صناعت و سوداگرلیک وزیرلیگی صناعت و کان‌لر اتاقی، صناعت و سوداگرلیک اتاقی و افغانستان عیاللری صناعتی، «صیام بزنس» نهادی و باشقه قطار نهادلر یاردمی بیلن، بوگون «اختر بازار و ایچکی تولیدلر» نامی آستیده کورگزمه یولگه قوییدی.
اوچ کونگچه دوام قیله‌دیگن مذکور کورکزمه‌ده ییگولیک ماده‌لر و تزئینی نرسه‌لر شامل دیر. شونینگدیک اوشبو کورکزمه اینترکانتیننتال‌ده یولگه قوییلیب و اونینگ یولگه قوییلگنیدن مقصد، ایچکی تولیدلر و خصوصی سکتور‌دن حمایت قیلیش دیر.
باشقه بیر تاماندن، اوشبو کورکزمه گه شرکت قیلگن عیال‌لردن قطاری، اوشبو کورکزمه نینگ یولگه قوییلگنی خصوصیده خورسند‌لیک بیلدیریب و ایتیش‌لریچه، شو کبی کورکزمه‌لر نینگ یولگه قوییلیشی محصو‌لری نی نمایش گه قوییش اوچون یخشی فرصت یره‌ته‌دی.
بیزلرنینگ توییترده هم تعقیب قیلینگ!
سوداگر عیال و افغانستان صناعت و سوداگرلیک اتاق عضوی زرلشت کاملی نینگ سلام‌وطندار گه ایتیشیچه: «بوگون بو کبی کورکزمه نینگ یولگه قوییش بیلن، عیالر گه محصوللری و زحمت‌لری نی نمایش گه قوییش اوچون رخصت بیردیلر و اولر نینگ بو ایش‌لری خورسند‌لیگی‌میز گه سبب بولدی.»
مذکور کورکزمه گه شرکت قیلگن سوداگر عیال‌لردن باشقه بیری خجسته روان نینگ ایتیشیچه، اوی‌دن تشقی عیال‌لر فعالیتی نینگ محدود بولگنی گه قره‌گنده، بو کبی کورکزمه نینگ یولگه قوییلیشی بیر یوتویق و امید‌والر قیلووچی دیر.
بیزلرنینگ فیسبوک صحیفه‌میزگه باش اورینگ!
شونینگدیک سوداگرلردن باشقه بیری نعمت‌الله ستانکزی، اسلامی امارت تامانید‌ن بو کبی کورکزمه‌لر نینگ کوپه‌یشی نی ایسته‌یدی. اونینگ ایشانچی گه کوره، بو کبی برنامه‌لر نینگ یولگه قویلیشی مملکت ایچکی تولید‌لری نینگ ترقیاتی و رواجلنیشی اوچون اونملی دیر.
ایتیش کیره‌ک که، مملکت‌ده اسلامی امارت نینگ قدرت گه ایریشگنیدن کیین، بیرینچی مرته دیر که بو کبی کورکزمه‌لرده عیال‌لر سانی کوپ بولیب و اوشبو کورکزمه نینگ شرط‌لریدن بیری ایچکی تولیدلر نینگ نمایش گه قوییش دیر.