اوزبیکستان نینگ سمرقند شهری ده یولگه قوییلگن ییغینده، افغانستان قوشنی دولت‌لری نینگ تشقی ایشلر وزیرلری، اوشبو مملکت نینگ خوفسیزلیک و سیاسی وضعیتینی محاکمه قیلیب و همه‌شمول حکومت شکلله‌نیشی گه دایر، دنیا همجمعیت نینگ خواستی عملی بولیشی اوستیگه تاکید ایتگنلر.
روسیه، چین، ایران و پاکستان تشقی ایشلر وزیرلری، پنج‌شنبه کونی، ۲۴ حمل، اوزبیکستان نینگ سمرقند شهری ده تورت تامانلمه ییغین یکونیدن کیین، افغانستان ده تروریزم گه قرشی کوره‌ش و دایمی ثبات برقرار ایتیلیشی اوستیده بحث ایتگنلر. مذکور مملکت‌لر نینگ تشقی ایشلر وزیرلری، سمرقند شهری ده تورت تامانلمه ییغین یکونیدن کیین، افغانستان وضعیتی گه دایر قوشمه بیانیه صادر قیلگنلر.
اسلام امیرلیگی ایش اداره‌سی نینگ عمومی ریاستی، اوتگن کون (چهارشنبه ۲۳-حمل) بیر خبرنامه ترقه‌تیب، یشاوچیلر گه الکترونیکی کیم‌لیک نینگ هر بیر ورقی ۵۰۰ افغانی ترقه‌تیلیشی ممکن دیگن.
دولت اداره‌لریده ایشلش توانی بولگن متقاعدلر و ناگران‌لر نینگ ایش گه آلیش اوچون اسلام امیرلیگی کابینه‌سی نینگ قراری، متقاعدلر و ناگران‌لر نینگ ایکی تامانلمه مناسبتی بیلن روپه‌ره بولگن.
افغانستان مرکزی بانکی گه کوره، افغانی پول نرخینی مملکت بازارلریده ثابت سقلش مقصدیده شنبه، ۲۶ حمل، ۱۵ میلیون امریکالیک دالر نی داوطلب‌لیک آرقه‌لی لیلام شکلده ساته‌دی.
کان‌لر و پترولیم وزیرلیگی خصوصی کمپنیه‌لر بیلن، تخار ده توز کانی و ننگرهار ده نفرایت تاشینی قازیب چیقریش بیتیمینی امضاله‌گن.
افغانستان تشقی ایشلر وزیرلیگی سوزلاوچیسی نینگ اورین باسری ضیااحمد تکل اوز توییتری ده یازیشیچه، بوگون (پنج‌شنبه، ۲۴ حمل)، اوشبو وزیرلیک سرپرستی امیرخان متقی ییتکچیلیگیده اسلام امیرلیگی نینگ هیئتی، سمرقند شهری ده افغانستان قوشنی دولت‌لری تشقی ایشلر وزیرلری نینگ تورتینچی ییغیلیشیده اشتراک ایتیش مقصدیده، اوزبیکستان گه تشریف بویرگن.
اسلام امیرلیگی، بیرلشگن ملت‌لر تشکیلاتی دفترلری ده عیاللر ایش دن منع ایتیلیشی گه دایر اوشبو تشکیلات نینگ بیانیه‌سیگه مناسبت بیلدیریب ایتیشیچه، برچه تامان‌لر اوشبو قرار گه حرمت قیلیش‌لری کیره‌ک.
امریکا تشقی ایشلر وزیرلیگی بیر بیانیه ترقه‌تیب، افغانستان ایشلری بوییچه اوشبو مملکت نینگ مخصوص نماینده‌سی توماس وست، افغانستان ده‌گی سیاسی و خوفسیزلیک وضعیت حقیده بحث ایتیش اوچون قطر، بیرلشگن عرب امیرلیگی و تورکیه گه منطقه‌وی سفرلرینی باشله‌گنیدن خبر بیرگن. بیانیه ده کیلیشیچه، جناب وست بیر هفته‌لیک سفری دایره‌سیده، مذکور مملکت‌لر نینگ رسمی‌لری بیلن ملاقات قیلیشی ممکن.
افغانستان سوداگرلیک و صناعت بیرلشمه‌سی، بوگون (چهارشنبه، ۲۳-حمل)، کابل شهری تیمورشاهی باغی‌ده آز قیمت گه ایچکی محصو‌ل‌لر و تولید‌لر ساتیلیشی اوچون «ارزان بازار» اسمی آستیده بیر بازار نی ایجاد قیلگن و مذکور بازار اون کونگچه دوام تاپیشی ممکن.
خوست ده منبع‌لر نینگ ایتیشلریچه، ناتانیش قوراللی کیشی‌لر بوگون ایرتنگ چاغی (چهارشنبه، ۲۳-حمل)، خوست شهری نینگ صراف‌لر بازاری‌ده احمد‌شاه مندوزی اسم‌لی بیر کیشی نی اوققه توتیب اولدیرگنلر.
پروان ولایتی دره‌ی غوربند، سالنگ، کوه‌صافی و بگرام تورتله تومن‌لری قیشلاق یشاوچیلریدن بیرقطاری نینگ ایتیشلریچه، ییلاولری ده اوتگن اوروش‌لردن پارتلمه‌ی قالگن ماین و پارتلاوچی ماده‌لر بارلیگی، اولر نینگ تیریکچیلیگی اوچون جدی تهدید دیر.
ننگرهار خوفسیزلیک مسئوللری، اوشبو ولایت ده بیر یاش قیز دریا گه چوکیب کیتکنیدن خبر بیره‌دیلر.
بامیان محلی مسئوللری، اوشبو ولایت مقامی سرکی ده اسلام امرلیگی کوچلری نینگ بیر «رنجری» چپه بولیشی عاقبتیده، اوچ عسکر هلاک بولیب و باشقه آلتی عسکر یره‌لنگن.
سابق حکومت حربی‌لریدن بیری نینگ آنه‌سی، آتی سِر قالیش شرطی بیلن سلام‌وطندار گه ایتیشیچه، سابق حکومت خوفسیزلیک کوچلری نینگ عضوی بولمیش اوغلی، نیچه مدت آلدین قندهار ده نامعلوم قوراللی کیشی‌لر تامانیدن اوققه توتیلیب اولدیریلگن. اوشبو عیال نینگ کوپه‌یتیریشیچه، حاضرگچه اوغلی نینگ نیمه اوچون اولدیریلگنی و اوشبو قضیه عامللری بیللی بولمه‌گن؛ شونینگدیک، اسلام امیرلیگی کوچلری نیچه مرته اوغلی نینگ قورالی و موترسایکلی نی قیتیریشینی ایسته‌گن.
رمضان هییت بیرمی عرفه‌سیده، کابل شهری ده‌گی خیاط‌لردن بیرقطاری نینگ ایتیشلریچه، اوتگن بیر آی ده بویورتمه‌لری ۸۰ فایز کوپه‌یگن. کابل شهری «بهارستان» منطقه‌سیده ۲۰ ییل دن بویان خیاط‌لیک قیلیب کیلگن عنایت‌الله نینگ ایتیشیچه، اوشبو کون‌لر بویورتمه‌لری کوپه‌یب و هر کونی قریب ۱۰ جوره کییم تیکیب تیارله‌یدی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
