افغانستان ایشلری بوییچه امریکا نینگ مخصوص نماینده‌سی توماس وست، افغانستان ده قیز اوقووچیلر نینگ تعلیمی و عیاللر ایشی توخته‌تیلیشی گه دایر منطقه‌وی سفرلرینی باشلش بیلن، امریکا تشقی ایشلر وزیری آنتونی بلینکن نینگ ایتیشیچه، اسلام امیرلیگی اوز قرارلرینی بیکار قیلمه‌گن تقدیرده امریکا تامانیدن چیکلاو و ایریم باسیم‌لر کیلتیریلیب و اولر گه ویزه بیریلمه‌ی، امریکا و دنیا همجمعیت تامانیدن حرمت قیلینمه‌یدیلر.
اسلام امیرلیگی سوزلاوچیسی نینگ اورین باسرلریدن بلال کریمی گه کوره، باسیم کیلتیریلیشی ناکام‌لیک نسخه دیر و اسلام امیرلیگی ملی منفعت و اسلام قدریتلری اساسیده اوز یولی گه دوام بیرهدی.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه: «اسلام امیرلیگی ایچکی ایشلری ده، مملکت ملی منفعتی و اسلام قدریتلری اساسیده اوز ایشلری گه دوام بیرهدی. باسیم کیلتیریلیشی ناکام بیر نسخه دیر که دنیا اوتگن ۲۰ ییل ده تجربه قیلگن. قیینیچلیکلرنی مذاکره آرقه‌لی حل قیلیش ممکن.»
باشقه تاماندن، سیاسی علوم تدقیقاتچیسی داوود طنین نینگ ایتیشیچه، اسلام امیرلیگی دنیا قاعده‌لریدن بیرقطارینی رعایت قیلیش مقصدیده، اسلام امیرلیگی اوستیگه ایریم باسیم‌لرنی کیلتیرگن، لیکن بو باسیم‌لر اسلام امیرلیگی نینگ حساسیت‌لری بیلن روپه‌ره بولگن.
اونینگ کوپه‌یتیریشیچه: «اسلام امیرلیگی دنیا قاعده‌لریدن بیرقطارینی رعایت قیلیش مقصدیده، اسلام امیرلیگی اوستیگه ایریم باسیم‌لرنی کیلتیرگن، لیکن بو باسیم‌لر نه فقط اسلام امیرلیگی نینگ اوزگرمسلیگی گه سبب بولگن، بلکه اولر نینگ حساسیتی بیلن روپه‌ره بولگن. دنیا استه_سیکین واحد و آیدین بیر قرار گه کیلیش نتیجه گه ایریشماقده دیر.»
باشقه تاماندن سیاسی فعال ویس ناصری گه کوره، امریکا یالغیز افغانستان و منطقه ده سیاسی اعتبارینی قیته تیکلش و کوچه‌یتیریش مقصدیده سعی‌وحرکت قیلماقده دیر.
بیزلرنینگ توییترده هم تعقیب قیلینگ!
اونگه کوره: «امریکا نینگ هیچ تصمیمی یوق، امریکا افغانستان و منطقه ده‌گی اعتبارینی قیته تیکلش مقصدیده سعی‌وحرکت قیلماقده دیر. امریکا اسلام امیرلیگی‌نی نه حکومت قیلیشی و نه هم سقوط قیلیشینی ایسته‌یدی.»
ایتیش کیره‌ک که، امریکا نیچه کون آلدین اسلام امیرلیگی برابری ده اقدامی اوزگریشیدن خبر بیرگن ایدی، شو بیلن بیرگه مذکور مملکت تشقی ایشلر وزیری اسلام امیرلیگی اوستیگه چیکلاو یره‌تیشیدن آگاه‌لنتیرماقده؛ بیراق ایش بیلرمان‌لر بو هشدارلر شعار ده قالیشی ممکن دیه ایشانه‌دیلر.
