امریکا و اسلام امیرلیگی آره‌سیده محبوسلرنینگ المشتیریلیشی بوییچه مذاکره‌لر خصوصیده گزارشلر ترقه‌تیلگنی‌دن کیین، سرپرست حکومت سوزلاوچیسی ذبیح‌الله مجاهد‌نینگ سلام‌وطندار گه ایتیشیچه، افغانستان بو توغریده امریکانینگ عملی اقدامینی کوتیب تورگن.
جناب مجاهد‌نینگ کوپه‌یتیریشیچه، امریکا ایکی مملکت آره‌سیده‌گی محبوسلر المشتیریلیشی اوچون اسلام امیرلیگی ایسته‌کلرینی نظرگه آلیشی کیره‌ک.
سرپرست حکومت سوزلاوچیسی‌نینگ اورغولشیچه: «افغانستان بیر قطار امریکالیک حبس‌گه دیر؛ بیراق محبوسلرنینگ المشتیریلیشی توغریسیده اولر بیلن نیچه مرته صحبت قیلگن‌میز؛ صحبت بولگن و اولرنینگ عملی آدیم آلیشلرینی کوتیب تورگن‌میز و افغانستان ایسته‌کلرینی هم نظرگه آلسینلر. بیزلرنی هم امریکا ده گوانتانامو ده محبوسلریمیز بار؛ مذاکره‌لرنینگ دوامی بار؛ لیکن حاضرگچه بو بولیم‌ده عملی آدیم آلینمه‌گن.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی ایکی مملکت آره‌سیده محبوسلر المشتیریلیشی اوچون امریکانینگ عملی اقدام‌لرینی ایسته‌گنی بیرحالده؛ بیراق امریکا حاضرگچه بو مسئله‌ده قوشمه بیر نظر گه یتیشمه‌گن.
رویترزنینگ گزارشی اساسیده، امریکا جمهور باشلیغی جو بایدن، افغانستان ده حبس‌گه بولگن امریکالیک عایله‌لر بیلن صحبت قیلگنی‌ده امریکالیک محبوسلر قوییب یوباریلیشی‌گه تاکید قیلگن؛ لیکن امریکانینگ تنلنگن جمهور باشلیغی دونالد ترامپ «فاکس‌نیوز» بیلن اوتکزگن صحبتیده ایتیشیچه، محبوسلرنینگ المشتیریلیشی‌گه طرفدار ایمس؛ اما بو موضوع‌نی تیکشیره‌دی.
شونده‌ی بیرحالده، سیاسی مسئله‌لر و خلق‌ارا رابطه‌لر بیلرمانلری، امریکا ینگی حکومتی‌نینگ افغانستان گه نسبت سیاستی‌‌ده، ایکی مملکت آره‌سیده محبوسلر المشتیریلیشینی فایده‌لی بیله‌دیلر.
بو توغریده سیاسی مسئله‌لر و خلق‌ارا رابطه‌لر بیلرمانی نیازمحمد همدرد‌‌نینگ ایتیشیچه: «افغانستان ده‌گی قیین‌چیلیک‌لرنینگ ایکی یول آرقه‌لی حل بولیشی ممکن؛ بیرته‌سی تینچ‌لیک و مذاکره و ایکینچی‌سی ایسه اوروش دیر. ترامپ حکومتی اسلام امیرلیگی بیلن مذاکره یولی آرقه‌لی بو مسئله‌نی حل قیله آله‌دی. بو توغریده ایکی تامان‌نینگ شرط‌لری بار؛ ایکی تامان آره‌سیده تفاهم بولگنی‌ده ایکی تامان علاقه‌لری یقین‌لشی‌گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
شونینگدیک بو توغریده سیاسی مسئله‌لر و خلق‌ارا بیلرمانلردن باشقه بیری عنایت‌الله همام‌نینگ ایتیشیچه: «بو توغریده مذاکره بوله آله‌دی و ایکی تامان کیشی‌لر‌نینگ اهمیتی و قضیه‌لری گه قره‌ب المشتیریلیشی‌گه قناعت قیله آله‌دیلر. ایکی تامان علاقه قوریب، بیر بیری‌دن ایشانچ قولگه کیلتیره آله‌دی. ترامپ اداره‌سی هم کوپینچه تبلیغلر بیلن هر جای ده بولگن امریکالیک محبوس‌نینگ آزاد قیلیشنی ایسته‌یدی؛ بیراق بو توغریده ایکی تامان ایسته‌کلری نظرگه آلینیشی کیره‌ک.»
امریکالیک ییتکرمه‌لر‌نینگ گزارشی اساسیده، امریکا و اسلام امیرلیگی آره‌سیده محبوسلر المشتیریلیش مذاکره‌لری، ۲۰۲۴-ییل جولای آیی‌دن باشلنیب و بو مذاکره‌لر امریکا قماقخانهسیده محمدرحیم الافغانی و افغانستان ده امریکالیک محبوسلر رایان کوربت، جورج گلزمن و محمود حبیبی‌نینگ المشتیریلیشی شامل دیر.
ایکی کون آلدین اسلام امیرلیگی سوزلاوچیسی اورین‌باسری حمد‌الله فطرت، «نیچه بی‌گناه افغان» نینگ امریکا قماقخانه‌لریده محاکمه بولمس‌دن حبس‌گه بولگنینی ایتگن ایدی.
