اقتصادی قیینچیلیک یالغیز قندوز ولایتی‌ده ایمس، بلکیم مملکت بویلب عایله‌لر نی ایریم قیینچیلیکلر گه روپه‌ره قیلیب و اوشبو عایله‌لر فرزندلری نی، آغیر و قیین ایشلر گه قول اوروش‌لری گه سبب بولگن.
مذکور باله‌لردن قطاری نینگ ایتیش‌لریچه، تعلیم اورنیده عایله اقتصادی گه یاردم بیریش و عایله اقتصادی نی تامین‌لش اوچون آغیر و قیین ایشلر گه قول اوریش گه مجبور بولگنلر. قندوز شهریده ایشلاوچی باله‌لردن ایمل، ۱۲ یاشر دیر. او نان تاپیش اوچون اوچ ییل‌دن بیری آغیر و قیین ایشلر بیلن شغلنگن.
بیزلرنینگ فیسبوک صحیفه‌میزگه باش اورینگ!
ایمل نینگ ایتیشیچه: «ایکی ییل‌دن بیری کراچی‌ده پمیدار ساته‌من. نیمه قیله‌ی اویده هیچ کیم یاغ که ایشلسه. اول بیکار ایدیم حاضر ایسه ایشله‌یمن.»
ایمیل کبی ایشله‌یدیگن باله‌لردن شفیق‌الله و قدرت‌الله نینگ ایتیش‌لریچه، عایله خره‌جتی نی تامین‌لش اوچون بوتون کون وقفه‌سیز شکلده ایشلب، سعی و حرکت قیله‌دیلر.
مذکور ایشلاوچی ایکی باله نینگ کوپه‌یتیریش‌لریچه، کیچه و کوندوز بیر لقمه نان تاپیش گه فکر قیله‌دیلر و حاضرگی وضعیت گه توجه قیلیب درس اوقیش گه کوچلری ییتیشمه‌یدی.
شفیق‌الله نینگ ایتیشیچه: «ایرتنگ‌دن آخشم‌گچه کراچی هیده‌یمن. کونده ۱۰۰ یا-ده ۲۰۰ افغانی قاله‌دی. اویده ایشله‌یدیگن باشقه هیچ کیم یوق، او یوزدن ایش قیلیش گه مجبور‌مین. دولت‌دن بیزلر گه تعلیم و درس زمینه‌سی نینگ یره‌تیش‌لری ایسته‌یمین.»
شونده‌ی بیرحالده، قندوز معلومات و مدنیت ریاست رئیسی مطیع‌الله روحانی نینگ ایتیشیچه، اولر ایشلاوچی باله‌لر نینگ توپلنیش‌لری اوچون بیر برنامه نی قولگه آلگنلر.
بیزلرنینگ توییترده هم تعقیب قیلینگ!
جناب روحانی نینگ کوپه‌یتیریشیچه، اولر موسسه‌لر و یاردم بیرووچی نهاد‌لر‌دن قطاری نینگ همکارلیگی بیلن، ایش قیله‌دیگن باله‌لر نی توپلب و اولر گه شونینگدیک ایش زمینه‌سی نینگ یره‌تیلیشی خصوصیده سعی و حرکت قیله‌دیلر.
قندوز ولایتی نینگ سرک‌لریده ایشله‌یدیگن باله‌لر موضوع‌سی ینگی بیر بحث ایمس؛ لیکن مملکت‌ده اسلامی امارت نینگ قدرت گه ایریشگنیدن کیین، اوشبو باله‌لر سانی کوپه‌یگن دیر.
