امریکا تشقی ایشلر وزیرلیگی، افغانستان نینگ توسیلگن سرمایه‌لرینی سقلش و سرمایه یاتقیزیش اوچون مخصوص صندیغ ایجاد ایتیلگنیدن خبر بیرگن. بیانیه ده کیلیشیچه، افغانستان نینگ موزله‌تیلگن سرمایه‌لریدن ۳.۵ میلیارد دالری، «افغان فند» آتیده ینگی قوریلگن صندیققه انتقال بیریله‌دی.
امریکا حکومتی گه کوره، اوشبو پول‌لردن افغانستان خلقی نینگ اقتصادی قیینچیلیکلری حلی و بو مملکت نینگ خلق‌ارا قرض‌لرینی توللش اوچون قوللنیله‌دی، بیراق بو پول‌لر مستقیم طرزده اسلامی امارت گه بیریلمه‌یدی.
امریکا تشقی ایشلر وزیرلیگی نینگ بیانیه‌سی بیر بولیمیده کیلیشیچه: «افغان فند صندیغی ده، افغانستان نینگ توسیلگن سرمایه‌لریدن ۳.۵ میلیارد دالری سقلنه‌دی، اوشبو پول دن افغانستان ده اقتصادی ثبات و مخصوص غایه‌لر اوچون قوللنیله‌دی.»
بیزلرنینگ فیسبوک صحیفه‌میزگه باش اورینگ!
اوشبو صندیغ امریکا، سویس و افغان کارشناس‌لریدن بیر قطاری نینگ فکر_ملاحظه‌سی بیلن قوریلگن.
امریکا تشقی ایشلر وزیرلیگی نینگ بیانیه‌سیده کیلیشیچه، افغانستان نینگ باشقه مملکت‌لرده توسیلگن سرمایه‌سی، یقینده اوشبو صندیققه انتقال بیریلیشی کوتیله‌دی.
باشقه تاماندن اقتصادی ایش بیلرمان‌لر، افغانستان نینگ موزله‌تیلگن سرمایه‌لری سویس نینگ بانک‌لریدن بیری گه انتقال بیریش خصوصیده، امریکا نینگ قرارینی خوش قرشی‌لب، مملکت نینگ مالی و بانکی تیزیمی اوچون اونملی بیله‌دیلر.
اولر سلام‌وطندار بیلن اوتکزگن صحبت‌لریده ایتیشلریچه، اوشبو ریجه عملی بولگن تقدیرده، افغانستان نینگ اقتصادی قیینچیلیگی حل بولیشی ممکن.
اولر گه کوره، افغانستان نینگ موزله‌تیلگن سرمایه‌لریدن بیر قسمی سویس نینگ بانک‌لریدن بیری گه انتقال بیریلیشی بیلن، خصوصی بانک‌لر نینگ حواله ایشلری بوییچه قیینچیلیکلری حل بولیب و افغانستان بانک‌لری بیلن خلق‌ارا بانک‌لر نینگ مناسبتینی کوچه‌یتیریشی ممکن.
بیزلرنینگ توییترده هم تعقیب قیلینگ!
برچه‌سی بیلن، اسلامی امارت سوزلاوچیسی نینگ اورین باسرلریدن بلال کریمی سلام‌وطندار بیلن اوتکزگن صحبتیده، امریکا دن افغانستان نینگ موزله‌تیلگن پوللرینی آزاد ایتیشینی طلب قیله‌دی.
ایتیش کیره‌ک که، افغانستان مرکزی بانکی بعضی شرط‌لرنی عملی قیلمه‌گن حالده، افغانستان نینگ توسیلگن سرمایه‌لرینی اوشبو بانک که انتقال بیرمسلیگینی معلوم قیلگن امریکا حکومتی.
