۱۵- اکتبر خلق‌ارا نابینالر کونی صفتیده ناملنگن. بوکونده قندوز نابینالریدن قطاری محلی حکومت نینگ توجه‌سیزلیگی و شفقت‌سیزلیگیدن شکایت قیلیشگن.

قندوز شهری یشاوچیسی حسیب‌الله سالم‌زاده ۲۵ یاشیده دیر و او ۶ ییل آلدین ترافیکی بیر حادثه ده، ایکی کوزی نی قولدن بیرگن. بیراق او جدی اراده بیلن بیلیم یورت گه شامل بولدی و نابینالیک قیینچلیک‌لری بیلن بیلیم یورتدن بیرینچی درجه گه فارغ بولدی.

حسیب‌الله ایکی ییل دن بویان سویدن موسسه‌سی نینگ همکارلیگی بیلن، باشقه ۱۰ دن آرتیق کور گه بریل چیزیغی نینگ اورگه‌نیش زمینه‌سینی یره‌تگن.

او، دولت نینگ توجه‌سیزلیگیدن شکایت قیلیب ایتیشیچه، معارف و اجتماعی ایشلر ریاست‌لری اولرگه هیچ قنده‌ی توجه قیلمه‌گن.

مذکور صنف طلبه‌لریدن بیری عبدالرشید عزیزی نینگ ایتیشیچه، اوتمیش ده قطار قیینچلیکلر بیلن روپه‌رو بولگن ایکن، بیراق حاضر ۱۱- صنف اووقوچیسی و مذکور صنف نینگ بیرینچی نمره‌سی دیر.

قندوز اجتماعی ایشلر ریاست باشلیغی محمدظاهر عظیمی، بو ولایتده نابینالر اوچون هیچ قندی برنامه بولمه‌گنی نی تصدیقله‌یدی.

بیراق قندوز معارف ریاست باشلیغی نجیب ثاقب نینگ سلام‌وطندارگه ایتیشیچه، بو ولایت عمومی مکتب‌لریگه نابینالرگه تعلیمات زمینه‌سی مساعد دیر.

شونینگدیک قندوز انسان حقوقی ایرکین کمیسیونی باشلیغی سید حفیظ‌الله فطرت نینگ ایتیشیچه، هر ییل بو ولایتده نابینا و کرلرگه معلومات بیریش برنامه‌لری نی یولگه قویه‌دیلر.

نابینالر کوپینچه قیینچیلیکلر بیلن روپه‌رو بولگن بیرحالده، هر ییل ۱۵- اکتبر یا-ده آق عصا خلق‌ارا کونیدن نشانلنه‌دی.

کلیدی کلمه‌لر: // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام