عیال حقوقی فعاللریدن بیرقطاری، اسلام امیرلیگی تامانیدن خاتین قیزلر گه یره‌تیلگن چیکلاولردن شکایت قیلماقده‌لر.
عیال حقوقی فعالی وحیده عدالت‌جو نینگ ایتیشیچه، آلتینچی صنف دن یوقاری قیزلر گه مکتب باریش رخصتی بیریلمسلیگیدن آلیب دولت اداره‌لریدن عیال ایشلاوچیلری نینگ ایش دن بوشه‌تیلیشی، عیاللر گه دم آلیش پارک‌لر و سپورت کلوب‌لریده باریش رخصتی بیریلمسلیک چیکلاولری یره‌تیلگن.
وحیده عدالت‌جو گه کوره: «اسلام امیرلیگی حاکمیت گه ایریشگچ قیزلر یوزی گه مکتب‌لر ایشیگی یاپیلدی و کوپ سانده عیاللر ایش‌لریدن بوشه‌تیلدی و حاضر ایسه عیاللر گه دم آلیش پارک‌لر و رستورانت‌لر گه باریش رخصتی بیریلمه‌یپتی.»
بیزلرنینگ فیسبوک صحیفه‌میزگه باش اورینگ!
عین‌حالده، اسلام امیرلیگی هردایم اسلام قدریت‌لری اساسیده خاتین قیزلر حقوقی تأمین ایتیلیشیدن ایشانچ بیرگن.
نیچه کون آلدین، اسلام امیرلیگی سوزلاوچیسی ذبیح‌الله مجاهد، آلتینچی صنف دن یوقاری قیزلر نینگ مکتب‌لری آچیلیشی حتمی دیگن ایدی؛ بیراق قیزلر گه حاضرگچه مکتب باریش رخصتی بیریلمسلیک دلیلی اهالی بیلن شریک قیلینمه‌گن.
عیال حقوقی فعاللریدن حمیرا فرهنگ نینگ ایتیشیچه، خاتین قیزلر گه یره‌تیلگن چیکلاولر اولر نینگ جمعیتدن اوزاق‌لشتیرماقده دیر. اونگه کوره: «بیز تیریکچیلیک قیلیب کیله‌یاتگن جمعیتده ایرکک‌لر و عیاللر شامل دیب اویله‌ی من. تأسف بیلن اسلام امیرلیگی قدرت گه ایریشگچ، عیاللر جمعیتدن اوزاق‌لشتیریلگن.»
شو بیلن بیرگه، اسلام امیرلیگیگه یقین سیمالردن سید ذکرالله هاشمی گه کوره، اسلام امیرلیگی اسلام قاعده‌لری اساسیده خاتین قیزلر نینگ حقوقی گه حرمت قیلیب و شونینگدیک دنیا بیلن تعامل قیلیش مقصدیده سعی و حرکت قیلماقده.
ذکرالله هاشمی نینگ کوپه‌یتیریشیچه: «اسلام امیرلیگی دنیا مملکت‌لری بیلن تعامل قیلیش مقصدیده سعی و حرکت قیلماقده و شونینگدیک اسلام قاعده‌لری اساسیده عیاللر حقوقینی رعایت قیله‌دی.»
بیزلرنینگ توییترده هم تعقیب قیلینگ!
سیاسی ایش بیلرمان نظیراحمد رزاقی گه کوره، افغانستان ده انسان حقلری اینیقسه عیاللر حقوقی تأمین ایتیلیشی خصوصیده دنیا همجمعیت نینگ خواستی کوزگه توتیلمه‌گن تقدیرده، اسلام امیرلیگی جدی قیینچیلیکلر بیلن روپه‌ره بولیشی ممکن.
اونگه کوره: «اسلام امیرلیگی، دنیا همجمعیت نینگ اسلام قاعده‌لری گه قرشی بولمه‌گن خواست‌لرینی قبول قیلیشی کیره‌ک؛ عکس حالده اقتصادی چیکلاو، ایش‌سیزلیک کوپه‌یشی قیینچیلیکلری بیلن روپه‌ره بولیشی ممکن.»
ایتیش کیره‌ک که، انسان حقلری اینیقسه خاتین قیزلر حقوقی تأمین ایتیلیشی، اسلام امیرلیگی تن آلینیشی اوچون دنیا همجمعیت نینگ شرط‌لریدن بیری دیر.
