وقت اوتیشی بیلن، آدملر حیاتینینگ اکثر بولیملری رواجلنیب و کینگهیب بارهیاتگن بولسه-ده، ایریم قدریتلر ایسه کونسهیین اوز اهمیتینی یوقاتیب، اولرنینگ اورنینی باشقه قدریتلر ایگللهماقده.
بو قدریتلردن بیری، آدملرنینگ کتاب و کتاب اوقیش بیلن قزیقیشی دیر – سونگی ییللرده اورنینی اجتماعی ترماقلر، اقتصادی فعالیتلر و اهمیتی کم بولگن کولگو-اویینلر گه بیرماقده.
غزنیده کتاب ساتووچیلر، آدملرنینگ کتاب اوقیش و ساتیب آلیش گه قیزیقمسلیگی، ایشلری گه سلبی تأثیر قوییب و فقط سونگی بیر ییل ایچیده نیچته کتاب ساتووچی دکان یاپیلگن و کتاب ساتووچیلر مسلکلرینی اوزگرتیریش گه سبب بولگن.
غزنیده کتاب ساتووچیلردن محمدزبیر و احمدفریدنینگ ایتیشلریچه، ایندیلیکده کتاب خریدارلری سابق کبی ایمس و سونگی بیر ییلده، اکثریت کتابلر کوپینچه خریدارلرینی قولدن بیرگن. اوشبو کتاب ساتووچیلر، مدنیتسیورلر و حکومت تامانیدن کتاب کورگزمهسی اوتکزیلیشینی ایستهیدیلر.
محمدزبیر شوندهی دییدی: «قریب ۸۰ فایز کتاب گه قیزیقیش کمهیگن، آلدین کتابلر گه قیزیقیش کوپ ایدی، حاضر انترنت کتاب بازاری گه سلبی تأثیر قویگن.»
شونینگدیک احمد فرید گه کوره: «حاضر اهالی اقتصادی ضعیف، آیلیکلر کمهیگن یا کی آدملرنینگ اقتصادی احوالی یخشی ایمس، دولتدن بیز یاشلر اوچون اوقیش امکانیتینی یرهتسین، کتاب بازاری یخشی بولسین، کتاب کورگزمهلری اوتکزیلسین – آدملر کتاب گه قیزیقیش اوچون.»
غزنیده کتاب ساتووچیلر اتفاقی مسئولی سلاموطندار بیلن صحبتده ایتیشیچه، فقط سونگی بیر ییل ایچیده، اوشبو ولایتده ۸ کتاب ساتووچی دکانلرینی یاپیش بیلن باشقه کسب گه یوز کیلتیرگن و حاضرگی کونده ۴۸ کتاب ساتووچیلیک دکاندن ۴۰ تهسی فعال دییدی.
غزنیده کتاب ساتووچیلر اتفاقی مسئولی محمدامین انصاری شوندهی دییدی: «غزنی ولایتیده ۴۰ کتاب ساتووچیلیک دکان بار و عین پیتده، سابق بیر آز کوپراق ایدی، بیر ییل ایچیده تخمیناً ۸ کتاب ساتووچی کسبینی اوزگرتیردی.»
غزنی ولایتیده بیرقطار یاشلر و تعلیم و تربیه بوییچه بیلرمانلر، اقتصادی قیینچیلیک و یاشلرنینگ انترنتدن قوللنیشنی، یشاوچیلرنینگ کتاب اوقیش و ساتیب آلیش گه قیزیقمسلیگیگه سبب بولگنینی ایتهدیلر.
شو بیلن بیرگه، غزنی اخبارات و مدنیت ریاستی مسئوللری، اوشبو ولایتده بوتوغریده دقت قیلیب و سونگی بیر ییل ایچیده غزنیده ۱۰ مراتبه کتاب اوقیش رقابتی اوتکزیلگنینی معلوم قیلیشهدی.
غزنی اخبارات و مدنیت باشلیغی حمیدالله نثار سلاموطندار بیلن صحبتده شوندهی دییدی: «غزنی شهری اطرافیده کتاب اوقیش بوییچه اونته تنلاو اوتکزیلدی. شونینگدیک، کتاب سوداگرلری و کتاب مطالعهسینی رواجلنتیریش همده کتاب خریدینی رغبتلنتیریش مقصدیده اوچ کونلیک کورگزمه تشکیل ایتیلدی. عموماً آلگنده، تأکیدلش جایز کی، سونگی پیتلرده یاشلرنینگ کتاب مطالعهسیگه بولگن قیزیقیشی و اعتباری آرتیب بارماقده.»
تعلیم و تربیه بوییچه ایش بیلرمانلرنینگ فکریچه، انگیزه بیریلمسلیک، اقتصادی قیینچیلیک و یاشلرنینگ اجتماعی ترماقلردن فایدهلنیشی، هر ییلی آدملرنینگ اینگ یخشی اورتاغی یعنی کتاب گه قیزیقیش کمهیشیگه سبب بولماقده؛ بیراق کتاب گه قیزیقیشنی آشیریش اوچون ایجابی چارهلر کوریلیشی کیرهک.
