بیرلشگن ملت‌لر تشکیلاتی نینگ باش کاتبی آنتونیو گوترش، افغانستان اقتصادی وضعیتی خصوصیده ۱۶ صحیفه‌لیک بیر گزارش‌ده ایتیشیچه، اوشبو مملکت نینگ اقتصادی وضعیتی خواطرلی دیر.
جناب گوترش اضطراری انسانی وضعیت، اقتصادی انقراض و بانک تیزیمی قوللش عاملینی، همه شمول حکومت تشکیل ایتیلمسلیککه باغلیق دیگن.
اونینگ ایتیشیچه، افغانستان‌ده ۲۰۲۱-ییل‌ده کمیده ۱۸.۵ میلیون کیشی انسان پرورلیک یاردم‌لر گه محتاج ایکن، بیراق ینگی میلادی ییل کیلیشی بیلن، کمبغل کیشی‌لر نینگ سانی ۲۴ میلیون گه ییتگن.
بیزلرنینگ فیسبوک صحیفه‌میزگه باش اورینگ!
عین حالده، اقتصادی ایش بیلرمانلردن قطاری مملکت‌ده اقتصادی فاجعه نینگ اصلی عاملی نی سیاسی بحران دیب ایتیشیچه، اسلامی امارت حکومتی ایچکی و خلق‌ارا مملکت‌لر تامانیدن مشروعیت گه تانیلمه گن تقدیرده، اقتصادی بحران یامانلشیشی ممکن.
اسلامی امارت سوزلاوچیسی نینگ اورین‌باسرلریدن بلال کریمی، دنیا جماعه‌چیلیگی نی افغانستان نینگ حاضرگی وضعیتی گه مسئولی دیب ایتیشیچه، سابق دولت‌ده هم اقتصادی بحران بار ایدی و اسلامی امارت ایچکی و تشقی منبع‌لردن قوللش بیلن بو قیین‌چیلیکلر نی حل قیلیش اوچون سعی و حرکت قیلماقده.
بیزلرنینگ توییترده هم تعقیب قیلینگ!
افغانستان‌ده اسلامی امارت قدرت گه ایریشگنیدن کیین، مملکت یشاوچیلریدن مینگلرچه‌سی ایشلری نی قولدن بیرگنلر و شونینگدیک خلق ارا نهادلر انسانی فاجعه یوزبیریشیدن آگاه‌لنتیرگن.