آمریکا قوشمه ایالت‌لری نینگ افغانستان خاتین قیزلری و بشر حقوقی ایشلری بوییچه مخصوص نماینده‌سی رینا امیری نینگ ایتیشیچه، اسلامی مملکت‌لر بیرینچی‌دن اسلامی امارت‌نی بشر حقوقی گه حرمت قیلیش و افغان خاتین قیزلری گه تحصیل و ایشلش گه رخصت بیریشی خصوصیده جواب گرلیککه تارتیشی کیره‌ک.
خانم امیری بوگون توییتری‌ده یازیشیچه، اسلامی همکارلیک تشکیلاتی گه اعضا مملکت‌لر نینگ نماینده‌لری بیلن سعودی عربستان نینگ جده شهری‌ده اوچره‌شگن. اونگه کوره، اوشبو اوچره شووده اسلامی همکارلیک تشکیلاتی گه اعضا اولکه‌لر نینگ نماینده‌لری بیلن افغانستان ده‌گی بشری انقراض گه چیک قوییش اوستیده بحث ایتگن.
بیزلرنینگ فیسبوک صحیفه‌میزگه باش اورینگ!
آمریکا نینگ افغانستان خاتین قیزلری و بشر حقوقی ایشلری بوییچه مخصوص وکیلی نینگ تأکیدلشیچه، بشر حقوقی و انسان پرورلیک مسئله‌لر بیر-بیری بیلن چمبرچس باغلیق دیر. او نینگ کوپیتیریشیچه، اسلامی همکارلیک تشکیلاتی اعضالریدن، اسلامی امارت‌نی همه شمول حکومت شکللنیشی و حقوق‌لریدن دفاع قیله دیگن‌لر جزالنتیریلیشی گه چیک قوییش لری اوچون باسیم کیلتیریشی سوره‌لگن.
آمریکا نینگ افغانستان خاتین قیزلری و بشر حقوقی ایشلری بوییچه نماینده‌سی نینگ اورغولشیچه، سعودی عربستان فقه اکادمیه‌سی بیلن خاتین قیزلر گه بورسیه بیریش اوچون ییغین اوتکزگنینی قوشیمچه قیلیب، بیلیم، ایش و برچه ساحه‌لر جمله‌دن سیاست‌ده عیاللر اشتراکی اسلام قدریت لری گه قرشی ایمسلیگینی تاکید ایتگن.
بیزلرنینگ توییترده هم تعقیب قیلینگ!
شونینگدیک خانم امیری گه کوره، اسلامی ترقیات بانکی بیلن ثمره‌لی مسئله‌لر اوستیده بحث ایتگن. او افغانستانده‌گی بشری وضعیت‌نی کنترول قیلیش اوچون امانی صندوق قوریلیشی، اسلامی همکارلیک تشکیلاتی اعضالری و باشقه مملکت‌لر نینگ حمایتینی جلب ایتیش بوییچه آلیب باریله یاتگن سعی-حرکت‌لرنی خوش قرشی له‌گن.