پاکستان باش وزیری و سیاسی حزب‌لر آره‌سیده‌گی تارتیشوودن کیین، عمران‌خان باش وزیرلیک سمتی‌دن برطرف و اوشبو مملکت پارلمانی منحل بولدی و کیله‌سی اوچ آی‌گچه سیلاو اوتکزیلیب و پاکستان‌ده ینگی حکومت شکللنیشی کوتیله‌دی.
پاکستان‌ده حکومت اوزگریشی بیلن، افغانستان برابریده اوشبو مملکت سیاستی اوزگریشی ممکن می؟ سیاسی مسئله‌لر ایشلری بوییچه تحلیلچی جاوید مومند نینگ ایتیشیچه، پاکستان بحرانی یا ینگی حکومت شکللنیشی بیلن، افغانستان اوستیگه مثبت یا سلبی تاثیر قیلمه‌یدی.
بیزلرنینگ فیسبوک صحیفه‌میزگه باش اورینگ!
اونگه کوره، پاکستان‌ده برچه اختیار ارتش کنترولی‌ده دیر و اولراسلامی امارت بیلن اوتمیش‌لر گه نسبتن مناسبت‌لرینی کوچه‌یتیریش و شونینگدیک پاکستانی طالبلر بیلن مذاکره گه زمینه یره‌تیش مقصدیده سعی-حرکت قیلماقده‌لر. جاوید مومند نینگ ایتیشیچه، پاکستان هردایم ملی منفعتی گه صادق دیر.
جاوید مومند نینگ ایتیشیچه: «۱۹۴۰-ییل‌دن حاضرگچه قره‌سک، افغانستان خصوصیده پاکستان نینگ سیاست‌لری بیر-بیری‌گه اوخششی بولگن، هر بیر تیزیمی نینگ سیاست‌لری آلدیندن ریجه‌لشتیریلگن.»
عین‌حالده، سیاسی مسئله‌لر ایشلری بوییچه ایش بیلرمان گل‌محمد گلزی گه کوره، پاکستان‌ده ینگی حکومت شکللنگن تقدیرده، سیاستی اوتمیش‌لر کبی حربی‌لری تامانیدن ریجه‌لشتیریلیب و افغانستان برابریده سیاستی اوزگرمه‌یدی.
بیزلرنینگ توییترده هم تعقیب قیلینگ!
اونینگ ایشانیچ گه کوره، بو پاکستان نینگ ایچکی مسئله‌سی دیر که اوچ آی ایچیده حل بولیب و ملی منفعت اوچون کیلیشیش‌لری ممکن. اونگه کوره: «قویاش کبی آیدین دیر که پاکستان نینگ خارجی سیاستی‌نی حربی‌لری ریجه‌لشتیره‌دی و کیلیب کیته‌دیگن سیاسی حزب‌لر، اوشبو سیاست‌دن پیروی‌‌لیک قیلیشگه مجبور دیر.»
ایتیش کیره‌ک که، نیچه وقت‌دن بویان پاکستان نینگ سیاسی حزب‌لری آره‌سیده کیسکین‌لیکلر پیدا بولگن ایدی که نتیجه‌ده، باش وزیر عمران‌خان برطرف بولدی.
