تخار ولایتی نینگ خواجه بهاوالدین تومنی بازاری نینگ اجاره‌داری طالبان تامانیدن اوققه توتیلگن.
تخار ولایتیدن مردمی منبع‌لرنینگ سلام‌وطندارگه ایتیش‌لریچه، اوشبو ولایت نینگ خواجه بهاوالدین تومنی بازاری نینگ اجاره‌داری حاجی قادر طالبان تامانیدن اولدیریلگن.
منبع‌لرنینگ ایتیش‌لریچه، حاجی قادر نی ناقیل‌لر بیلن ییر اوستیگه دعواسی بار ایکن، بیراق اوتگن کیچه موترسایکل گه بولگن ایکی کیشی تامانیدن اوققه توتیلگن.
عین‌حالده، تخار محلی مسووللریدن بیری نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان تامانیدن ترور قیلینگن کیشی اوشبو تومن قوم بویوک‌لریدن بیری و مردمی کوچلر قومندانی ملک تاتار نینگ یقین آدم‌لریدن ایکن.
شونینگدیک، تخار پولیس قومندانلیگی سوزلاوچیسی خلیل اسیرنینگ بو خبرنی تصدیق‌لب ایتیشیچه، حاجی قادر خواجه بهاوالدین تومنی نینگ لاله گذر منطقه‌سیده طالبان جنگریلری تامانیدن اوققه توتیلگن.
طالبان گروهی حاضرگه‌قدر بوتوغریده فکر بیلدیرمه‌گن.