کابل بیلیم‌یورتی اوستیده‌گی هجوم و ناتاتینچلیکلر کوپه‌یگنی باعث، نمایندهلر کینگش اعضالری، جمهور رئیس بیرینچی اورین باسری امرالله صالح، خوفسیزلیک کینگش مصلحتچی‌سی حمدالله محب، ملی خوفسیزلیک عمومی ریاست سرپرستی ضیاالدین سراج، مدافعه وزیرلیگی‌نینگ سرپرستی اسدالله خالد، ایچکی ایشلر وزیرلیگی‌نینگ سرپرستی محمد مسعود اندرابی کیله‌جک هفته شنبه کونی جواب بیریش اوچون مجلس‌گه کیلیشی گه قرار بیریشگن.
نمایندهلر کینگش اعضالری کابل بیلیم یورتی اوستیده‌گی هجوم‌نی قاره‌لب، امنیتی مسئوللر تعلیماتی مرکزلر و کابل یشاووچی‌لرنینگ امنیتی‌نی تامین قیلیش اوچون ناکام بولگنی نی ایتیب و شو یوزه‌دن اولرنینگ استعفا بیریش‌لرینی سوره‌شگن.
نمایندهلر کینگش اعضالری حکومت تامانیدن سلیقه‌یی اوزگریشلر، امنیتی کوچلرنینگ ایش‌لریگه اره‌لشوو، طالبان محبوس‌لرنینگ قوییب یوباریش، تجربه‌لی جنرال‌لرنینگ تقاعد بیریلیشی ناتینچلیکلر کوپه‌یشی نینگ اصلی عاملی بولگنی نی ایتگن.
نمایندهلر کینگش اعضالریدن بیری الله‌گل مجاهدنینگ ایتیشیچه، امنیتی مسئوللر و جمهور رئیس ایش‌لش گه کوچلری ییتمه‌گن بیرحالده، استعفا بیریش‌لری کیرک.
نمایندهلر کینگش اعضالری امنیتی کوچلر مسئوللری ایش‌لریده ناکام بولگنی باعث، اولرنینگ ایشدن آلینیشی نی سوره‌گن.
نمایندهلر کینگش اعضالریدن بیری عبدالظاهر تمیم‌نینگ ایتیشیچه، بو وضعیتدن چیقیش اوچون یشاووچیلر بیلن بیر بولیش کیره‌ک.
اونینگ کوپه‌یتیریشیچه، جمهور ریئس بیر قطار ظرفیت‌سیز و تجربه‌سیز کیشی‌لرنینگ امنیتی نهادلرنینگ مسئوللری صفتیده تعیین قیلگن.
نمایندهلر کینگش اعضالری نینگ تنقیدی باعث مذکور کینگش باشلیغی میر رحمان رحمانی، جمهورلیک ریاست بیرینچی اورین باسری امرالله صالح و باشقه امنیتی نهادلر مسئوللری نینگ چقیریلیشی نی آواز گه قویدی کیم کوپینچه آواز بیلن تصویب بولدی.
بونده‌ی عکس‌العمللر یوزبیرگن بیرحالده، ایکی کون آلدین ۳ هجومچی کابل بیلیم یورتی گه کیریب و قطار طلبه‌لرنی اوققه آستیده آلدی کیم نتیجه‌ده، مذکور بیلیم یورت طلبه‌لریدن ۲۲ ته‌سی هلاک و باشقه ۲۷ ته‌سی یره‌لندی.
