فاریاب‌ده میدیا فعال‌لریدن بولمیش محمداسلم تیمور، ۶ ییل آلدین امنیتی قیین‌چیلیکلر سبب، مملکت‌نی ترک قیلگن و حاضر سویس ده تیریک‌چیلیک قیله‌دی.
محمداسلم تیمور فاریاب مرکزی میمنه شهریده دنیا گه کیلگن. او، عالی تعلیمات‌نی جوزجان بیلیم یوریتی نینگ مهندسلیک فاکولته‌سیگه یکونلنتیرگن. جناب تیمور میدیا ده علاقمند بولگنی سبب، افغانستان میدیالریگه فعالیت قیلگن و حاضر سویس ده کمره ایش‌لرینی تخصصی شکلده اورگنگن.
اسلم تیمور کمیده ۵ ییل افغانستان میدیالریده فعالیت قیلگن و اونینگ مهاجرلیک‌دن کوپینچه حکایه‌سی بار. اونینگ کوپه‌یتیریشیچه، مهاجرلیکده آرزولریگه قول تاپیش ساده ایمس و کوپینچه سعی و حرکت قیلیش کیره‌ک.
اسلم تیمور نینگ ایتیشیچه، امنیتی قیین‌چیلیک و تهدیدلر سبب، نامنظم مهاجرلیک نینگ بوتون قیین‌چیلیک‌لرینی قبول قیلیب و ۱۳۹۴- ییلده مملکت‌نی ترک قیلیش‌گه مجبور بولگن. او، ایران و ترکیه ده نامنظم مهاجرلیک دورینی تجربه قیلگن.
جناب تیمورنی، ترکیه-یونان سوو‌لریده کیمه‌سی نینگ بوزیلگنی خصوصیده قیغولی حکایه‌لری بار.
اسلم نینگ ایتیشیچه: «مهاجرلیک یولی‌ده کوپینچه قیین‌چیلیکلرنی تحمل قیلگن. ترکیه دن یونان تامان یولگه چیقدیک، سوونی اورته‌سیگه کیمه‌میز اوچیب قالدی، کمیده ۳۰ دقیقه سوونی اورته‌سیگه قالدیک. کیمه نینگ سووگه چوکیشینی توشینه‌ریدیک. نتیجه‌ده کیمه نینگ ایچیده بولگن یاش‌لردن بیری کمیه‌نی توزه‌تیش‌گه موفق بولدی و اوندن سونگ، یونان جزیره‌لریدن بیریگه باریش‌گه موفق بولدیک.»
اسلم تیمور مهاجرلر آره‌سیده اوزینی خوش‌شانس عنوان قیله‌دی. اونینگ ایتیشیچه، یونان، اتریش و سویس ده بولگن مهاجرلر کمپ‌لریده ۵ دن باشلب ۱۰ ییل دن بویان سرنوشت‌لری معلوم بولمه‌گن کیشی‌لرنی کورگن. تیمور نینگ ایتیشیچه، مهاجرلر کمپ‌لریده سرنوشت‌لری بیللی بولمه‌گنی سبب، اوزلرینی آسگن یا-ده روحی کسللیک‌لرگه چلینگن کیشی‌لرنی کورگن.
محمداسلم تیمور نینگ کوپه‌یتیریشیچه: «۳ ییل جریانیده ایش قیلش اوچون رخصت نامه‌مم یوق ایدی، لیکن فعالیت‌لریم گه دوام بیردم. سویسی‌لر بیلن آشنا بولدم و اولر آرقه‌لی میدیا ایش‌لرینی اورگندم و اولر بیلن فیلم توزه‌تم و ۳ ییل جریانیده کمره ایش‌لرینی اورگندم. بو مدت ده فرهنگی ایش‌لرم هم دوام قیله‌ریدی، بیرقطار افغان‌لر بیلن فرهنگی ایش‌لرنی انجام بیره‌ریدیم. نتیجه‌ده ۳ ییل دن سونگ، باش‌پناه ایزلاوچی صفتیده قبول بولدم و سویس ده بیر پرودکشن توزه‌تیش‌گه قرار قیلدم. حاضرده پرودکشن اوستیگه ایش قلماقده من و کیله‌سی کون‌لرده پرودکشن‌نی رسمی قیلیش بو یول آرقه‌لی ایش قیلیش نی ایسته‌یمن.»
اسلم تیمور حاضر ده سویس ده وقتنچه‌لیک شکلده قبول بولگن و بیر پرودکشن ده ایش قیله‌دی و اوتگن ۳ ییل جریانیده سویس فعال‌لری بیلن قطار فیلیم توزه‌تگن.
