مملکت تشقی ایشلر وزیری محمدحنیف اتمر نینگ ایتیشیچه، مذکور وزیرلیک جمهوررئیس غنی نینگ سفری خصوصیده آمریکا تشقی ایشلر وزیرلیگی بیلن ایش قیلماقده. جناب اتمر بوگون هرات ده اوتکزیلگن خبری بیر ییغینده بونده‌ی بیانات بیریب و ایتیشیچه «بو سفر صورت تاپیشی ممکن.»
تشقی ایشلر وزیرلیگی، جمهوررئیس محمداشرف غنی نینگ سفری آمریکا نینگ ایسته‌گی اساسیده صورت تاپیشی خصوصیده نشر ایتیلگن خبرلرنی رد قیلیب و اورغولشیچه، بو سفر ایکی تامان نینگ ایسته‌گی اساسیده صورت تاپه‌دی. اونگه کوره، ایکی تامان بو سفر صورت تاپیشی اوچون قیزیققن.
محمدحنیف اتمر نینگ اورغولشیچه، حاضر افغانستان تشقی ایشلر وزیرلیگی آمریکا تشقی ایشلر وزیرلیگی بیلن محمداشرف غنی نینگ سفری اوستیگه ایش قیلماقده و بونینگ آرتیق تفصیلاتی رسانه‌لر بیلن شریک قیلینشی ممکن.
بیزلرنینگ فیسبوک صحیفه‌میزگه هم باش اورینگ!
بوندن آلدین رسانه‌لردن قطاری، محمداشرف غنی نینگ آمریکا ده سفر قیلیشی توغریسیده کیین‌مه‌کیین ایسته‌گی واشنگتن تامانیدن قبول بولمه‌‌گنی توغریسیده گزارش بیرگن ایدی. گزارشلر اساسیده، جمهوررئیس نینگ آمریکا ده سفر قیلیشی توغریسیده‌گی ایسته‌گی مذکور مملکت بوییچه افغانستان ایلچی‌خانه‌سی تامانیدن کنگره و آق سرای گه تاپشیریلگن.
تشقی ایشلر وزیری حنیف اتمر نینگ تاکید قیلیشیچه، پاکستان یاردم بیرمه‌گن صورتده، افغانستانده اوروش یکونله‌نیشی و تینچلیک سوزلشوولر نتیجه بیریشی ممکن ایمس. اونینگ ایتیشیچه، پاکستان بیلن افغانستان نینگ همکارلیگی حتمی و نیاز دیر و هر قنده‌ی شرایط ده پاکستان بیلن سوزلشوولرنی سقله‌نیشی کیره‌ک.
تشقی ایشلر وزیری گه کوره، پاکستان و حمدالله محب آره‌سیده یوز بیرگن تارتیشوولر ایکی دولت نینگ همکارلیگی‌گه توسیق بولیش اوچون رخصت بیرمه‌یدی.
بیزلرنینگ توییترده هم تعقیب قیلینگ!
ایتیلیشیچه، نیچه پیت آلدین پاکستان تشقی ایشلر وزیری شاه‌محمود قریشی، افغانستان ملی خوفسیزلیک کینگشی مصلحتچی‌سی حمدالله محب نینگ بیانات‌لریگه قرشی واکنش کورستیب و اوندن رفتارلریگه اوزگریش‌لیک کیلتیریشینی سوره‌گن ایدی.
پاکستان تشقی ایشلر وزیری نینگ اوشبو بیانات‌لری و پاکستان نینگ حمدالله محب بیلن بولگن رابطه‌سی توخته‌تیلگنی خصوصیده بیرقطار گزارشلر نشر ایتیلگنیدن سونگ، جناب محب پاکستان نینگ رابطه‌سی توخته‌تیلیشی اونملی بولمه‌گنینی بیلدیریب و حاضرده هم اوشبو مملکت رابطه‌سی یخشی بولمه‌گنینی ایتگن ایدی.