افغانستان تشقی ایشلر وزیری حنیف اتمر، دولت نینگ ملت‌گه جواب قیتریش اوچون یولگه قوییلگن برنامه‌ده ایتیشیچه، تینچلیک جریانی اوچون منطقه‌وی اجماع اوزگرمه‌گن و طالبان رژیمی هیچ‌بیر مملکت تامانیدن قبوللنمه‌یدی.
جناب اتمرنینگ ایتیشیچه، منطقه مملکت‌لری و خلق ارا جماعه اسلامی امارت‌گه قرشی دیر و جمهوریت نظام دن حمایت بیلدیرگن، چونکه جمهوریت دنیا منفعتی‌گه دیر.
جناب اتمرنینگ ایتیشیچه، تینچلیک کیلتیریش و اوروش‌نی یکونلنتیریش تشقی ایشلر وزیرلیگی نینگ بیرینچی مسوولیت‌لریدن دیر.
اونینگ کوپه‌یتیریشیچه، اسلامی مملکت‌لردن ۱۵ ته‌سی افغانستانده دوامی بولگن اوروش‌نی ناجایز عنوان قیلگن.
افغانستان تشقی ایشلر وزیری نینگ ایتیشیچه، اقتصادی، سوداگرلیک، سرمایه یاتقیزیش و چیت‌ایللیک یاردم‌لرنی جذب قیلیش خصوصیده بولگن دیپلماسیده کوپینچه یوتوق‌لرگه قول تاپگن‌میز.
