ینگی‌لیکده افغانستان تینچلیگی بوییچه آمریکا خاص نماینده‌سی زلمی خلیل‌زاد توییتر ده بیر پیام ترقه‌تیش بیلن یازیشیچه، طالبان تینچلیک و اجماع و کیلیشوو اساسیده بولگن کیله‌جک نی تنلمه‌گن صورتده، آمریکا جمهوریت سقله‌نیشی اوچون افغانستان یشاوچی‌لری نینگ یانیده توره‌دی.
خلق‌ارا ایش بیلرمانلر جناب خلیل‌زاد نینگ اوشبو بیاناتی نی آمریکا دولتی نینگ طالبان گه جدی آگاه‌لنتیریشی دیگنلر. خلق‌ارا ایش بیلرمان و بیلیم یورت استادی اکرم عارفی سلام‌وطندار بیلن صحبت اوتکزیب ایتیشیچه، آمریکا بونده‌ی بیانات بیلن ینه بیر مرته اورغولش ایسته‌یدی که طالبان حاضر هم افغانستان اوروشی یکونله‌نیشی اوچون حربی ییچیم یول اَختره‌دی.
اونگه کوره، زلمی خلیل‌زاد اوشبو بیاناتی بیلن، چیت‌ایللیک کوچلرنینگ چیقیشی، حمایت قیلیش یکونله‌نیش معناسیگه کیلمه‌یشی و اوروش شرایطی ده افغانستان حکومتی نینگ یانیده توریشی نی آچیقله‌گن.
ایش بیلرمان‌لردن باشقه بیری طارق فرهادی نینگ ایتیشیچه، خلیل‌زاد نینگ سونگی بیاناتی طالبان گه جدی آگاه‌لنتیریش دیر. اونگه کوره، چیت‌ایللیک کوچلرنینگ چیقیش موضوعی یکونلنگن و طالبان حاضر بونده‌ی باسیم‌لر بیلن مذکور گروه اعضالری نینگ آتی قاره رویخط دن چیقیشی و محبوس‌لری نینگ قوییب یوباریلیشی گه زمینه یره‌تیش نی ایسته‌یدی.
سلام‌وطندار اوزبیکی نی فیسبوککه هم تعقیب قیلینگ!
بیراق قطر ده طالبان سیاسی دفتری سوزلاوچیسی محمد نعیم نینگ سلام‌وطندارگه ایتیشیچه، آمریکا دوحه کیلیشوونامه‌سینی نقض قیلگن و شونینگدیک افغانستان حکومتی هر دایم تینچلیک سوزلشوولریدن باش تارتگن.
شونده‌ی بیرحالده، افغانستان تینچلیگی بوییچه آمریکا خاص نماینده‌سی زلمی خلیل‌زاد توییتر صحیفه‌سیده یازیشیچه، دنیا اجماعی یالغیز تینچلیک اوستیگه توختمه‌یدی؛ بلکیم افغانستان نینگ ینگی باسقیچ ده کیریشی بیلن، دنیا ینه هم افغانستان دن حمایت قیلیش گه ثابت توره‌دی.