اسلامی امارت معلومات و مدنیت وزیرلیگی نینگ مسئول‌لری گه کوره، اترا اداره‌سی نیچه ییل‌دن بویان مالیه توللمه‌ی، جواز آلمه‌گن و فرکانس مالیه‌لرینی توللمه‌گن میدیالرنی یاپیش اوچون ایچکی ایشلر وزیرلیگیگه مکتوب یوبارگن.
معلومات و مدنیت وزیرلیگی نینگ نشرات باشلیغی عبدالحق حماد گه کوره، اوتگن نیچه ییل‌ده میدیالردن قطاری، دولت نینگ تورلی نهادلری گه اوز قرض‌لرینی توللشمه‌گن. او، ۱۵-۱۰ ییل‌دن بویان ایش جوازی بولمه‌گن میدیالر بارلیگینی ایته‌دی.
بیزلرنینگ فیسبوک صحیفه‌میزگه باش اورینگ!
معلومات و مدنیت وزیرلیگی نشرات باشلیغی نینگ کوپه‌یتیریشیچه، میدیالردن بیر قطاری نینگ ایگه‌لری سابق حکومتده فساد و زوردن فایده‌لنگن ایکن‌لر و حاضرگچه ناقانونی شکلده فعالیت قیلماقده‌لر. جناب حماد گه کوره، اسلامی امارت بو توغریده تدقیقات قیلگن و تانیلگن میدیالر بیلن قانونی شکلده یانده‌شیشی ممکن.
باشقه تاماندن عبدالحق حماد نینگ ایتیشیچه، اترا اداره‌سی، جواز، مالیه و فرکانس بولیمیده قیینچیلیگی بولگن ییتکیرمه‌لر یاپیلیشی مقصدیده معلومات و مدنیت همده ایچکی ایشلر وزیرلیکلری گه مکتوب یوللـه‌گن.
اونگه کوره: «بیز اولر بیلن قانون-قاعده‌لر اساسیده یانده‌شیشکه مجبور بولدیک، اولرگه سالیق‌لرینی توللمه‌گنلری اوچون قانون گه بناً یولباریلیشیدن آگاه‌لنتیردیک. فرکانس و جوازلری لغو بولگن و باشقه فعالیت گه حق‌لری یوق دیر.»
عین‌حالده، افغانستان ژورنالیست‌لر و میدیالر نهادلری فدراسیون اعضاسی سیدعلی‌اصغر اکبرزاده، مالیه توللنیشی اوستیگه تأکیدلب ایتیشیچه، حاضر ییتکیرمه‌لردن بیرقطاری اقتصادی قیینچیلیک بیلن روپه‌رو دیر، شونی اوچون رسانه‌لر مالیه‌لرینی توللب و فعالیت‌لری گه دوام بیریش اوچون باشقه یول قیدیریلیشی کیره‌ک.
شو بیلن بیرگه بدخشان‌ده آمو رادیو مسئولی عبدالنصیر حق‌جو، میدیالر نینگ جوازی بولیب و سالیق‌لرینی توللشی کیره‌ک دیب ایتیشیچه، حکومت اوشبو رسانه‌لرگه فرصت بیریشی لازم.
خوست ولایتیده صدای صلح رادیو باشلیغی زاهد انگار گه کوره، قریب ۱۵۰ میدیا مالیه توللمسلیک و جوازلری یوق‌لیگی باعث یاپیلیش خوفی بیلن روپه‌رو دیر. او، اسلامی امارت‌دن تنظیمی و طرف‌سیز میدیالر آره‌سیده فرق قایل بولیب واقعی شکلده فعالیت قیله‌دیگن میدیالر نینگ اقتصادی احوالینی نظرگه آلیب و اولر بیلن کیلیشووی کیره‌ک دیدی.
بیزلرنینگ توییترده هم تعقیب قیلینگ!
اونینگ ایتیشیچه: «اسلامی امارت سرپرست حکومتی‌دن، میدیالر احوالینی درک قیلیشینی ایسته‌یمیز؛ چونکه درآمد یوق‌لیگی حکومت گه معلوم دیر. اسلامی امارت اوشبو ییتکیرمه‌لرنی جریمه‌دن معاف قیلیشی درکار.»
بو عین‌حالده، سابق دولت هم مذکور میدیالردن سالیق‌لرینی توللب و جوازلرینی تمدید قیلیش‌لرینی طلب قیلگن ایدی؛ لیکن سابق دولت رسمی‌لری بیلن میدیا نهادلری نینگ مسئول‌لری ملاقاتیدن کیین، اوشبو تخطی‌لر طفیلی جریمه‌لر کیچیریلیب و اولر گه جوازلرینی تمدید و مالیه‌لرینی توللش اوچون فرصت بیریلگن ایدی.