیم. اوندن حیاتی حقییده سوراق سوردیم، جمال نینگ ایتیشیچه، ۱۰ ییل آلدین ایران مملکتی گه ایش قیلیش اوچون کیتگنیده مخدره ماده چلینگن.
حاضر اونینگ اویی یوق و قیش نینگ سووق هواسیده یمان بیر وضعیت‌ده حیات کیچیره‌دی. او اوشبو ولایت محلی مسئوللریدن درمانی اوچون سعی و حرکت قیلیشلری نی سوره‌گن.
بیزلرنینگ فیسبوک صحیفه‌میزگه باش اورینگ!
مخدره ماده چلینگنلردن یالغیز جمال ایمس، بلکیم نیمروز ولایتیده مخدره ماده چلینگنلردن باشقه بیری مستعار اسم بیلن بصیر نینگ ایتیشیچه، بوتون دارو نداری نی بو یولده قولدن بیرگن.
شونینگدیک او، اعتیاد نی ترک قیلیش نی ایسته‌یدی.
نیمروز معتادلری اعتیاد نی ترک قیلیش نی ایسته‌گن بیرحالده، مذکور ولایت ساغلیک مسئولری نینگ ایتیش‌لریچه، اوشبو ولایت نینگ معتادلرگه خاص ۵۰ یاتاقلی کسل‌خانه‌سی ۴ آی فعالیتی نی توختتگندن کیین، قیته فعالیت گه باشلنگن.
بیزلرنینگ توییترده هم تعقیب قیلینگ!
نیمروز اعتیاد نی ترک قیلیش کسل‌خانه رئیسی سید‌خیل شاه کاظمی نینگ ایتیشیچه، اوشبو درمانی مرکز بودیجه یوقلیگی و مملکت‌ده‌گی اوزگریش‌لر باعث، فعالیتی توخته‌گن ایدی که ینگیلیکده اوشبو ولایت ساغلیک نی سقلش ریاستی همکارلیگی بیلن ایش نی باشله‌گن.
شونینگدیک نیمروز اعتیاد نی ترک قیلیش کسل‌خانه مسئوللری نینگ ایتیش‌لریچه، مذکور درمانی کسل‌خانه نینگ ۵۰ یاتاق ظرفیتی بار که ۳۰ یاتاقی ایرککلر اوچون و باشقه ۲۰ یاتاقی ایسه عیال‌لر اوچون اختصاص بیریلگن.
نیمروز ساغلیک مسئوللری نینگ بیاناتی اساسیده، حاضر مذکور ولایت‌ده باله‌لر و عیال‌لر شامل ۱۳ مینگ‌دن آرتیق کیشی مخدره ماده‌گه چلینگن.